تنظيف الكيتشين ماشينز *** *** *** *** *** ملكه النظافه والتنظيم *** *** *** *** ***
تنظيف الكيتشين ماشينز *** ملكه النظافه والتنظيم***
من يومين كده اتسحبت من وراكوا ودخلت المطبخ كده وهوا رايق وجميل وقلت أنضف أجهزة الكيتشين ماشينز
يعني
الخلاط
الكبه
المفرمة
مضرب البيض
والبراون هاند
ده كان شكل الدرفه
ياللا بينا ننضف
هنحتاج لدول
وعلي كرسي وقفت وفضيت كل محتويات الرف وحطيتهم طبعا علي فوطه قديمه شويه
وبخة ملمع زجاج علي الرف وبالفوطه
بقي فل
قبل ما نبدأ تنظيف هنغطي التوستر بفوطه عشان ميتبهدلش ولا يتوسخش
وادي الأجهزه قدامنا
تفتكروا نبدأ بمييييييييييييييييييييييييييين؟؟؟
هنبدأ بده
ماتستغربوش أيوه هنبدأ بالسلوك
هنرشها كلها بالمحلول السحري
وبعدين هنمسك سلك سلك
نرشه
وننضفه كويس بالفوطه
وهنلفه علي إيدنا كده
ونربطه بالسلك كده
ونكمل باقي الأسلاك
تمام أوي كده
نيجي بقي لأول جهاز نرشه بالمحلول السحري (كلور وديتول وميه)
وبفرشاة الأسنان وع الناشف بدون أي مياه هندعكه كويس وبالخله نجيب المستخبي كله
وبعدين نمسحه كويس بالفوطه
والجهاز اللي نخلصه نحطه علي جنب كده
نكمل باقي الأجهزه بنفس الطريقه
وبصوا معايا كده ع الفرق
كده الأجهزه كلها بقت تماااااااااااام
ياللا نقف ع الكرسي نرصهم في الدرفه
الحمد لله خلصناااااااااااااااااااااااا
تيجوا نوسخ الخلاط تاني
إيه رأيكوا
جنان مش كده
ياللا
وادي عصير الفراوله بقي جاهز
سوري معملتش حساب حد
يادوب أنا وأطفالي
استني هنا يا حلوه قبل ما تشربي العصير الفريش الساقع اللذيذ ده
الخلاط ده
يتمسح أول بالفوطه كده
ويرجع مكانه
الحمد لله
نقفل الدرفه بقي
باااااااااااااااااااااااااااااي
أروح أشرب العصير بتاعي
ههههههههههههههه
بقول شربته من يومين
و إلي اللقاء في موضوع تنظيفي تنظيمي جديد بإذن الله
اللهم إجعل أعمالنا هذه خالصه لوجهك الكريم وأن تكون عملا وعلما ينتفع به
اااااااااااااااااااااااااامين
والسلام عليكن ورحمة الله وبركاته
رد مع الاستدلال
الروابط المفضلة