₪ متميز ₪ماكينه الشمع خاصتي مع بعض من ادواتي التجميلية بالصور
كيف الأحوال ان شاء الله تمام
كثرت التساؤلات عن جهاز ازالة الشعر بالشمع
فحبيت اشاركم بصور من جهازي الخاص
الجهاز من ماركة zenith اشتريته من لبنان
تقريبا من شي 3 سنين بعتقد ب 30 دولار هيك شي
و كان معه قالبين شمع وربطة ورق
و كل ما يخلصو من عندي بوصي من لبنان يبعتولي شمع وورق
انا كتير مرتاحة عليه مع انه مرت فترة ما استعملته
لكن من لما حملت رجعت استخدمه
سهل و سريع و نضيف
بحطه بالكهرباء مدة 10 ل 15 دقيقة
ليسخن الشمع و يسيل بسهولة
بعدين بمد الشمع على المكان المراد
وبعدين بمد الورق و بضغط عليه شوي
و اخيرا بسلخ الورقة بقوة مرة واحدة
ووداعا للشعر المزعج
و بعد ما اخلص بمسح المكان بالزيت المخصوص
لبعد ازالة الشمع
بدلك منيح و بتركه مدة دقيقتين
و بمنشفة بمسح الزيت و بيطلع معها كل الشمع الي كان متلصق
و بعدها دوش سخن و خلاص
عملية كتير كتير
طولت عليكم خلينا نستعرض الصور
ما تواخذوني نسيت اصور الزيت لوحده
ان شاء الله بصوره بوقت لاحق
الآن خلوني عرفكم على بعض مستحضراتي للعناية بالبشرة
بداية مع مجموعة نيفيا
بستخدم كريم نهار مناسب لجميع انواع البشرة
من لما استعملته صارت بشرتي نقية و صافية و منورة
كتير الحمدلله مرتاحة عليه حتى السواد الي كان
حول الشفاه اختفى
كريم الهالات السوداء
بستخدمه قبل النوم حول العيون كمان كتير منيح
وخف كتير السواد من لما استعملته
و اخيرا الغسول بستخدمه مرة الصبح و مرة بالليل
و كمان عندي لبعد الأستحمام من فيكتوريا سيكريت
بودي سبلاش اسمه sweet temptation
ريحته تهبل و كتير ينعم البشرة
و ايضا بودي لوشن اسمه amber romance
ريحته روعة و تدوم ثلاث ايام
و بدي لوشن صناعة لبنانية
ريحته ناعمة كتير اسمه pulmeria
وهذه صورهم
و كمان لأني من عشاق الرسم على الأظافر
بستعرض لكم ادواتي لتزين الأظافر
انتهى عزيزاتي
اتمنى تكون المجموعة نالت اعجابكم
بانتظار الردود
دمتن بود
تعليق