مشكله عدم قدرة البرامج على الاتصال بالانترنت بسبب الكاسبر2010

[Eng.E.M.K]

وعوده مره اخرى الى المشاكل والحلول
اليوم مشكلتنا خفيفه وسهله جدا
ومفيده لمن يستخدمون الكاسبر

نص المشكله

مشكلتى انى كنت مسطب كاسبر 7 انترنت سيكيورتى وكل شىء تمام وقلت اسطب كاسبر 2010 انترنت سيكورتى برده ولكنى فؤجئت بمشكله وانه يمنع برنامج انترنت داون لود من التحميل

طبعا من المشكله واضح جدا ان الانتى فيرس لا يسمح لبرنامج الدونولد مانجر بالعمل
وطالما ان فى برنامج توقف بسبب الانتى فيرس يبقى دا معناه ان الانتى فيرس بيمنعه عن العمل
اكيد هتسألوا ليه الانتى فيرس يمنع البرنامج مع انه مش خطير؟

الانتى فيرس بيكون معد باعدادات افتراضيه وبيكون حذر جدا عند وجود اى برنامج يريد الاتصال بالانترنت
لذلك علينا ضبط الاعدادات لكى يسمح بعمل البرنامج
بمعنى اننا نفهم الانتى فيرس ان البرنامج دا عادى ومش خطر واسمح له بالاتصال
ودا بيكون عن طريق الاعدادات
مع العلم انه ليس الدونلود مانجر هو فقط الذى ممكن ان لا يستطيع العمل
بل هناك برامج اخرى وهى جميع البرامج التي تحتاج الى اتصال بالنت
مثل الماسنجر او المتصفحات وبرامج التحميل الاخرى

وانا استعنت بصوره متحركه موجوده عندى لكى تفهمكم اكثر طريقه الحل





الطريقه كتابيا فى حاله عدم ظهور الصوره:

من شاشه اعدادات الكاسبر نضغط على Setting او اعدادات
وهى كون اعلى يمين الشاشه الظاهره

تظهر شاشه اخرى من على اليمين هنلاقى قائمه نضغط فيها على Firewall
وبعدها نضغط على الزر Settings الذى سيظهر بعد الضغط على فايروول
ويكون فى واجهة الشاشه ناحيه اليمين

تظهر شاشه توضح البرامج المحظوره ويكون امامها علامه مثلث برتقالى به علامه تعجب !

نضغط ديل كليك علي البرنامج الذى نريد ان نسمح له بالاتصال
ونضع علامه الصح على المربعات الصغيره التى تظهر اسفله
ثم نضغط اوك



وبهذا نكون انتهينا من المشكله تماما

اتمنى تكون المشكله خفيفه عليكم
واى استفسارات انا بخدمتكم
وباذن الله نلتقى قريبا مع مشكله وحل (حفظنا الله واياكم من المشاكل)

[اسالك الجنه]

ما شاء الله بارك الله فيكى
على طرح هذه المشكله
طيب هل هذا المنع يحدث مثلا مع افاست
لانى نزلت الدون لود
لكن مش عارفه لماذا
لا يتم التحميل من خلاله

[Eng.E.M.K]

لا الافاست لا يسبب هذه المشكله
لكن بيتهيألى انك نزلتى النسخه المحموله من
الانترنت دونلود مانجر صح

انا هرفعلك النسخه اللى بستعملها
وهعرفك طريقة تسطيبها باذن الله وتابع اذا حدثت مشاكل باذن الله نحلها

[اسالك الجنه]

لا الافاست لا يسبب هذه المشكله
لكن بيتهيألى انك نزلتى النسخه المحموله من
الانترنت دونلود مانجر صح

انا هرفعلك النسخه اللى بستعملها
وهعرفك طريقة تسطيبها باذن الله وتابع اذا حدثت مشاكل باذن الله نحلها

نعم
انا نزلت النسخه المحموله كانت الاخت نور عمر نزلتا هنا من فتره
لكن بعد تسطيبها
واحاول تنزيل اى شىء مثلا من يوتيوب
اجده لا يعمل
ولا ينزل شىء

لكن لاحظه يا باشمهندسه

بالنسبه للتسخه الاصليه
انا كنت نزلتها من فتره كتجربه
وللاسف الفتره التجريبيه انتهت
اعتقد كده لا استطيع تحميلها مره اخرى صح

[Eng.E.M.K]

لا انا هعطيكى نسخه ومعاها الكراك والباتش
وهتشتغل باذن الله

متخافيش مفيش مشاكل هتقف امامنا باذن الله

[اسالك الجنه]

باذن الله
وياريت تكون فى موضوع مستقل لتعم الفايده
بارك الله فيكى
ولا حرمنا منك

[Eng.E.M.K]

ان شاء الله ياقمر
من عنيا الاثنين

[الحيـاة أمـل]

موضوع مميز وشرح مبسط

شكرا وجزاك الله خيرا .... ورمضان كريم

[Eng.E.M.K]

اشكرك الحياه امل
بارك الله فيكى

[oum ahmad89]

ماشاء الله تبارك الله موضوع رائع جدا
الله يسلمك ان شاء الله من كل شر يارب

[Eng.E.M.K]

تسلمى ياقمر
ايه بس الصباح الجميل دا
لما الاقى اسيرة الشوق
فى مواضيعى