تعالوا هحكيلكم { الجزأ الثانى }

[7abiba]

السلام عليكم ورحمة الله وبركاته

ده لينك موضوعى الأول

http://www.lakii.com/vb/showthread.php?t=596045

وبناءا على طلب الجماهير

اللى ردودهم ومساندتهم ليا فرحتنى فى موضوعى

هقولكم النهارده على العلاج و الرقيه اللى الشيخ عملها ليا

كان بيقرأ عليا قرآن والرقيه الشرعيه مره فى الإسبوع وكل حاله تختلف فى عدد المرات اللى بتحتاجها

وقرأ قرآن والرقيه على عسل أبيض مضاف له حبة البركه وكنت بآخد منه 3 معالق على الريق الصبح و3 قبل النوم

وقرأ قرآن والرقيه على ماء عادى(ولو فيه زمزم بيكون أفضل طبعا) مضاف له ماده لونها أحمر تقريبا زعفران وماء الورد وإغتسلت بنفس الماء لمدة 3 أيام متتاليه خارج الحمام يعنى ممكن فى طبق كبيييير فى أى حجره قبل النوم ( ولازم المايه تطول الجسم كله) بقعد فيها نص ساعه ولو المايه سقعه ممكن تدفى المايه وبعد الإغتسال كل مره كنت بدهن على 12 فتحه فى الجسم زيت زيتون ومسك عربى مقروء عليهم قرآن والرقيه الشرعيه وبعد ال 3 أيام ممنوع يترمى فى الحمام أو بلعات أو مكان حد يدوس عليه ممنوع لكنه وصانا نروى بيه زرع أو إننا نرميه على عتبة البيت عشان لو السحر معمول على باب البيت يبقى المايه دى مفيده إنها تفكه ونعمل كده فى وقت متأخر يعنى بعد الساعه 12 مثلا عشان ماحدش يدوس فيه لحد ماينشف وعشان ماحدش يفهم غلط إننا بنعمل إحنا سحر
وكررت موضوع الإغتسال ده 3 مرات كل مره ب 3 أيام متتاليه

وعمل مايه زى بتاعت الإستحمام مضاف له زعفران وماء ورد ومقروء عليهم قرآن وآيات الرقيه الشرعيه بس عشان الشرب وكنت رايحه جايه أشرب منها طعمها فيه إختلاف بسيط عن طعم المايه العادى والإختلاف ده مش وحش ده بسبب الزعفران وماء الورد

ووصانى بحاجه قالى إنها مهمه وهى آخد نفس عميق مع غلق اليدين وأقول مع خروج النفس بسم الله أوله وآخره لمدة خمس دقائق بعد كل الصلاه وأيضا بعد كل صلاه أقول حسبنا الله ونعم الوكيل 3 مرات وأفوض أمرى إلى الله إن الله بصير بالعباد 3 مرات وموضوع النفس بيهبط لأن السحر بيتعب الجسم أصلا فإن حصل هبوط آخد معلقة عسل أو اريح شويه وأرجع آخد النفس تانى

وبرضه عمل لى مايه عاديه (ولو فيه زمزم بيكون أفضل طبعا) مضاف إليها ورق شجرة السدر ومتقطع حتت صغيره اللى الرسول عليه أفضل الصلاة والسلام وصا بيها لعلاج السحر مقروء عليها قرآن والرقيه الشرعيه وقسمتها جزأين جزأ شربته (كميه كويسه إستمرت عندى 15 يوم محتفظه بيها فى التلاجه ) وجزأ للإستحمام ( المايه تطول الجسم كله) من نفس الماء خارج الحمام يعنى ممكن فى طبق كبيييير فى أى حجره قبل النوم كنت بقعد فيها نص ساعه ولو المايه سقعه ممكن تدفى المايه (لكن ماء ورق السدر مايغليش عشان مايفسدش ويطلع ريحه بسرعه ) وبعد الإغتسال كل مره كنت بدهن على 12 فتحه فى الجسم زيت زيتون ومسك عربى مقروء عليهم قرآن والرقيه الشرعيه لمدة 3 أيام متتاليه وبعد كده ممنوع يترمى فى الحمام أو بلعات أو مكان حد يدوس عليه ممنوع لكنه وصانا نروى بيه زرع أو إننا نرميه على عتبة البيت عشان لو السحر معمول على باب البيت يبقى المايه دى مفيده إنها تفكه ونعمل كده فى وقت متأخر يعنى بع الساعه 12 مثلا عشان ماحدش يدوس فيه لحد ماينشف وعشان ماحدش يفهم غلط إننا بنعمل إحنا سحر

