رحلة غوص في الثلاجة ✿ ملكة النظافة و التنظيم✿
سلملم
اخيرا فضيت اليوم للتلاجة
سمو بالرحمن
رح احكي عن التلاجة اللي هلكتني امبارح
بس شوو طلعت بس خلصت الف الف
وسائل التنظيف اللي استعملته
هو خلطة تعلمناها من دكتورتنا في نادي جمهورةي النظافة وهو عبارة عن
نسب متساوية من كلور + ديتول + ماء
بنحطهم بمرشة وبنصير ننظف فيها كل اشي وهاي تجربتي مع هذا السائل مع الثلاجة
اول شي شوفو كيف كان شكلها قبل التعديل
فضيت كل اغراضها على الطاولة
ورشيتها من جوا بمحلول منظف (كلور وديتول ومية بنسب متساوية بحطهم بالبخاخ وبنظف فيهم كل اشي)
وليفت كل جواريرها ورفوها
وحطيتهم عطرف الشباك لينشفو
ورجعت للتلاجة انظفها من جوا بالاسفنجة الناعمة وبعدين بالبشكير عشان انشفها منيح
وبعدين بس نشوف الرفوف رجعتهم شوفو ما احلاهم بضو ضوي والله
ورجعت الاغراض بالترتيب من بعد ما فرزتهم وشلت اغراض بديش اياها
وطبخت محشي ملفوف
وشطفت الارض ورتبت البيت
وبسسسسسسسسسسس تعبت
وهلاء دور ظهر التلاجة
اول شي شوفو كيف شكل فوق التلاجة عندي خربطيطة والله وشكلها عامل زي المخزن اوراق وصور وملبس وشوكولاته
اول شي شلت كل هدول الاغراض على المجلى
وانا فاردة على ظهر التلاجة قطعة قماش عشان لما اشيلها اغسلها وامسح على نظافة
وفجأة وانا على ظهر الكرسي وبمسح ومعجوقة ما استفقت الى سهام واسيلفايتين على المطبخ
واخخخخخخخخخخ وقع ستاند الفناجين وانكسرررررررررر
الله يهديهم ما عرفت كيف فاتو مع انه انا بحبش يفوتو على المطبخ وانا بشتغل ودايما بسكر الباب بس صار اللي صار ولمينا الازاز ونجيت كاسة شاي صغيرة من كل الموضوعضلت صامدة
وكملت التنظيف واعادة التريب وهيك صار الشكل بس خلصت
اما ستاند الفناجين شوفو شو عملت فيه
حطيت على طرافة المجات اللي بنشرب فيهم وبالنص حطيت الكفاكير والملاعق الخشب اللي بستعملهم لتحريك الطبيخ
وبس خلصت حسيت بالعطش والارهاق
فشربت كاسة فيتامين سي
بحس انه مفيد للمرأة بيعطيها فتيامين ونشاط
تحياتي واحتراماتي
الماسة
ام سهام واسيل
والتالت اللي اجى على الطريق
عبد الله
رد مع الاستدلال
الروابط المفضلة