 "هديتنا الى كل عضوات المنتدى" "تريكو وبس"

[mistry]

حبيباتى كل محبات التريكو عامة
واعضاء مجموعة "تريكو وبس"

اتمنى انكم كلكم تكونوا كويسين

وحشتونى كتيييييييييييييييير كلكم

يسعدنى انى اقدم لكم باكروة انتاج المجموعة بتاعتنا

قبل كدة اتكلمنا وقلنا اننا عايزين نعمل حاجات حلوة بالتريكو

والنهاردة انا جايبة لكم حاجة بسيطة كدة

بما اننا داخلين على الصيف

فاكرين محور "طوف وشوف" اللى انا وعدتكم بيه

انا بأة طفت ولفيت فى المنتديات ولقيت ايه بأة كنز

اى والله كنز حقيقى

مجموعة غرز جاكار تنفع للصيف انما ايه مالهاش حل

واحلى حاجة انهم بالباترون

يعنى هنعمل حاجات صيفى زى ما احنا عايزين

وهى مجموعة متنوعة فى الصعوبة فيه منها السهل اوى البسيط

ومنها محتاج شوية تركيز

انا وعدتكم اننا هنعمل شغل لكل المستويات من البداية حتى الاحتراف

بنوتات مش حابة انى استخدم كلمة "انا" كتيييييييييييييييير

اعوذ بالله من كلمة "انا"

فانا هاتكلم باسم المجموعة

احنا النهاردة مجموعة "تريكو وبس" بنهدى كل حبيباتنا فى المنتدى مجموعة غرز سهلة وبسيطة

والاضافة المتواضعة اللى احنا هنضيفها اننا هنفدم المجموعة دى بالشرح

يعنى ترجمة الباترون المرسوم بالكلام عشان برضه يبقى سهل على الناس يستوعبوه

والاضافة الثانية انه هيكون فيه عينة لكل غرزة من الغرز الثلاثة اللى احنا بنقدمها النهاردة

[mistry]

ودى بأة صورة الغرزة الاولى

وهى مرررررررررررررررررررة سهلة (صح كدة يا ست فاطمة)
وممكن ننفذها بمنتهى البساطة

وهى تنفع تتعمل لبيبى او لحد كبير
يعنى زى ما انتم عايزين

[mistry]

ودى بأة صورة العينة اللى انا نفذتها

[mistry]

ودى باة ترجمة الباترون بتاع الغرزة

زى ما قلتلكم هى غرزة سهلة جدا تتكون من تضاعف 8 غرز + غرزيتن حافة
العينة اللى انا عملتها كانت 26 غرزة (3 وحدات)

الغرزة بسيطة خالص بتتكلم من 4 سطور فقط

السطر الاول:
غرزة حافة ]2 مقلوب – 2 عدل معا – لفة – 2 عدل – 2 مقلوب [ يكرر ما بين القوسين وينتهى السطر بـ غرزة حافة

السطر الثانى والسطر الرابع:
نشتغله حسب ما يظهر
يعنى العدل عدل والمقلوب مقلوب
واللفة نشتغلها مقلوب

السطر الثالث:
غرزة حافة ]2 مقلوب – 2 عدل – لفة – (1عدل – اسلت – اقلبى المسلوتة على العدلة) – 2 مقلوب [ يكرر ما بين القوسين وينتهى السطر بـ غرزة حافة

ايه رايكم مين هتجرب وتورينى العينة بتاعتها

يلا يا هوبة اهو غرزة سهلة وتطبيق عملى على الآجور

[mistry]

الغرزة التانية

اما بأة تانى غرزة فهى برضه سهلة
خلونا طيب نشوف صورتها الاول وبعدين نتكلم

[mistry]

وده التطبيق

ودة بأة التطبيق بتاعها
اتمنى ان الصورة تكون واضحة

[ام حلاوه]

بالتوفيق

[mistry]

ودلوقتى الى الترجمة

الغروة بتتكون من تضاعف 10 + 2 حافة
(العينة اللى انا عملتها كانت 22 غرزة يعنى وحدتين)

وهى مكونة من 8 سطور

احنا باة مش هنقول عدل هنقول ع
والمقلوب هيكون م

ماشى يا شباب

السطر الاول:
غرزة حافة ]2 م – 4ع - 2 ع معا – لفة –2 م[ يكرر ما بين القوسين وينتهى السطر بـ غرزة حافة

وكعادة الغرز الآجور

السطر الثانى وجميع الاسطر الزوجية:

نشتغلها حسب ما يظهر
يعنى العدل عدل والمقلوب مقلوب
واللفة نشتغلها مقلوب

السطر الثالث:
غرزة حافة ]2 م – 3ع - 2 ع معا – 1ع - لفة –2 م[ يكرر ما بين القوسين وينتهى السطر بـ غرزة حافة

