البيتي فور لعيون كل الحلوين اللي طلبوه

**هنلي** · 26-06-2003, 07:16 PM

مرحبا اخواتي
شو اخباركم
والله نظرا للطلب على البيتي فور جبتلكم عده طرق له وشفو النتائج

وهي كمان

وهذا اطرافه مغطاه بالشوكولا

وهذا بسكويت بالعسل

وهذا بالبرتقال وجوز الهند

وهذا عاد بالشوكولا والبندق

وهذا عاد مشكل لعيون كل الحلوين

وعاد كل وحده تنقي اللي بدها ايا وانا في الخدمه لاي طريقه

**هنلي** · 26-06-2003, 07:30 PM

عاد انا مش راح استنى لحد ما تطلبوا مني انا بدي اعطيكم اول اشي هذا البيتي فور زي
اللي في الصوره الاخيره المشكل
واسمه بسكويت فيينا
والمقادير
1 كوب طحين
ثلاث ارباع كوب زبده
2 ملعقه كبيره سكر بودره
1 ملعقه صغيره فانيلا
للزينه
اما وهذه الزينه اختياريه
شوكولا مره او حلوه او بيضاء سائله
جوز او لوز او فستق او اي نوع من المكسرات المحببه
فواكه مجففه اي نوع
مربى فراوله او اي نوع من المربيات
وممكن تخلي البسكويت على شوكولا باضافه ملعقتين كاكاو بودره
الطريقه
تخفق الزبده مع السكر حتى تصبح كالكريما
ثم نضيف الفانيلا ومن ثم الدقيق شوي شوي حتى يستوعب المزيج وممكن نضيف الكاكاو البودره
ثم في كيس السكب نضع الخليط او عن طريق ملعقتين نشكلها
ممكن نضيف المكسرات المجروشه او الشوكولا حب
وندهن الصينيه بالزبده ونشكلها بالشكل الزهره انا بعمل هيك
وندخلها فرن منوسط الحراره لمده ربع ساعه من اسفل وتكون الصينيه في الوسط
ولا ننقلها من الصينيه الا عندما تبرد لانها بتكون طريه وسهله الكسر وهي ساخنه
وممكن نغطسها لما تبرد بالشوكولا او نضع مربى الفراوله في وسطها زي اللي في الصوره
وممكن اللي بتحبوه تعملوه
وشكرا

**إيمان علي** · 26-06-2003, 07:43 PM

تسلم إيديك يا هنلي يا ملكة الحلويات

**shahdmylife** · 26-06-2003, 08:37 PM

مش غريبة عليك يا هنلي..أهل فلسطين دائمآ ما بيقصروا عند الحاجة..
شكرآ حبيبتي علي الأطباق الي إبتفتح النفس.

**حبيبة الكويت** · 26-06-2003, 11:32 PM

الله يعطيك الف عااااااافيه
وتسلم ايدك

**um bader** · 28-06-2003, 05:08 AM

شو هالحلاوة هى يا هنلى شى بيشهى الله يرضى عليكى يا رب.
.

**ريتاج** · 28-06-2003, 05:52 PM

تسلم ايدك

**بنت بلدها** · 30-06-2003, 01:48 AM

تسلم الأيداي
صرااااااااحه ماشاء الله رووووووووووووووعه

جزاك الله خير
تسلمممممين

**Dandosh** · 01-07-2003, 08:24 AM

هنللللللللللللللللللللللللي

مش عارفة شو ادعي لك .. الله يوفقك و يجزيك الخير و يخلي لك تالا و ابو تالا و كل العيلة سوا
و الله مبارح قريت الطريقة تشجعت (نا بالحلويات صفر عالشمال).... بس شو طلع شي بيجنن بيبيض الوجه طعم و شكل وووووووووووووووووو .. مو معقول .. حبيت حالي

قلت لازم اول شي عالصبح اشكرك و زيدينا من الوصفات الحلوة (و السهلة اهم شي) و احلى شي انه ما فيها بيض

**هنلي** · 01-07-2003, 05:33 PM

الله يخليكم خجلتوني
بس بدي ارد على الاخت دندووووش
كيف حال التوام اكيد صاروا يتطنطوا جوا لما اكلتي من هالبيتي فور هههههههه
على فكره انا كنت طلطميس في الحلويات والطبخ وغيره بس
من يوم ما سجلت ودخلت في منتدى لك
صرت معلمه في الحلويات حتى جوزي لاحظ
انتي داومي في ركن الاطباق المنوعه الحلويات والمقبلات والمعجنات والطبايخ وغيرها
وح تفتحي مطعم خمس نجوم لانك رح تصيري معدله
وشوفي ورح تدعيلي
وشكرا للكل

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: البيتي فور لعيون كل الحلوين اللي طلبوه

أدوات الموضوع

العرض