واليـــوم مع حــامل جديد للموبايل والشاحن *** ****** ملكه النظافه والتنظيم ****** ***

[فرح الإسلام]

المررادي مش بس زهقتي من فوضي سلك الشاحن ؟؟

لأ وكمان بتدوخي علي ماتلاقي موبايلك ؟؟

اتفضلي عندي الحل

3 في 1

يعني حامل للشاحن

وكمان علاقه للباب

وأيضا إستاند لوضع الموبايل أوالكاميرا

بصراحه بصراحه بعد ما عملت موضوعي السابق عن حامل الموبايل وهوا بيشحن

زهقتي من فوضي سلك الشاحن ؟؟ اصنعي بنفسك حامل مبتكر✿✿ ملكة النظافة و النتظيم✿✿

عجب ماما اوي وقالتلي اعملها واحد

وانا عندي مشكله ّّ (قد تكون ميزه أحيانا) و هيا اني مبحبش اكرر حاجه عملتها

يعني يا اما اعدل فيها أو أبتكر شئ جديد لنفس الغرض

المهم عملت شكل تاني بس المره دي اقوي وامتن وخاماته برضه متوفره

إن شاء الله مش هنحتاج غير ل..

* برطمـان فارغ
* ابــــــره طويله
* أدوات كروشيه
للتزيين
* سكــــــــــــــين
* مقـــــــــــــــص
* قلـــــم رصاص
* قلــــــــم حبــــر
* مســـــدس شمع

................................ ودلوقتي اتفضلوا شوفو معايا .................................

* هنجيب البرطمان الفارغ وكان شكله كده

* هنشيل الورقه من عليه وهنغسله كويس أوي

* بالقلم الرصاص هنبتدي نرسم الشكل اللي احنا عايزينه ونعمل دايره في منتصف التصميم

*اسندي البرطمان علي فوطه أو مساكه و بسكينه مشرشره اقطعي الأجزاء الزياده

* والمقص برضه لبعض الأماكن اللي مش بتنفع بالسكينه ونفرغ الدائره كمان

* دلوقتي بقي شكل البرطمان كده

* بالقلم الحبر علمي نقط بمسافات متساويه للتخريم

هكذا من الأمام

وكذلك من الخلف

* بحرص شدشد سخني الإبره علي النار

* أصبحت الإبره ساخنه قومي الأن بعمل الثقوب ليصبح الشكل هكذا

* إختاري لون خيط مناسب وزيني الأطراف بسناره رفيعه وسيظهر الشكل هكذا

*بألوان أخري إعملي ثلاث وردات وثلاث ورقات شجر

*إلصقيهم بمسدس الشمع بشكل منسق هكذا

والأن أصبح لدينا

حامل للشاحن

وكمان علاقه للباب

وأيضا إستاند لوضع الموبايل أوالكاميرا

وعلي فكره ده أكبر يعني يسع لأكتر من جهاز

اتمني يعجبكم

ويا تري ماما هتختار أنهي ؟؟
ده وللا الأولاني ؟؟؟؟؟؟؟؟

وسلامي ليكوا يا حلوااااااااااات
وإلي اللقاء في موضوع جديد بإذن الله

[جنى 23]

ما شاء الله على الابتكارات
ابداع يا بنتى تسلم ايديكى
بس البرطمان ده بلاستيك ولا ايه؟مش عارفة نوعه ايه
وبوسيلى بقى بودى وطاطا كان نفسى اشوفك واشوفهم بس مفيش نصيب

[فرح الإسلام]

ملحوقه ان شاء الله يا دندون
وتسلملي عنيكي

ده برطمان بلاستيك بتاع طحينه
مع اني برميهم علي طول لأن غسيلهم بيزهقني بس ده بالذات بقالي كتير شايلاه لأنه كان عاجبني أوي

[ساره الاعظمي]

روووعه يجنننن شكله

ان شاءالله اجرب الطريقه

يسلمو ايديك ياااارب

[super meme]

ماشاء الله حلوووو اووي وماما بتقولك عادي اي حاجه الاتنين حلوووين
بس انا بقه مستنيا بتاعي بس متنسيش ابيضx احمر

[l!Nda]

رووووووووووووووووووووعة تسلم ايدك فروووووووحة

[nona98]

حلوين اوي يا فرح الاسلام وماما قالت اي حاجة بس انا قلت لها تختار دة عشان دة احلى ويستحمل عشان الاعداء "احباب الله "
اكيد عرفتيهم بس انا بتاعي بقى تعمليه على زوقك عشان انا شاحني قصير اوي اوي سلميلي غعلى بودي وتيتو مستنينكم

[دمعه فلسطينية]

روووووووعة يا بنتي
لازم تعملي مشروع

وإذا مش ناوية أنا أنتج وأكتب عليه فرح الإسلام

أيوة هيك بدل ما نستورد من بره لازم نصنع إحنا

تسلم إيديكي يا فروحة
والله يعطيكي ألف عافية يا قمر

[فاطمة الزهراء10]

ما شاء الله على الابتكارات

[Rana363]

ماشاء الله تبارك الله بس ياريت مانكرر الافكار فى المسابقه لنفس المشتركه
وماتتوجه المسابقه لاشغال يدويه لاننا نبغى نركز على التنظيف والنتظيم

3 كفكره لانها مكرره لكِ انت



و للاشغال اليدويه