مقلوبةالتمر او بيتز التمرمشاركتي لحبيبةقلبي امولةو(معجنات رمضان) وملف التمر
مقلوبة التمر او بيتزا التمر
مشاركتي لحبيبةقلبي امولة
و(معجنات رمضان) وملف التمر
السلام عليكم ورحمة الله وبركاته
ازيكم حبايب قلبي مبدعات المنتدي
كل عام وانتم بخير
انا اليوم هقدم مشاركة بسيطة للقمر حببتي امولة الغالية
وكمان هقدم المشاركة ديه لملف التمر
تعالو احكلمكم الاسم جيه معايا ازاي
انا قعد افكر في حاجة اقدمها بما اني في المعجنات ياخبر ابيض
عليا وعلي اللي بيحصلي مع المعجنات بس قولت لازم اجازف عشان اتعلم
وسبحان الله والله طلعت ماشاء الله ع الافكار روووووووووووووعة ولله الحمد
الطعم اقولكم عليه ايه بس
المهم انا لما قعد افكر في حاجة للتمر لان التمر ماشاء الله عندي
بالبيت كتير وهي الفاكهة اللي موجودة الفتر ديه طبعا كانت استعدادا لايام رمضان
ولسه موجودة طبعا مش معناها انها مش موجودة باقي السنة بس الكل عارف
هو التمر مرغوب فيه قد ايه برمضان وطبعا العيد والكعك
انا عارفة اني طولت عليكم المهم ضربت بمخي فكيرة جامدة خالص
وبذات ان انا عايزة اعمل حاجة جديدة وفكرة جديدة معرفش بقي حد نزلهاسابقا ولا لا
قولت ليه معملش مقلوبة التمر زي مافي مقلوبة الخضروات والبصل
والتمر شكله جميل ومتساوي كده
طبعا عشان الامانة تحكم ع الواحد انه يقولها انا كنت باخد مقلوبة البصل من الشيف
اسامة السيد بنفس مقاديره وبعتمدها علي كده انا عملت نفس المقادير بس باختلاف وبعض اللمسات
من عندي طبعا
تعالو شوفو غيرت وزود ايه عن مقلوبة البصل والخضار من مقادير
المقادير اللي اعتمدها ولله الحمد
ملعقة وربع خميرة فورية
3\4 كوب ماء دافي
1و نص كوب دقيق
تمن معلقة كبيرة ملح(ربع معلقة صغيرة او اقل)
معلقتين صغيرة سكر
معلقة كبيرة زبد لين
معلقة كبيرة زيت
بلحة جافة مبشورة بالمبشرة
تمر رطب منزوع النواة وراجع لهيئته مرة اخري للوجه
الطريقة المعتمدة باذن الله
ذوبت الخميرة بالماء الدافي وتركتها عشرة دقائق للتخمير
خلط الدقيق والملح والسكر وبشر البلح بالعجان
ثم يضاف الزبد والزيت للخليط وتزيد السرعة للسرعة المتوسطة
تضاف الخميرة المذابة تدريجيا معالاستمرار بالعجن لمدة 15 دقيقة
وبما ان العجانة عندي ماشاء الله ربنا يعلم بيها مولينيكس مش قوية
فسبتني منها بعد الخميرة ماضفتها خمس دقايق كده وعجنت بايدي تلت ساعة او اكتر
لحد ماالعجينة بقت متماسكة كده وطرية بالايد ومشدودة معايا
بعدها حطيته في طبق غويط مدهون زيت وسبتها ساعة وربع لتخمر
نيجي بقي للمرحلة الاخيرة بالنسبة للتمر ممكن تعمليله كرميل
بالسكر والزبد او السكر والمياه
بس انا معملتش حاجة عشان هو مسكر بما فيه الكفاية
ماكنش ينفع ازود سكر عليه تاني
المهم انا دهنت صينيه بالزبدة ورشيت عليها الدقيق ووزعته كويس
ورميت الزيادة كالمعتاد وورصيت البلح عليها بالشكل ده
بعد ماالعجينة خمرت وتضاعف حجمها بالشكل ده
اخدها علي سطح مرشوش دقيق وقمت بفردها
بالنشابة علي شكل الدائرة بمساحة اكبر من الصينية
وغطيت بيها البلح وقعد اضغط من الجوانب كويس
عشان تملي الفراغات وتغطي البلح كويس
وبعدها بالشوكة خرمت العجينة عشان البخار
ودخلتها الفرن الساخنة والمجهزة سابقا لحد مايحمر وجهها وتنضج
ولما بردت قلبتها علي وجهها
وبسم الله ماشاء الله طلعت روووووووووووووووووعة وجميلة
انا الكمية عندي عملت صينيتين صغيرين
وما شاء الله عليها طلعت جميلة جدا ولونها دهبي روووووعة
ماشاء الله والله والطعم عجب وجيه جامد
انا اول ماطلعتها من الفرن وقلبتها عشان يبقي التمر هو اللي بالوجه
افتكرت ان انا عملت بيتزا بالتمر
عشان كده كتبت بتزا بالتمر
الشريحة رفيعة زي البيتزا وجميلة
يعني بكده بايدك تخليها بيتزا التمر(الرفيعة) او مقلوبة التمر (الطخينة ههههههه)
والله شكلها احلي من الصور بكتير
ويارب تعجبكم مشاركتي البسيطة ووصفتي الابسط
وفكورتي الجديدة من الناحيتين بيتزا او مقلوبة
للتمر والف هنااااااااااااااااااااااااا
تعليق