₪استضافة د. شروق الهيتمي ₪ طبيبة متخصصة فى الرضاعة الطبيعية &الجزء الثالث&

[د شروق الهيتمى]

كل سنة وانتى طيبة دكتورة شروق
بعد اذنك انا عندى بنت عمرها سنة وانا حاليا حامل فى طفلى الثالث فى الشهر الاول هل استمر فى ارضاع بنتى على الاقل ال3 شهور الاولى فى الحمل ولا ده غلط عليها
جزاكى الله كل خير

اهلا بك
لو لا مشاكل هذا الحمل والحمل السابق ممكن تستمرى فى ارضاعها مع تغذيتك الجيدة
بالتوفيق

[هوووبا]

السلام عليكم ورحمة الله وبركاته

كل سنة وانتى طيبة يادكتورة وبصحة وبخير دايما يارب

انا نفسى اوى تساعدينى فى مشكلتى علشان فعلا تعبت جداااااا وحالتى النفسية ماثرة عليا جدا
انا قرات بالصدفة مواضيعك وشكر الجميع فيكى وانك ساعدتى كتير منهم فى مشاكلهم والكل بيدعيلك ربنا يجعله فى ميزان حسناتك يارب

انا مشكلتى كنت حاسة انى الوحيدة اللى بعانى منها بس لما قريت موضوعك يادكتورة حسيت ان ان شاء الله مش هياس وفيه امل

انا ولدت طفلتى الاولى قيصرىتعبت اوى فى الولادة وحصل لى نزيف جامد اوى وادونى فى المستشفى مضادات حيوية كتييييييير اوى اليوم ده ده غير انى كان عندى كحة جامدة قبل الولادة علطول والدكتور اللى كنت متابعة معاه ادانى نوعين مضادات حيوية قبل الولادة علطول علشان متعبش فى الولادة

بعد الولادة وبعد ماحسيت انى اقدر ارضعها حاولت ارضعها بس مكنش فيه لبن نازل لها خالص وحاولت فى تانى لاقيت ان اللبن قليل اوى وبينزل نقط فقط قلقت جدا وقلت ده مش طبيعى ومشكلتى انى مكنتش اعرف اى حاجة عن الغذا اللى يدر اللبن او السوايل ولا اى حاجة
تالت يوم من الولادة بنتى اتحجزت فى الحضانة علشان كانت عندها الصفرا ونسبتها عالية اوى واتحجزت خمس ايام وطبعاعرفت انهم هيرضعوها صناعى فى الحشانة فصممت انى اروحلها كل يوم ارضعها ولو رضعة واحدة وهما يرضعوها اتنين صناعى ولما خرجت من المستشفى فضلت ارضعها طبيعى والبنت تبكى بشدة كل ماتيجى ترضع ولاحظت ان اللبن قليل اوى برضه وفى الاسبوع التانى رحت للدكتور متابعة للصفرا ووزنها وقال لى وزنها قليل عن الطبيعى ولازم تديها لبن صناعى عاندت ومسمعتش كلامه لمدة يومين بعدها وبرضه مكنتش ولابشرب سوايل كتير ولا اى حاجة بس مع بكائها المستمر ومش بتنام رضعتها صناعى وكنت بديها رضعة واحدة منه فى اليوم باليل علشان تشبع وتنام واستمريت على الوضع ده لما كملت بنتى الشهر وروحت وطبعا حالتى النفسية وحشة اوى وحسيت انى وقصرة اوى مع بنتى ومش قادرة ارضعها وانى مش طبيعية زى بقية الامهات مع الضغط من امى وحماتى وزوجى علشان ارضع بنت صناعى ولو مارضعتهاش منه يبقى حرام عليا وانى مجوعاها فكرت انى اروح دكتور استشارى رضاعة طبيعية بس للاسف سالت كتير ومعرفتش حد خالص وروحت
كتور اطفال وزنها قالى وزنها قليل عن الطبيعى وخوفنى وقالى لو مارضعتهاش صناعى هيجيلها امراض وحشة ونظم لى الرضاعة كل ساعتين فى اليوم رضعة منى ورضعتين صناعى استمريت على الوضع ده لغاية دلوقتى ولما قريت مواضيعك يادكتورة عن مدرات اللبن بقيت اشرب سوايل واهتم ولحسيت ان اللبن بينزل اكتر من الاول بس برضه مش كافى وبنتى لما تيجى ترضع وتلاقى نازل لها ترضع عادى واول مايقل تعيط اكملها بالصناعى تاخده لغاية ماتشبع وتنام وبنتى اساسا يادكتورة رضاعتها قليلة يعنى رضعة الحليب ال 100 مل ممكن تاخدها على مرتين تلاتة
صناعى اكتر

