هلا بحبايبنا ومرحبا تفضلو يمنا البيت العراقي

[ام مسرة]

السلام عليكم ورحمة الله وبركاتة
رسولة توقيعك كلش حلو ذكرني بمسرة هم صورتها من كانت بهيج عمر
وهية تضحك بس اكلها دي الجهال شكد حلوين
ام سوسو ربي يعافي سدن ويبعد عنها كل مرض ويعينكم على الغربة
ام رناوي وين الغيبة مشتاقيلك ان شاء الله تشوفين الاهل باقرب وقت وتشبعين من خبز العروك
واكلات الوالدةربي يخليها
ام حمودي يلا تشجعي وسوي اني احب اسوي اكلات قبل تذكرني بالوالدة الله يرحمها
ام طيوبة والله صحيح هية بسيطة نحجز ونركب طيارة بس المسؤلية شلون
الله يفرجها على الكل
ام سيوفي شلونك كبد وشلون الاولاد
سلام للكل

[ام سيف الجنابي]

السلام عليكم شلونكم اخباركم ان شاء الله الجميع بخير وصحه وعافيه

[ام سيف الجنابي]

وينج لمو ليش صايره متجين للبيت
وينج ام سما بس لازعلتي تعاي موشتاقينالج
الله يسلمج ام مسره مسره شلونه
ام مريوم شلونج ربي يطمنج ويريح بالج
كل الهله بام سلسبيل
اهلا ام طيبه الله يحفظ اولادك
وسلامي للجميع

[لمياء العراقيه]

السلام عليكم
شلونكم عيني
اني كل شويه افوت ومالكه احد واطلع
وينكم

[غسق الليل]

هلا لموو مسا الخير وعليكم السلام ورحمة الله وبركاته
انا لكيتك وما لكيتيني
شلونك وشلون اوفي والجو يمكم
قبل ساعه كنت اعلق على ريجيمك هههه
وشلونكم حبيبات البيت الله يطمن قلب يا ام مريومه
لعد ام سما ماكو اخذ الدوام ياحبي
وكل الهلا ام سوسو ربي يشافي صغيرتك ويبعده عنها السوء
وسلامي لكم تصبحون على الف خير
وحشت ام هوبي ماكو وام سعودي
وسلامي لام رناوي لان هاي كم اشوفها وماالحق ابعثلها سلام ,

[ام مرمر و ليلو]

صباح الخيررررررررر
شلونكم حبيباتي
ومشكورين على النصائح والدعوات
ولكم بمثل الدعوة وازود
ربي يحميكم وعوائلكم من كل مكروووووووووه
يمكن ارسل الرد اقل شي 16 مرة يلا ينرسل
فايروس مسيطر على الويندوز
والله ماصار اسبوعين من سوينالها فورمات بس مااعرف هذه هم حظي
جنت ادخل وادردش وانسى شوية
هسة بالموت يلا تقتح الصفحة
وبالموت يلا ارسل الرد

[الام60]

صباح الخير اشلونكم جميعا
عيني ام اوفي استغلي فترة الشباب وشدي حيلك علريجيم لان الوحدة من تكبر يصير ترهل بالجلد وتجاعيد
هسا تشوفون الممثلات رشيقات بالشباب وينترسون بعد الاربعين حتى لاتظهر تجاعيد ويحافظون على وزنهم بعدها
احنا من البيت والحمل والولادات نهمل نفسنا الى ان نبدي نكبر ننتبه
فاحسن شي انتبهو قبل ماتكبرون وبعمر ال30 يكون وزن مثالي ورشاقة وتمرينات رياضة حتى تحافظون على العضلات مشدودة والجلد ايضا
وهي مسالة تعود ولازم نصحح عاداتنا الغذائية واستبدلوا المقلي بالمسلوق والخبز الابيض بالاسمر وبدون تمن والشاي بدون شكر ولاتاكلون مربيات واجبان والحليب بدون دسم ولو تمشي بالحديقة او بالكراج الهوا الطلق يعمل حرق دهون
ويوم الي تشوفين نفسك رشيقة وتلبسين قياس 40 ومتصدقين هههههههههههه

[لمياء العراقيه]

