اخواتي حبيبباتي
جيبتلكم النهارده وصفه مصريه اصيله بيعرفها كل بيت مصري وبيحبها كل صاحب مزاج وكل بيت له طريقته واسلوبه في طبخها وكثير من الناس تحب ان تاكل كشري في المطعم لان طعمه مختلف اكييد
بس اكيد كشري البيت انظف واوفر وصحي اكتر
لان الدراسه اثبتت25% من محال بيع الكشري تقدم وجبة
كشري فيهاعلى مادة الألمونيوم ودي ماده خطيره تتراكم في الجسم وبيتسبب في بعض الأمراض مثل الزهايمر والسرطان والفشل الكلوي والتسمم وضعف القدرة الجنسية وهشاشة العظام.والعياذ بالله
لانهم بيطبخوا ويخزنوا الكشري في اواني الومنيوم علشان كده اوعي تخلي جوزك ياكل كشري بره
ويلا بينا هنشوف اسرارالكشري المصري بتحبيشاته وصلصاته ودقته ونعمله في البيت كما يجب ان يكون
التحضير للطبخ
نصيحة للطبخ:
عند طبخ البقوليات، انقعيها لمدة 6-12 ساعة، احرصي على التخلُّص من الماء بعد النقع، واغسليها جيداً قبل الطبخ، فذلك يساعد على تجنُّب النفخة والاضطرابات المعوية التي يعاني منها البعض عند تناول البقوليات.
(يعني تسلقي في ميه جديده غير اللي نقعتي فيها الحمص والعدس)
مقادير الكشري"
مقادير الصلصه:_
1\2 كيلو طماطم معصوره ومتصفيه
2 ملعقه كبيره صلصله الطماطم
5 فصوص ثوم مفروم
1 ملعقه كسبره ورق لورا مطحون فلفل ابيض
كمون(2 ملعقه صغيره)
1\4 كوب خل
مقادير الدقه:_
سر قرمشه البصل:-
نرش قليل من الدقيق على البصل وتقليبه جيدا قبل تحميره حتي يعطي قرمشه ولكن لا يوضع في الزيت الا بعد ان يسخن الزيت جيدا جدا لكي لا يلتصق بالقاع ثم يصفي البصل من الزيت وافرده في طبق علي ورق نشاف لامتصاص الزيت الزائد
(ممكن تضيفي بعض الملح للبصل لزياده القرمشه)
قبل تقديمه يقطع رفيع جدا بالسكين)
السر التاني:
هوالزيت اللي اتحمر فيه البصل اخد طعم ونكهه البصل علشان كده هستخدمه انكهه بيه اكلتي كلها احمر به الشعريه واستخدمه في تسويه العدس وكمان اضع منه علي المكرونهبعد سلقها ود سر النكهه....... تعالوا نشوف الخطوات
ده البصل بعد التحمير حمرته كطرنشات ثم افرمه ناعم وارشه علي وجه الطبق قبل التقديم مباشره
وده الشكل بعد النضج
اسلق الحمص مع الماء ولا يضاف ملح الا في قرب النضج وبعد النضج يصفي ويغسل
يسلق العدس نصف سوي ثم اصفيه واحتفظ بماء السلق (بيعطي اللون المميز للكشري)
في اناء اضع قليل من زيت البصل واضيف الارز المغسول المصفي
اقلبه قليلا ثم اضيف العدس واضيف من ماء سلق العدس ما يكفي لنضج الارز والعدس سويا
الصلصه:
. يتم عمل الصلصة بوضع الثوم المفروم في الزيت حتى يحمر ثم يضاف الخل فورا ويليه عصير الطماطم والصلصة و. اتركيها تغلى وان وجدتى قوامها كثيف جدا فضيفى لها بعض الماء واتركيها حتى تغلى .
ضعى ملحها ثم تنكه بالكمون والكسبره الجافه وورق اللورا المطحون والفلفل الابيض والشطه الجافه ثم ارفعيها من على النار
سلطه الكشري
سلطة الكشرى تختلف عن أي نوع سلطةفميتها كتيره بالنسبه لبقيه المكونات
قطعى الطماطم مكعبات صغيرة وضيفى عليها الكسبرة الخضراء أما الشطة فهى حسب الرغبة، ممكن نصف ملعقة صغيرة شطة مجففة ، وضيفى الماء والخل والملح
دقه الكمون
ضيفى مكوناتها جميعا ثوم مفروم + كمون + خل + ماء + ملح فى وعاء ثم قلبيها جيدا.أو ضعيهم فى زجاجةاو برطمان،مثل مطاعم الكشرى، ورجيها كويس(انا عملتها اول حاجه علشان تتعتق وتاخد طعم التوم لفتره اطول)
ملحوظه:
اذا لم تكوني تحبي رائحه الثوم وطعمه في الدقه ممكن تقللي من حده طعمه بانك تحميره الاول ثم تضيفي الخل ثم بقيه المكونات
طريقه التقديم:
نضع طبقه من العدس والارز
ثم طبقه من المكرونه الاسباجتي والصغيره
ثم طبقه من الشعريه
ثم طبقه التقليه وحمص الشام علي الوش
وده الشكل النهائي للطبق
او يقدم بهذا الشكل
وده الشكل النهائي للكشري مع الصلصه والدقه وكمان باذنجان مخلل وزيتون مخلل حاجه تفتح النفس
اتفضلوا معانا............................
جربوا ان شاء الله يعجبكم
مستنيه رودكم وتجاربكم
وياريت تشاركونا اسراركم في عمل الكشري
اشوفكم علي خير
اختكم وبحبكم في الله
والسلام عليكم ورحمه الله
الكشري المصري بصلصاته.. وسلطاته ..وتحبيشاته (مشاركه لroza1)من مطبخ بارادايس
رد مع الاستدلال
كتبت بواسطة ~~زهرة المدائن~~
الروابط المفضلة