السطر الخامس:
غرزة حافة ]2 م – لفة - (1عدل – اسلت – اقلبى المسلوتة على العدلة) – 4 ع - 2 م [ يكرر ما بين القوسين وينتهى السطر بـ غرزة حافة

السطر السابع:
غرزة حافة ]2 م – لفة – 1 ع - (1عدل – اسلت – اقلبى المسلوتة على العدلة) – 3 ع - 2 م [ يكرر ما بين القوسين وينتهى السطر بـ غرزة حافة

وطبعا بنعمل السطر الثامن زى ما بيطلع معانا

مستنية التطبيقات
وفيه جوايز وحاجات حلوة للشاطرين
ههههههههههه

[mistry]

ودى باة الغرزة الثالثة

طيب دلوقتى احنا بقينا ينات شاطرين وعرفنا نعمل الغرزتين السهلين دول

خلونا نعقد الدنيا شوية صغيرين مش كتير لجعل عيونكم الحلوين

الغرزة الثالثة هى مش صعبة ولكن عدد الغرز فيها اكثر وبالتالى هيكون فيها شغل اكتر

ما هو احنا اتفقنا اننا هنتدرج فى الصعوبة صح

وزى العادة
دى صورة الغرزة

[نجمة 2]

يسلمو على الغرز والشرح
يعطيكي العافية

[mistry]

ايه رايكم تشبه ورق الشجر شوية

ملاحظين اننا تخصص ورق شجر ههههههههههههههههههههه

طيب العينة اهى

[mistry]

والآن الى الترجمة

الغرزة مكونة تضاعف 12 غرزة + 1 + 2 حافة

يعنى احنا بنضرب التكرار × 12 وفى الآخر بنزود 3 غرز
اللى هى 2 حافة + الـ غرزة الآخيرة

انا العينة عملتها وحدتين (27 غرزة)
يعنى تكرار 12 × 2 = 24 + 1 + 2 حافة

السطر الثانى وجميع الاسطر الزوجية

خلاص حفظنا يا شاطرين
هنشتغلها حسب ما يظهر يعنى
العدل عدل والمقلوب مقلوب
واللفة نشتغلها مقلوب

اجمالى عدد السطور 12 سطر

هنترجم بأة الاسطر الفردية

السطر الاول:
غرزة حافة ]1 م – 11ع [ يكرر ما بين القوسين وينتهى السطر بـ 1م - غرزة حافة

السطر الثالث:
مثل السطر الاول

السطر الخامس:
غرزة حافة ]1 م – 1 ع - لفة – 1 ع – لفة – 2 ع معا – 1 ع - (1عدل – اسلت – اقلبى المسلوتة على العدلة) – 4 ع [ يكرر ما بين القوسين وينتهى السطر بـ 1م - غرزة حافة

السطر السابع:
غرزة حافة ]1 م – 2 ع - لفة – 1 ع – لفة – 2 ع معا – 1 ع - (1عدل – اسلت – اقلبى المسلوتة على العدلة) – 3 ع [ يكرر ما بين القوسين وينتهى السطر بـ 1م - غرزة حافة

السطر التاسع:
غرزة حافة ]1 م – 3 ع - لفة – 1 ع – لفة – 2 ع معا – 1 ع - (1عدل – اسلت – اقلبى المسلوتة على العدلة) – 2 ع [ يكرر ما بين القوسين وينتهى السطر بـ 1م - غرزة حافة

السطر الحادى عشر:
غرزة حافة ]1 م – 4 ع - لفة – 1 ع – لفة – 2 ع معا – 1 ع - (1عدل – اسلت – اقلبى المسلوتة على العدلة) – 1 ع [ يكرر ما بين القوسين وينتهى السطر بـ 1م - غرزة حافة


يلا يا بنوتات خلينا نكتفى بهذا القدر

هاستنى باة التطبيقات يا شطورات

اشوفكم على خير

وانا موجودة لاى استفسار

[D/HEBA]

روعة روووووووووعة يا ميسترى بجد بس انا والله مكسوفة بس احنا اخوات وهاقولك انا اخرى العدل والمقلوب وعايزة اتعلم اللفة دى تتعمل ازاى؟؟؟لانها اساس كل الغرز الحلوة

[السيدة فاطمة]

تسلم ايدج يامستري
يادكتورة هبة من عيوني وعد مني انا بعلمج الغرز المخرونة

[mekkaouinana]

الله يجزاك الخير قد ما جمعت غرز و الغرز هذه جديدة علي ...الله يعطيك العافية يا ميس مستري..ههه