مع الحفاظ على أذكار الصباح والمساء وأذكار النوم وذكر دخول الحمام والصلاه فى مواعيدها وتجنب الذنوب قدر الإمكان مدى الحياه حتى بعد زوال أعراض السحر والأذكار مهمه جدااااااااا ياجماعه دى تحصين عشان الموضوع يخلص بسرعه ومايتكررش تانى لن بعض أنواع السحر بيكون مسلط على الشخص منتظر أى فرصه ليتكرر وهقولكم على الفرص اللى الشيخ قالها ليا

ووصانى بقراءة الرقيه الشرعيه على نفسى

وصانى بسماع الرقيه الشرعيه على قد ما أقدر وأضعف الإيمان مره واحده لكن يفضل أكثر من مره بسماعات الأذن وبصوت عالى ورشح ليا شرائط الشيخ محمد جبريل وهما 4 شرائط رقيه و شريط دعاء و4 شرايط آيات حرق وعذاب

فى البداية سمعت شرائط الرقيه مدة حوالى 20 يوم والحمد لله بدأ يلاحظ إن أصبحت أفضل فوصانى بسماع شرائط آيات الحرق والعذاب وسماع سورة البقره يوميا برضه بسماعات الأذن وبصوت عالى مده مفتوحه إلى أن تزول الأعراض

مع إستمرار تناول العسل الأبيض بحبة البركه المقروء عليهم القرآن والماء ووصانى بقيام الليل ويفضل قيام الليل ركعتين بسورة البقره يوم ويوم آخر ركعتين ركعه بسورة النور وركعه بسورة الفرقان والدعاء الدعاء الدعاء والثقه الشديده فى ربنا مهما الشيطان يأسنا وإفتكروا إن كيد الشيطان كان ضعيفا

وهكذا إلى أن تزول أعراض السحر وحتى بعد أن تزول لابد من الحفاظ على الأشياء اللى قلتلكم عليها مدى الحياه أذكار الصباح والمساء وأذكار النوم وذكر دخول الحمام والصلاه فى مواعيدها وتجنب الذنوب قدر الإمكان وقراءة الرقيه بنفسى من وقت لآخر

وفرص تجدد السحر هى إهمال الأذكار والتحصينات اللى لازم تكون بتحريك الشفايف وليست بالقلب فقط والعصبيه والغضب الشديد ونسيان ذكر دخول الحمام والبكاء قبل النوم واعتقد فيه حاجات أخرى بس دى اللى أنا فاكراها

أعراض السحر والرقيه الشرعيه والأذكار كلها وشرائط الشيخ محمد جبريل كلها موجوده على النت اللى عايزها يعمل بحث عنها وإن شاء الله تلاقوها بسهوله وأهم حاجه ياجماعه تدوروا على شيخ ثقه مش أى حد عشان مايزودش الموضوع

ممكن تحسوا إن الموضوع كتير بس شدة الهم والضيق بتخلى الواحد عنده إستعداد ينفذ ده كله وأكتر وربنا بيعيين الواحد الحمد لله وفى الأول والآخر
الله خير حافظا وهو أرحم الراحمين

أى إستفسار أنا موجوده على حسب اللى حصل معايا وعلى حسب معلوماتى

[ـ أميرة نفسي ـ]

جزاك الله خيرا حبيبتي
الذي لاحظته و أعجبني فيكي هو صبرك وقدرت تحملك وهذا كله يدل على قوة إيمانك ماشاء الله
أسأل الله أن يبعد عنك وعنا كل شر

[** الشيماء **]

بارك الله فيكي

وربنا يتمم لكي علي خير

[toma2]

مشكورة ع المعلومات الله يبعد عنا
الحسد و الحاسدين و الله يوفقك مع خطيبك

[نور العيون123]

ربنا يشفيك ويعافيك انا عايزة اسالك هل شعرتي بتغيير بعد العلاج في حياتك في تيسير امورك

في علاقتك بخطيبك في التعب اللي ف جسمك وما هي اعراض السحر التي وجدها الشيخ

وما الذي اكد له انه سحر وليس عين او حسد جزاك الله خيرا

[بنت الهاجري]

وانا نفس السؤال شو هي الاعراض وكمان انتي كنتي تحسي بنفور من اشخاص دون سبب يعني كره

[ليلآس ~]

الله يوفقك مع خطيــبك و تتحسن أمووركم ان شاء الله ..

