السلام عليكم
ازيكو ؟ يارب تكونوا بخير
انا باجهز شقتي وكنت عاوزه استشيركم في حاجات
دي رسمه للشقه
اوضه الصالون هاجيب فيها انتريه فيه كنبه3 وكنبه2 و2بارجير ، الكنبتين منجدين كلهم وعليهم مخدات كتير وفيهم قماشتين واحده بيج فاتح وفيها رسم ورد بارز بلون اغمق درجه والتانيه فيها الورد ده بلون باذنجاني كذا درجه وورقه زيتي فاتح والبارجير منجد برضه وعليه مخده بس الارجل خشب بني ساده
اسمه ايه الطراز ده نيو كلاسيك ولا ايه
بالنسبه للسجاده بافكر اجيبها مودرن باذنجاني ساده او فيها بيج بسيط ، ايه رايكم هيكون كده حلو ولا فيه افكار احلى
وبالنسبه لترتيب الاوضه بافكر احط 2بارجير تحت الشباك والكنبه الكبيره في الحيطه اللي فيها باب البلكونه والكنبه الصغيره في الحيطه التانيه ، وده هيكون احسن استغلال للمساحه
ايه رايكم ينفع كده ولا لازم تبقى الكنبه الكبيره مواجهه للجهه المفتوحه( خطيبي عاوزها كده بس هتكون مش في نص الحيطه علشان فتح باب البلكونه ؟
وبالنسبه للدهان بافكر اعمل حيطتين بيج فاتح وحيطه لون تاني
ايه رايكم اخليها باذنجاني فاتح ولا غامق ولا زيتي
وبالنسبه لستاره الشباك بافكر اعملها شيفون ووراها بلاك اوت ونظامها قريب من ده
والفاصل بين الانتريه والسفره بافكر احط عليه ستاره شيفون ووراها ستاره تقيله
وشكلها زي بتاعه الشباك الصوره التانيه او زي كده مثلا
ايه رايكم كده هيكون حلو ولا فيه افكار احسن
مستنيه ردكم
جزاكم الله خيرا
رد مع الاستدلال
تم تصغير الصوره ,لمشاهدة الصوره بحجمها الأصلي أضغط هنا.
الروابط المفضلة