دوره تريكو (3) المستوي الثاني

[أم قسمت]

ياللا ياحبايبي نبدا باذن الله المستوي الثاني

ودلوقتي بعد مااخدنا علي شغل التريكو وايدينا اخدت علي مسكه الابره وماشاء الله الانتاج كان اكتر من رائع ندخل بقي علي حاجه متقدمه شويه
شغل الاجور او التخريم
وده نوع من التريكو بيدي منظر جميل جدا ورقيق ويشبه الكروشيه
علشان تعملي الاجور يلزم نتعرف علي بعض الاساسيات
اهم حاجه اللفه
واللفه من اسمها انك بتلفي الخيط علي الابره اليمني لانتاج غرزه جديده تضاف للسطر بس مش بتكون بشكل غرزه عاديه بتكون بشكل الخرم وعلي فكره العراوي بتتعمل باللفه دي (العراوي الافقيه)
اللفه3 انواع
1-لفه بين غرزتين عدل واسمها في الباترون ( (forward (yf
وبتتعمل بانك وانتي ماشيه السطر العدل بتجيبي الخيط للامام زي ماتكوني حاتشتغلي مقلوب وتاخدي الغرزه عدل عادي وكده بتتكون عندك لفه زي الشكل ده

فيه نوع تاني بيكون بين غرزتين مقلوب او غرزه عدل يتبعها غرزه مقلوب وبيكون اسمه في الباترونYarn round needle (yrn)وفي النوع ده بتاخدي الخيط من فوق الابره للخلف وبعدين بتجيبيه تاني للامام لشغل الغرزه المفلوب التاليه وبيكون شكله كده
كده وده واضح من الاسم

النوع التالت من اللفات بيكون غرزه مقلوب يتبعها غرزه عدل وبيكون اسمه في الباترون المكتوب كدهYarn over needle (yon)
وفي النوع ده اتي اشتغلتي الغرزه المقلوب
وبدل ماترجعي الخيط للخلف تمهيدا لشغل الغرزه العدل
عدي الخيط من فوق الابره واشتغلي الغرزه العدل مكونه لفه
وبيكون شكله كده

[أم قسمت]

ولما تعملي اللفه معني كده انك بتزودي غرزه وكل لفه بتساوي غرزه زياده
وللمحافظه علي عدد الغرز في السطر ثابت لاااازم كل لفه يقابلها تنقيص

[أم قسمت]

وده فيديو للفه في السطر العدل
http://www.knittinghelp.com/apps/fla...yer/play/109/1

طبعا حاتسالوني طيب عملنا اللفه في السطر ده والسطر التالي حانشتغلها ازاي
عموما اللفه بتشتغليها في السطر التالي مقلوب مالم يذكر في الباترون غير ذلك
وافكركوا تاني ان لازم في السطر عدد اللفات =عدد التنقيصات
وفيه باترونات بيكون السطر زايد او ناقص غرزه
بس في نهايه سطور الغرزه بيتظبط عدد الغرز

الواجب
تمرين علي انواع اللفات وبس بغض النظر عن زياده الغرز في السطر

[همس الأمآني]

يعطيك العافيه ياا قلبي....وربنا يباارك فيك ويحفظك ويحفظ عبد الرحمن حفيدك اللهم آمين

دائما متميزه بعطآئك ابله قسمت الله لا يحرمك الاجر

ولا يحرمنا تواجدك ومواضيعك المتميزه

[وردة مودة]

هييييييييييييييييييييييييه وصلنا للمستوى الثاني

يا ترى أنا منهم


^_* طبقت الدرس وضبط وياي ^_^

[ساره الاعظمي]

ماشاءالله لاقوة الابالله

روووعه كالعاده ماما ام قسمت

ربي يخليك ياعسل ومايحرمنا من عطائك المميز

ومبروك للجميع المستوى الثاني

موفقين ياااارب

[فرح الإسلام]

السلام عليكم
اهلا ام قسمت

مبااااارك ع المستوي التاني

انا نفسي اشترك معاكوا

طبعا انا بعرف باساسيات الشغل

بس عندي اقتراح............