و الله يشفيك و يشفيه و يعافيكم يااارب ..

[بتوته كتكوته]

بالتوفيق يا حبيبتى

[ابريكه]

ماشاء الله عليك
اجرك حاصل وجزاك الله اعظم جزاء
واسعدك في الدارين وابعد عنك وعنا كل حاسد وماكر وساحر

[7abiba]

جزاك الله خيرا حبيبتي
الذي لاحظته و أعجبني فيكي هو صبرك وقدرت تحملك وهذا كله يدل على قوة إيمانك ماشاء الله
أسأل الله أن يبعد عنك وعنا كل شر

أشكرك
الحمد لله على كل حال أنا زى ماقلتلكم قبل كه والله إنسانه عاديه بس إتعلمت شوية من اللى حصلى أرجوكم إدعولى ربنا يثبتنى وييسرلى حياتى الجايه ويوفقنى فيها

بارك الله فيكي

وربنا يتمم لكي علي خير

ربنا يكرمك ياحبيبتى ويتقبل منك

مشكورة ع المعلومات الله يبعد عنا
الحسد و الحاسدين و الله يوفقك مع خطيبك

ياااااااااااااارب اللهم آمين
اسعدنى مرورك

الله يوفقك مع خطيــبك و تتحسن أمووركم ان شاء الله ..

و الله يشفيك و يشفيه و يعافيكم يااارب ..

ياااااااااااااااارب
أشكرك

بالتوفيق يا حبيبتى

شكرا أوى ربنا يكرمك ويوفقك أنتى كمان

ماشاء الله عليك
اجرك حاصل وجزاك الله اعظم جزاء
واسعدك في الدارين وابعد عنك وعنا كل حاسد وماكر وساحر

يااااااااارب اللهم آمين
نورتى الموضوع بمتابعتك وردك

يارب اكون أفدتكم جميعا

[7abiba]

ربنا يشفيك ويعافيك انا عايزة اسالك هل شعرتي بتغيير بعد العلاج في حياتك في تيسير امورك

في علاقتك بخطيبك في التعب اللي ف جسمك وما هي اعراض السحر التي وجدها الشيخ

وما الذي اكد له انه سحر وليس عين او حسد جزاك الله خيرا

وانا نفس السؤال شو هي الاعراض وكمان انتي كنتي تحسي بنفور من اشخاص دون سبب يعني كره

السلام عليكم ورحمة الله وبركاته

أنا آسفه إن كنت اغفلت النقطتين دول لما كتبت الموضوعين

الشيخ قالى إن فيا الإتنين حسد شديد وسحر

عرف منين ؟؟؟

هقولكم

وهو بيقرأ عليا حسيت بقشعره غريبه فى جسمى وصفتهاله كانت فى الناحيه اليمين من جسمى وماشيه بالطول بدايه من فوق لتحت قالى ده معناها حسد شديد

السحر بقى عرفوا من الأعراض اللى كنت بشتكى منها وقبل ما أحكيها لاقيته هو بيسألنى بتحسى بكزا قلتله أه وكزا قلتله أه فعلا فيه كزا حاجه إشتكيت منها زى تعب فى المعده وألم شديد فى الظهر أشبه بالكهرباء وألم فى المفاصل وكدمات فى أنحاء مختلفه من جسمى وتأخر ميعاد الدوره أو الألم الشديد فيها والشد العضلى لمنطقة الحوض وخصوصا وأنا نايمه ممكن أقوم من النوم على الألم ده ألم رهيب مابعرفش أحرك رجلى لما يحصل وعند التشهد فى الصلاه صابعى اللى برفعه كان بيبقى رايح جاى زى باندول الساعه بالظبط والعصبيه الشديده والميل للعزله والإكتئاب والبكاء واليأس والحاجه الأساسيه نفور خطيبى منى ومن بيتنا بدون سبب وقبل ما أتخطب كنت أنا حاسه بنفور من الأشخاص اللى بيتقدمولى وحاجات كتييير بس دى اكتر حاجه فكراهم وعموما أعراض السحر موجوده على النت ممكن يكون فيه أعراض تانيه غير دى لو حد عايز يعرفهم يعمل بحث وهتلاقوهم لأنى لم أكتفى بكلام الشيخ وإتأكدت بنفسى من أكتر من موقع على النت

