اهلا صديقاتي واخواتي في هذا المنتدى الرائع الذي استفدت منه كثيرا جدا
رجعت اليكم اكتب هذا الموضوع مع معاناتي مع السمنه وطريقي الي تخسيس جسمي الذي اضنته الشحوم ويارب يوفقني واياكم للوصول الي مانريد بصحه وعافيه اللهم آمين
اخواتي كنت بعمل ريجيم مع احد الاطباء المشهورين في مصر ونصحني بالذهاب لهذا الطبيب ناس كثير ذهبوا له وخسوا
وفعلا بدات بحماس وجديه ولكن الريجيم كان كميائيا نظام اليوم الواحد وفعلا خسيت اول اسبوع 7 كجم
وفرحت جدا
وفضلت اعمله لمده شهرين وافتكرت ان تاني اسبوع هنزل بردوا مالا يقل عن 5 كجم
ولكن لم يحدث في خلال الشهرين نقصت 10 كجم فقط وده الاجمالي يعني بعد ال7 نزلت 3 كجم
وبعد كده تعبت جدا واصيبت بالانيميا ومش قادره اكمل الريجيم وكل مااقوله يادكتور اديني ريجيم سعرات يقولي لو عايزه تخسي بسرعه اعملي الكيميائي
وكمان بشرتي جفت جدا وشعري بيقع بغزاره شديده
المهم قطعت الريجيم وطبعا مش عارفه اكمل خالص تاني اي ريجيم
سايبه الدكتور من حوالي 4 شهور
وحبيت تاني اعمل لوحدي الريجيم الكيميائي وقلت اخلص من التخت ده باه
وكنت في العمل واتكلمت مع زميله ولم عرفت اني قررت اعمل ريجيم كيميائي قالتلي استحلفك بالله بلاش الكيميائي
لان في واحده زميلتنا عملت الريجيم الكيميائي وخسيت وبقت جميله جدا وبعدها ماتت بسبب النقص الشديد في السكر وهبوط في الدوره الدمويه وده بسبب الريجيم الكيميائي
وزوج صاحبتي الي نصحتني دكتور وبيحذرها دايما من الريجيم الكيميائي وريجيم اليوم الواحد مع الرغم انها سمينه لكن بيشجعها تقلل الاكل وتمارس اي نشاط رياض
اخواتي اسفه اني اطلت عليكم بس حبيت اقولكم تجريبتي وتجربه احدى زميلاتنا مع الريجيم الكيميائي رحمها الله
وابعد الله عنكن الشر وعن كل المسلمين
الروابط المفضلة