لو تعملوا اختبا لاجتياز المرحله الاولي بحيث اللي تنجح فيه ممكن تتأهل وتنضم للمستوي التاني

وجزاك الله خيرا اختي ام قسمت

[أم قسمت]

يعطيك العافيه ياا قلبي....وربنا يباارك فيك ويحفظك ويحفظ عبد الرحمن حفيدك اللهم آمين

دائما متميزه بعطآئك ابله قسمت الله لا يحرمك الاجر

ولا يحرمنا تواجدك ومواضيعك المتميزه

الله يعافيكي يارب يااغلي امونه في الدنيا
وتسلمي لي علي دعواتك الجميله ربنا يخليكي لي
وحلو الاسم الجديد ه قوي ماشاء الله

[أم قسمت]

هييييييييييييييييييييييييه وصلنا للمستوى الثاني

يا ترى أنا منهم

^_* طبقت الدرس وضبط وياي ^_^

طبعااااااااااا انتي منهم ياعسل ههههههه شربات ياخواتي

وكمان طبقتي الدرس ماشاء الله
بس عايزه الروح والجماس ده معايا علي طول

السلام عليكم
اهلا ام قسمت

مبااااارك ع المستوي التاني

انا نفسي اشترك معاكوا

طبعا انا بعرف باساسيات الشغل

بس عندي اقتراح............

لو تعملوا اختبا لاجتياز المرحله الاولي بحيث اللي تنجح فيه ممكن تتأهل وتنضم للمستوي التاني

وجزاك الله خيرا اختي ام قسمت

حبيبه قلبي اهلا بيكي
حبيبتي احنا فعلا عملنا اختبار في اخر المستوي
ونزلت شويه غرز كل بنت تنفذ منها غرزتين
والحمد لله البنات طبقوا وزياده ههههه

[أم قسمت]

ماشاءالله لاقوة الابالله

روووعه كالعاده ماما ام قسمت

ربي يخليك ياعسل ومايحرمنا من عطائك المميز

ومبروك للجميع المستوى الثاني

موفقين ياااارب

حبيبتي منوراني والله يااجمل واغلي ساره
وتسلمي لي يارب

[قطعت السكر]

الف شكر لك يا ست ام قسمت
على المستوى الثاني
هو اكو صور في شرح لو ما كو ؟

[جبال الثلج]

الف مبروووووووك المستوى الثاني

بالتوفيق ان شاء الله

تحياتي لم جميعا

والى معلمتي ام قسمت

[بــــــــدويهـــ ممــــــيزهـّ]

مبروك عليكم المستوي التاني تريكوهات وبالتوفيق حبيبات وتكونو محترفات علي يد حبيبتنا ام قسمت الله يجزيها كل خير

[أم قسمت]

الف شكر لك يا ست ام قسمت
على المستوى الثاني
هو اكو صور في شرح لو ما كو ؟

الكر لله ياست الكل ياسكر انتي
واعتقد انك تقصدي فيه صور مع الشرح ولا مافيش مش كده؟؟؟
هي الصور مش ظاهره عنك

الف مبروووووووك المستوى الثاني

بالتوفيق ان شاء الله

تحياتي لم جميعا

والى معلمتي ام قسمت

جوجو حبيبه قلبي
نورتيني يااغلي جوجو
حبيبتي طمنيني عليكي اخبارك ايه

مبروك عليكم المستوي التاني تريكوهات وبالتوفيق حبيبات وتكونو محترفات علي يد حبيبتنا ام قسمت الله يجزيها كل خير

الله يبارك فيكي ياقمر
ومستنيه نتوريني بزيارتك لي دائما

[قطعت السكر]

نعم قصدة في الشرح
ما ظاهرة عندي اي صورة
وحاولت اكثر من مرة
ماكو اي صورة