ღ♥ وصفة متميزة ღ♥نواعم جاتو الشو والاكلير بمقادير مظبوطه تمام وعلى ضمانتى

[برنسس لك1]

بنات صباح الفل
انهارده الشو والاكلير من غير كلام ولا تعليق ولا عيوب بأذن الله ولا مشاكل
المقادير غريبه
لكن مظبطه جدا جدا جدا

وللاسف نسيت اصورلكوا الجاتوهه من جوه بجد شكلها غريب
انتوا عارفين الهيكل الخارجى ده مقرمش قوى ومن جوه فاضىىىىىىى

المكونات
هو المفروض وزن المايه واللبن والدقيق واحد

يعنى لو بقول مثلا ربع كيلو
يكون ربع ماء
ربع لبن
ربع دقيق
يعنى ماتحيروش نفسكوا
حددوا ميزان ال3 مكونات وبعد ما يبردوا ضيفوا بيضه بيضه لغايت لما تعمل منقاااااااااار وانت بتشيلى المضرب
يا بنات خليكوا شطوريين وبسبب مشاكل الوزن عند اغلب البنات حددتها بالكوبيات

المكونات
1 كوب ماء
1 كوب لبن
11/4 كوب دقيق
4 م ك زبده
4 بيضه
فانيليا

الطريقه

اضع اللبن والمايه والزبده على النار وبعد الغليان مباشره اضع الدقيق واقلب جيدا لمدة 5 دقائق
واتركها تبرد وانزل عليهم بالبيض بيضه بيضه يعنى العجينه تتخلط بالبيضه الاولى جيدا اضيف التانيه واكمل لغايت لما اشيل المضرب من العجينه تعمل منقار وليه بقول لما تبرد ابدأ اخلطها بالبيض
لان العجينه وهى سخنه بتكون سايبه
فممكن تديكى ايحاء انها شبعت بيض
وتكون هى لسه محتاجه( ماشى الكلام)

واشكلها اى شكل بالمعلقه او بالقمع او بالكيس الخاص بالكريم شانتيه

وادخلها الفرن الحامى تستوى وتقرمش من بره جامد
واطلعها واشقها علشان تطلع البخار اللى جواها
وكل ما استوت وقرمشت من بره ماطهبطش تانى
واحشيها بالكريمه
اى نوع كريمه
ممكن كستر
ممكن باتسيير
ممكن كريم شانتيه
ممكن كاستر بالمهلبيه
جاتوه الشو تتحشى كريمه فاتحه وترشيها سكر
لكن جاتوه الاكلير نفس الكريمه وهى ساخنه تبشرى عليها شوكولاته لغات لما توصلى لللون اللى انت عايزاه او كاكاة وانت بتطبخى الكريمه

وفى الاخر سيحت قليل من اللبن عليه شوكولاته مبشوره ولخبط عليهم م ك من الكريمه اللى حشيت بها وزينت بها الوجهه
بالمناسبه الكريمه بتاعتى كانت النوع الاخير

[RANDA 1959]

تسلمي يا برنسيسه وان شاءلله حفظ للتطبيق يا عسل

[roby2009]

ما شاء الله لا قوة الا بالله تسلم الايادى يا قمر وبما انى اول رد هاخد الاطباق كلها لى لوحدى
ههههههههههههههههه

[ام جودى حبيبتى]

ماشااااااااااااااااااااء الله
تحفة يا برنسس والله عجبتنى اوى تسلم ايدك

[ام رقية ويوسف]

تسلم ايديكى مدرستى الجميلة
ما شاء الله شكله فعلا يجنن
ان شاء الله أجربه قريبا جدا

[roby2009]

انتى بتقولى يا قمر انك عملتى الحشو كستر بالمهلبيه يعنى عملتى كل واحد لوحده وخلطيهم مع بعض؟؟؟؟؟ اختك دقيقه جدا وبتحب تعرف كل حاجه لانى ناويه ان شاء الله اقوم اطبقه فورااااااااااااااااااااااااااااااااااا لانه بصراحه شكله تحفه ويستاهل التجربه
ما نتحرمش منك يا قمر ودايما تتحفينا بالحاجات الجامده دى

[ام ياسمين ليبيا]

ماشاء الله
تسلم ايدك ياقمر

[متميزه دائما!!]

يسلمو ايديك
يعطيك العافيه كتير حلويين
ان شالله بجرب وبحكيلك

[متميزه دائما!!]

وبعد الغليان مباشره اضع الدقيق واقلب جيدا لمدة 5 دقائق

بحب استفسر
لما احط الدقيق واحرك بيكونوا على النار كمان

[برنسس لك1]

انتى بتقولى يا قمر انك عملتى الحشو كستر بالمهلبيه يعنى عملتى كل واحد لوحده وخلطيهم مع بعض؟؟؟؟؟ اختك دقيقه جدا وبتحب تعرف كل حاجه لانى ناويه ان شاء الله اقوم اطبقه فورااااااااااااااااااااااااااااااااااا لانه بصراحه شكله تحفه ويستاهل التجربه
ما نتحرمش منك يا قمر ودايما تتحفينا بالحاجات الجامده دى

روبى السكر بجد تستحق التطبيق يا قطه
م ك نشا على م ك كستر على كوب ونصف لبن
طبعا بدوب المعلقتين فى 1/4 كوب لبن خارجى بارد مع بعض واظبط السكررررررر
يا سكرررررررر
ولو شايفه انها محتاجه تمسك اكتر زودى نشا مذوب
لو شايفه انها محتاجه تفك زودى لبن بسيط

وراعى ان الكريمه تكون ماسكه شويه غير اللى احنا بناكلها علشان ما تخرجشى من الجاتو وقت الاكل
okkkkkkkkkk يا روب