ورشة عمل الشنطة الروووووووووووعة بالكروشيه

[yasmin*]

السلام عليكم ورحمة الله وبركاته

دى الشنطة اللى هنعملها ورشة
وده لينك الموضوع القديم فيه بعض المعلومات واستفسارات لبعض القمرات
http://www.lakii.com/vb/showthread.php?t=645847

[yasmin*]

بسم الله الرحمن الرحيم

فى البدية اللى عندها اى سؤال او استفسار تسأل بدون احراج يا بنات بس يا ريت متخفوش وتكملوا يعنى اللى تشتغل تبقى جدعة كده وتكمل للاخر
بصوا يا بنات
1 -الشنطة لكى فيها الحرية انك تدخللها الوان او تعمليها سادة زى مانتى عايزة تمام
والخيط ممكن يكون قطن او صوف او ممكن خيط الصياد يعنى تختارى الخيط اللى يريحك فى الشغل
2 - الشنطة انا عملاها بالحجم اللى هنزله بالصورة بس انا لسة مكملتهاش اللى عايزة تشتغل بالحجم ده هو متوسط يعنى كويس واللى عايزة تكبرها هقولها تعمل ايه

ده حجم الشنطة



وده الباترون احنا هنغير فيه حجات بسيطة بس حبيت انزلهلكم




وده الخيط اللى اشتغلت بيه خيط قطن اشتغلت على فتلتين وطلع جميل

[yasmin*]

بسم الله الرحمن الرحيم


السطر الاول
16 سلسلة
وبعدين نطلع 3 سلسلة بمثاية اول عامود



نمشى 4 عماويد بلفة



والخامس نعمل معاه عامود زيادة بنفس الغرزة



نمشى 5 عامود
والسادس نعمل معاه واحد زيادة بنفس الغرزة


ونكمل لاخر السطر عماويد بلفة

[D/HEBA]

ياسمين انا عملت زى ماقلتى بس حاسة الشنطة هاتكون صغيرة بالنسبة ليا ولا انت شايفة اية ؟؟؟؟؟؟؟؟؟ اصل انا الشنطة بالنسبة ليا مش اناقة وبس دى مخزن كمان بامبرز وغيارات وما شابه هههههه

[هدف]

ياسلام بدت الورشه الله يسعدك نفس الموعد

[yasmin*]

السطر التانى نلف الشغل ونرتفع 3 سلاسل بمثابة اول عامود



وبعدين نمشى 5 عامود
نركز بقى احنا كده واقفين فوق العامود الزايد تمام فى السطور اللى جاية كلها احنا بيبقى فى عامودين فى غرزة واحدة تمام اول عامود نشتغل فوقيه عامود عادى
والعامود التانى نشتغل فوقيه عامودين (( يعنى الاولانى عامود عادى والتانى نعمل فيه العامود الزيادة ))وبعدين 5 عامود ونعكس بقى العامود الاولانى نشتغل فوقيه عامودين والتانى نشتغل فوقيه عامود
وبعدين نكمل باقى السطر

[خ ـيآل الإبداع]

تسلمي ياسمين على الورشه

شكله حتكون صغيره

ياليت تقولي كم مقاسها
بالطول والعرض حتى يكونوا البنات على بينه

[yasmin*]

هنمشى بعد كده السطور بنفس الطريقة تمام
اهم حاجة اوعى تنسى تعملى عامود فى اخر السطر بيبقى فى السلاسل اللى بمثابة اول عامود اوعى ما تعمليش عامود فوقيها

اظن السطور وضحت ماشية ازاى ناخد بالنا من الزيادة الاولانية وبعدين 5 عامود وبعدين الزيادة التانية
وتعدى كده كل كام سطر لازم العواميد اللى قبل الزيادة اليمين تبقى نفس عدد العواميد اللى بعد الزيادة الشمال فاهمنى

[D/HEBA]

انا عملت خمس سطور بس حساها صغيرة لو حابة اكبرها اعمل اية؟؟؟؟؟؟؟؟؟

[yasmin*]

بالنسبة لحجم الشنطة هى الطول فى المنتصف 24 سم والعرض فى نصها حوالى 34 سم
نفس حجم الشنطة بتاعتى ونفس حجم دى