ابنتي ماريا........... ركضا الى الحمام *شعار تجربة ام ناجحة*
اخواتي الفاضلات رح احكيلكم تجربتي في تعليم بنتي دخول الحمام
بنتي ماريا عمرها هلا سنتين وشهرين تعبت معها كتير حتى اعلمها تروح للحمام وتتخلص من الحفاظات
وبديت اعلمها من يوم ما كان عمرها سنة بدت تتعود ولما ولدت اخوها وهي بالسنة ونص وكاني ما علمتها شي
صارت تعملها على روحها وفكل مكان ولكن ضليت احاول ولم استسلم وصرت لما تعملها على روحها اضحك عليها واقلها ياع ما تقربي مني ياع 
وبعدين
صرت اخليها بدون حفاظ ولما تعملها على روحها صارت هي الي بتقول ياع ياع وتبكي وتستغرب شو هاد
وصرت اخدها واجلسها على الحمام واقعد معها مرة نص ساعة ومرات اكتر وكل يوم على هدا الحال واخدت تتعود صارت كل يوم بدها تقعد على الحمام بدون ما تعملها
واخيرا وبعد جهد جهيد صارت تعملها بالحمام ولما تجي تعملها تروح ركض ركض وتقول ما ما فيسي فيسي يعني الحمام ولما احطها بتعمله بسرعة واصير انا اصفق عليها ويا سلام حققت النجاح وهيك صارت بنتي بتفوت عالحمام صحيح تعبتني كتير بس التعب جاب نتيجة والحمد لله وصرت احطلها الحفاظ بس باليل
وان شاء الله بتنجحو انتو يارب
والله يحفظ اولادنا يارب
تعليق