انواع وخلطات من حشوات اللحم للمعجنات

[هنلي]

بسم الله الرحمن الرحيم
كيفكم يابنات يا حلوات جبتلكم او بالاصح اخترعتلكم حشوات من اللحم سويتها قبل يومين
وعلى راي جوزي لما اكل المعجنات قال لي مبين شغل امك مش شغلك بس والله من يوم
ماتعرفت على هالمنتدى وكل يوم بتفنن بشكل جديد من المعجنات والطبخات
بديش اطول عليكم وهذه هي حشوتي من اللحم
بتكوني طيعا خمرت العجينه وفي هذا الوقتبتجهزي التالي
المقادير
نص كيلولحمه كفته يعني فيها بصل وبقدوني مطحونين كلهم مه بعض
حبتين طماطم وسط
2 ملعقه صلصه طماطم
بهار - ملح فلفل هيل وقرفه وانا بحط رشه كاري
واذا بدك ملعقه صغيره فلفل احمر شطه
الطريقه
بتحطي شويه زيت على النار وبعديها بتحطي الكفته وبتحركيها مع الصلصه والشطهحتى يختلف لونها وبعدها بتجيبي الطماطم وبتقشريها وبتقطعيها صغير وبتحطيها على النار مع الخلطه وبتحطي البهار والملح وبتحركيها حتى تستوي ما بتوخذ معاكي اكتر من 10-15 دقيقه
وبعديها بتحشيها في العجينه وشوفي الطعم


الطريقه الثانيه
نص كيلو لحم مقطع لسان العصفور
بصله مقطعه جوانح رفيعه
بهار وملح
الطريقه
هذه بدها وقت اطول على النار فانا بضغطها 15 دقيقه على طنجره الضغط ثم اضعها في المقلى
واضيف البصل البهار والملح

وعلى فكره في كل من الطريقتين لازم ومهم تنشفي الماء عنها لانها اذا كان فيها شوي
بخلي العجينه ولو بعد ماتستوي بتكون معجنه ولينه وطعمها مش زاكي وممكن في هذه الطريقتين
نعملهن كمان بلحم الدجاج او لحم الحبش - الديك الرومي- او اي نوع

وصحتييييييييين وعافيه

[zainab2000]

يسلمو ايديك ياهنلي الطريقتين طيبين .
والله يعطيك العافية .

[nano]

هنلي تسلم ايدك عجبتني قوي الاول واكيد حجربها تسلم ايدك يا عسولة

[حناين]

تسلم ايديك عزيزتي هنلي

[الرها]

حلوه ولذيذة فتحتي شهيتي للأكل