معلشى يادكتورة طولت عليكى بس فعلا محتاجة مساعدتك ونفسى فى اجابة على كل اسالتى اولا نفسى ارضع بنتى طبيعى وتعتمد عليه حتى لو الموضوع صعب ومحتاج وقت قوليلى اعمل ايه بالظبط وهعمله اهم حاجة عندى انى اقلل لها الصناعى لغاية ماابطله خالص علشان فعلا هو مصيبة وبحس انى انى بديها السم بايدى تخيلى تفكيرى وفى نفس الوقت اعمل نظام غذائى لنفسى لزيادة اللبن فى صدرى وترضع بنتى طبيعى وارتاح من كل اللى انا فيه ده وعذابى وحالتى النفسية دى
ياريت يادكتورة تجاوبينى وتقوليلى اعمل ايه بالظبط وجزاك الله كل خير ومعلى على الاطالة بس كنت عايزة احكى حالتى بالظبط

[ام ياسـ مريوم ـر]

ابشرك يا دكتورة اني الحمد لله الى غاية الان قدرت ارضع بنتي طبيعي مني خالص ومديتهاش اي صناعي ولا اي مكملات
لكن خايفة من زيادة الوزن لاني لو مأكلتش كثير مش بيكون اللبن كافي
باكل تقريبا 4 وجبات في اليوم بس وجبات خفيفة وبشرب كثير
معرفتش ايه هو الشومر
بعمل مشروب بالحلبة واليانسون

عندي مشكلة وحدة انها بتفضل ماسكة صدري طول الليل
ولو نامت وشلته بتعيط
هل ده دليل على قلة الحليب ولا ايه؟؟
لاني لما بكرعها بترجع شوية حليبب فبقول دي شبعانة وبس عاوزة تمسك صدري

[nosaibamohamed]

بسم الله الرحمن الرحيم كل عام وانتى بخير يادكتورة وجعل الله ما تفعلينه فى ميزان حسناتك لو سمحتى انا بدأت فى فطم ابنتى البالغة من العمر سنة وثمانية شهور منذا 3 ايام ولكنى نادمة جدا على ذلك وتعبانة نفسيا جدا وابنتى لا تاكل جيدا وغضبانة منى واريد ان ارضعها ثانية لتكمل العامين لكن من حولى يقولون ان الرجوع للرضاعة خطاء ولكنى اريد ان ارضعها فهل هذا يضر بها اذا ارضعتها ثانى ارجو الافادة لانى انتظر هذا بشدة وجزاك الله خيرا

[nosaibamohamed]

لو سمحتى يادكتورة ارجوالرد سريعا فانا فى انتظار الرد على احر من الجمر

[ام ياسـ مريوم ـر]

بسم الله الرحمن الرحيم كل عام وانتى بخير يادكتورة وجعل الله ما تفعلينه فى ميزان حسناتك لو سمحتى انا بدأت فى فطم ابنتى البالغة من العمر سنة وثمانية شهور منذا 3 ايام ولكنى نادمة جدا على ذلك وتعبانة نفسيا جدا وابنتى لا تاكل جيدا وغضبانة منى واريد ان ارضعها ثانية لتكمل العامين لكن من حولى يقولون ان الرجوع للرضاعة خطاء ولكنى اريد ان ارضعها فهل هذا يضر بها اذا ارضعتها ثانى ارجو الافادة لانى انتظر هذا بشدة وجزاك الله خيرا

يمكن الدكتورة تتاخر عليك
الرجوع للرضاعة حسب الي اعرفه ما في شي
ارجعي وتوكلي على الله وخليها تكمل سنتين

[هوووبا]

كنت عايزة رد منك يادكتورة بجد محتاجة الرررررررررررررررررررررررد

[* نور هدى *]

يا دكتورة بنتي فطمت نفسها بنفسها
وهي على يوم 24 من الشهر التاسع تبلغ السنة
ماذا أفعل معها ؟
لا ترضع من صدري رغم محاولاتي
احيانا اجوعها لترضع
ترفضه وتبكي تريد ان تأكل
أكل عادي

[ام ياسـ مريوم ـر]

نور الهدى اقرئي على بنتك الرقية الشرعية وكمان اقرئي على ماء وادهني بيه صدرك واشربيه
وان شاء الله ترجع ترضع
كثير ما تكون بسبب عين الطفل يرفض صدر امه
الله يعينك لسة صغيرة ومحتاجة حليبك

[هناء روح]

يا دكتورة بنتي فطمت نفسها بنفسها
وهي على يوم 24 من الشهر التاسع تبلغ السنة
ماذا أفعل معها ؟
لا ترضع من صدري رغم محاولاتي
احيانا اجوعها لترضع
ترفضه وتبكي تريد ان تأكل
أكل عادي

حياك ربي دكتورتي الحبيبه
وكل عام وانت بخير وصحة وعافيه

جاية بنفس التساؤل

ابني هيتم سنه يوم 10\10 باذن الله تعالى
رضاعته قلت جدا جدا
انا اللي بناديه يرضع وممكن ينساني تماما الا وقت القيلوله بالنهار ينام على صدري
يعني بالكتير يرضع مرتين او تلاته بالنهار وقبل نوم الليل
اما بالليل مفيش رضاعه نهائي

عايز يلعب ويروح ويجي وبس
حتى لما بيرضع مصتين ويقوم جري زي اللي فاته لقطه ههههههههههه هم يضحك

اعمل ايه وهل دا طبيعي مع العلم انه بدأ كمان يتدلع في أكله ..!