عمل الزبادي (الروب) في البيت مطمنة انت عملاها ازاي هديتي لشهر رمضان الكريم
كل سنة وانتم يارب بخير ورمضان كريم علينا وعليكم يارب
مافيش بيتتقريبا في رمضان بيخلي فيه الزبادي وطبعا ديه حاجة اساسية
في السحور وبعض الفطار بالذات بعد الاكل الجامد اللي بناكله بعد
الصيام فقولت اوصلكم واوفرلكم طبعا هي حاجة سهلة والكل تقريبا
عارف الطريقة بس حبيت اشارك معاكم ليكم ولكل اللي
مش عارف طريقتها وياااااااااااااااارب تعجبكم الطريقة وعمايلها
وكل سنة وانتم بخير والف صحة وهناااااااااااااااااااااااااا
المقادير
كيلو لبن ويفضل لبن صابح انا هنا استعملت لبن وده مايمنعش انها هتتطلع حلوة وكوباية زبادي وديه هي الخميرة اللي هستعملها
الطريقة
اغلي اللبن كويس اووووووووووووي واتركيه يدفي شوية بس مايبردش بصو انا اخد طريقة حلو اوي من البنات من النت وهي ان انت تلمسي اللبن بصباعك وتعدي لحد 9 دقايق لو قدرتي تستحملي يبقي اللبن كده جاهز انا فعلا بقيت اعمل كده وبقي يطلع معايا حلو اووووووووووووووووي اما بالنسبة للزباداية الخميرة ديه
بقلب فيها كتير اوووووووووووووووووووووي عشان تبقي شبه سايلة
وابدا احطها في اللبن واقلب كويس
انا نسيت اقولكم اكون مجهزة الفرن كويس اوووووووووووووووووي من قبلها بتلت ساعة وتكون الفرن حارة فاطفي الفرن
انا هكون مجهزة اطباق باغطية او علب باغطية وبمجرد مااحطهم في الاطباق اقفل عليها علي فكرة يفضل ان الاطباق او العلب ديه من البورسلين او الفخار او الزجاج بلاااااااااااااااااااااااااااااااش خالص البلاستيك عشان تطلع معاكم كويس المهم بمجرد ماتصبوها دخلوها
الفرن الحارة المطفي عليها واقفلي الفرن وسبيها 12 ساعة في الفرن وبعد ماتطلع دخلوها التلاجة وقولولي بقي ايه رايكم انا هنا
استعملت زبادي سادة من غير مااضيف اي نكهات سواء عسل نحل او فواكه علشان بستعمل الزبادي في بعض الاكلات ولو هتلاحظو ان في ناس عندهم اجهزة بس انا الصراحة لسة مجبتهاش
وكتير مننا مش عنده فديه طريقة مناسبة للكل
فهمت عليكي
تعليق