بس مش معنى كده إن اى واحده يكون عندها حاجه واحده من دول يبقى فيها سحر لأ يابنات أغلبنا بيجيلنا مثلا ألم قبل الدوره أو تتأخر عن ميعادها بس لما تجتمع حاجات كتير زى كده مع بعض من غير سبب عضوى أو ضيق نفسى لأن بعض الحاجات دى سببها نفسى برضه والرقيه هى كلام ربنا يعنى سواء فيه سحر أو حسد أو مفيش عمرها ماهتضر بالعكس أكيد هتفيد

ولما الشيخ يقرأ عليا كنت بحس بألم فى جسمى وإرهاق وساعات أحس بنفض أو إن حاجه ماشيه تحت جلدى ومع تكرار سماع الرقيه كنت بشم ريحة شياط سألت الشيخ قالى دى شياطين بتتحرق ده كله كان بادىء كتير وقل مع الوقت والآن انا مستمره فى سماع الرقيه والموضوع اصبح نادرا لما يحصل معايا حاجه من دول والشيخ قالى إستمرى إلى أن تنعدم الحاجات دى كلها وعلى فكره اول مره سمعت سورة البقرة فى سماعات الأذن بصوت عالى لاقيت 3 بقع سودا قريبه من بعضها فى رقبتى إختفت على آخر اليوم

الشيخ قرأ قرآن عليا وشربت مايه مقروء عليها قرآن وقالى لو السحر اللى معمول على حاجه أشربها أو أكلها يبقى هستفرغ الماده بتاعة السحر فى نفس اللحظه وبعدين وهو بيزورنا كان قارى الأذكار قبل ماييجى وقالى إنه حس بالسحر على عتبة البيت وفى البيت سألته بالظبط عرفت منين قالى حسيت بألم فى رجلى وأنا داخل البيت وحسيت بكآبه فى البيت الشياطين عملينها وأنا قلت الشيخ واخد على الحاجات دى ويعرفها أكتر منى نسيت الحكايه خالص وبعدها بمده وأنا داخله البيت فعلا حسيت بألم فى رجلى إتصلت بالشيخ وسألته جاب لنا مايه مقروء عليها قرآن ورشينها فى اركان البيت والزوايا فى السقف وعلى باب البيت كل يوم لمدة 14 يوم وقالى بإذن الله إن ده يطرد الشياطين والجان لأن المايه أولا مقروء عليها قرآن وثانيا لأن الجان والشياطين مخلوقين من نار والماء منفر لهم طبعا

الحمد لله الأعراض أغلبها راح من عندى إلا فيما ندر وعلاقتى بخطيبى تحسنت الحمد لله بس لسه مابيحبش ييجى البيت كتير بس الحمد له غير قبل كده قبل كده كان كاره ييجى تماما دعواتكم لنا

والشيخ قالى لو كنتى غير محافظه على الصلاة والأذكار كنتى هتتعبى أوى قربك من ربنا حفظك الحمد لله وقالى على ذكر مهم جدا من الأذكار بالإضافه طبعا لباقى الأذكار والذكر هو
لا إله إلا الله وحده لاشريك ه له الملك وله الحمد يحيى ويميت وهو على كل شىء قدير (100 مره صباحا / 100 مره مساءا) وعلى فكره مابيخدش وقت خالص بقوله وأنا بشتغل فى البيت أو راكبه المواصلات بعد على إيدى أو بسبحه

اللى فهمته من الشيخ إن الأعراض والنتائج اللى بتحصل ممكن تختلف من شخص لآخر حسب شدة حالته

[sana5783]

ربنا يشفيك ويعافيك

[amal55]

اختى الحمد لله
انو ربنا فرج همك
ووجتى شيخ صادق
قام بعلاجك با الرقبه الشرعيه
مبروك الخطوبه وربنا يتم ليك على خير
اتمنى لك السعاده مدى الحياه

[oum abdoullah]

ربنا يشفيك ويعافيك

[wbaby]

ماشاء الله ياحبيبه حجات كتيرة اوي
بس فعلا الاهم انك لقيتي شيخ يعمل معاك الحجات دي كلها

بس فعلا ينفع انه بدل ماقرا سورة البقرة اسمعها
لاني كتير بشغل البقره ورقيه العين على الكمبيوتر واعلي الصوت يوصل البيت كله بس في ناس قالولي لأ مينفعش

وياريت تبقي تطمنيني علطول عنك واسمع منك اخبار حلوة ياااااااارب