السلام عليكم
هلو ام مريوم الله يطنج يارب وتفرحين بشوفه بنتك سالمه
ام طيوبه الله يبارك بيج حب بس غير اتخبل اذا البس 40 اموت من الفرحه يمكن خخخخخ
والله اني صار هوايه ملتزمه بالاكل الصحي نوعا ما
يعني الدهن بس زيت استعمل وكلش قليل يعني المرقه تقريبا ملعقه اكل بس اخلي والتمن صاااااار هواااايه ما مسويته حتى علاوي مو هلكد يحبه يعني بالاسبوع لو مره لو ماكوو
اكثر شي مشويات لو مرقه ناشفه او نواشف واحاول انزل الزيت منها
والله يسهل بعد
ام حمودي ضحكتيني على ام البيض خخخخخخخخخخخ
اني هم اكلها بس هي صادفت اشو كله بيض

تدرين احنا البرمه منعرفها اول مره اسمعها منج
واكيد طيبه لان اهل الموصل كل اكلهم يخبل

ام سيفو هلو قلبي زميلتي بالرجيم خخخخخ
ام سماوي ماكو يارب بخير تكون

ام زكزك هم ماكو .......لج ليش متجين ويانه يم ام علاوي الورده حتى نحول البيت يمها خخخخ

[غسق الليل]

هلا لموو
لا حياتي شنو يجون لبيت ام علاوي بعدين تنغلق الحمله
وتصير الحمله بلا جد ولا التزام وتتفركش هههههه
وحشتها ام علاوي ماكو من البارحه الله يجعل غيابها خير

هلا ام سراوي وام مريومه وكل الهلا بامي الغاليه
اشوماكو فتحت الصبح ما اكو

يالله لمو اخذي نصائح ماما والتزمي وكيلو يرجع كيلو وتلبسين قياس 40
واني ارجع الى قياسي ان شاء الله هو كلها من ورا الترضيع
انا صار الي شهرين الرز لو اكل 5 ملاعق لو 3 واحاول اغير طريقه الطبخ
بالسلق وارجع للبيت اقلي لهم دهن حر لو زين او زبد على وجه التمن
وخبز من زمان نسيت طعمه خخخخخ لا عدشاقه
بحيث اليوم كعدت على ريحة الصمون الحار ابو حمودي اشترى صمون واني ونايمه يشممني
ويقول هاي خاطرك اشتريت محمص لان يعجبك , خوش مشجع للريجيم

هو تتريجيا اتركي الخبز والزيوت كلها فقط اذا تحبين تحديد مثلا باليوم ملعقه اكل زيت
وهو كلها كم شهر وبعدها استمري عل تنظيم والتقليل
لان انت تحتاجين اكثر من تنظيم بالاكل تحتاجين فد شهر حميه
شفت شلون اني خبيرة تغذيه ههههه

فد شمس اليوم جو كلش طيب البنات دوام مسائي وحمودي اليوم عند اضافي
فقلت لابونا خلي نطلع وناخذ الصغار للشمس وافق ما شاء الله راسن خخخخ
ومااكو بس كملت تبديل حتى رتبت اغراض للاولاد وعصير ومميا لمحمود
خابرعليه الصديق المخلص عنده شغله واحنا نص بوري دنشوف اذا يقلب بوري اصلي
قال اروح وارجعلكم مااتاخر وهذا علاوي شاف غيرت ملابسي اتخبل وصار يبكي
ورجع جابهم الا البسهم عبالك عقاب فقلت له بس خلي اصلي وارجع البس
واني هاي يومين اقول له امشي اخذك للحلاقه بالصالون اسوي شعرك ما يرضى
هسه هو يقول حبابه قومي بدلي نروح للصالون صار بنيه ابني
هسه اروح ادور على قصات شعر للولد تكون حلوه لان علاوي شعره صار طويل ومايقبلون اخوتو اقص شعر

[الام60]

لاتقصين شعر علاوي خلينو اشقد يعجبني ولد شعرو طويل واتعب ويجي ابوك بالمفاجأة ياخذو مشوار يجيبو نمرة 2 يوم حلق علي كان شعرو لنص ظهرو من يسبح وينلف ويطلع على اكتافو