*وصفه متميزه*طبقى اليوم رز حكايه وكباب المأكولات البحريه حدوته

[برنسس لك1]

السلام عليكم ورحمة الله وبركاته

عملت انهارده طبق يجنن
انا من النادر ما العب فى المأكولات البحريه بخاف متكنش مستصاغه
زى اللحمه والفراخ
كان اساس طبقى رز بالكارى وسمك مقلى عادى لكن عملت مقبلات بحريه
كباب لكن بالمأكولات البحريه
وطبعا كان طعمه يجنن هو والرز
وعلشان هما جداد سابولى السمك المقلى يبرقلى

المكونات (الكباب البحرى)

سمك فيليه
جمبرى مقشر
سيبيا قطع صغيره
بصل قطع
فلفل قطع
طماطم تشيلى

التتبيله

معجون الكارى الاحمر
جنزبيل
توم بودره
بصل بودره
صويا صوص
مسطرده
ملح فلفل

الطريقه

توضع كل مكونات التتبيله على السمك والجمبرى وقبل ما اضع السيبيا اسويها شويه فى مايه وفيها م ص معجون الكارى الاحمر وبعد ذلك الى ان تستوى
واصفى مايتهاواضع السيبيا على السمك والجمبرى النىء واقلبهم مع بعض واتركهم 2 ساعه
انا مقادير التتبيله حطتيتها بالويم
وجيبت الاسياخ الخشبيه ووضعت كل ما هو من مكوناتى فيها ودهنت وشها بأيدى بزيت علشان تعمل لون
ودخلتها الفرن نصف ساعه مع التقليب فى نص الفتره طبعا او لما لونها اتغير
قبل ما انسى المايه اللى صفتها من السيبيا اخدتها عملت به الرز

طريقة الرز

المكونات

رز بسمتى اسمر
وممكن اى رز
فلفل اخضر مقطع صغير
قطع سيبيا من المستويه مسبقا
م ك معجون الكارى الاحمر
2 مكعب مرقه
1 م ص كركم
ملح وفلفل لتظبيط الحدق
ماء سليق السيبيا
ولو حبيتوا تضيفوا روزمارى ويكون احلى واحلى

[cliopatra]

يا حلولي يا حلولي
لحقت اول رد والطبق بتاعي
لا وخدت الرز ومعاة السي فوود كمان
تسلميلي يارب وفكرة حلوة مووووووت

[ماما الاء]

حكاية وحدوووووووووووووثة وحركاااات وناس تاكل وناس تتفرج اللهم لا اعتراض
بس الحقيقة البص لوحده كفاية للنهردة وبس لكن بكرة ما اضمنش اكيد حيتكرر العدوان على بور سعيد بس اكيد مني انا ههههههههههه طيرااااااااااااااااان ويا ويلك ما تاكلنيش من الكباب التحفة ده والرز الحدوووووووووووووووثة
انا حذرتك وقد اعذر من انذر
تسلم ايديك يا جميلة

[وعود الخير]

يا سلام على البحري واهل البحري
خلاص راح اديها سباحة من غزة لبور سعيد وويلك يللي تقابلني يا ويلك ويل
تسلم الايادي

[♥ نبعة الريحان♥]

واووو عاشت ايدج يا وردة على الوصفة
ننتظر جديدك يا عسل

[gabsoz]

وبعدييييييييييييين يابرنسيس مو قلتلك اني امووووووووووت في السي فود

يعني شم ولاتذوق ياللا بسيطه حعديها المره دي

تسلم يدينك ياعسل والله يعطيكي الف عافيه

[radwa1981]

انا تعبت منك يا برنسس انا اعصابي بتتعب منك دايما
المفروض يكتبوا على مواضيعك ممنوع الدخول لاصحاب القلوب الضعيفة
حلوووووووووووووين اوي تسلم ايدك
ارحميني شوية من الجمال دايما الخير عندك يا رب يا غالية

[asma_m81]

الله يسلم ايدياتك يارب

روووووووعة ماشاء الله عليك

ألف صحة وهناء على قلوبكم

[whietangel]

تسلمى ايدك يا قمر

[شجرة الضر]

اللة عليكى يا برنسس روعة تسلم ايدك يا قمر

[برنسس لك1]

يا حلولي يا حلولي
لحقت اول رد والطبق بتاعي
لا وخدت الرز ومعاة السي فوود كمان
تسلميلي يارب وفكرة حلوة مووووووت

يا حلولى يا حلولى كليو اللى شأطت اول طبق
الف هنا وعافيه
وبالسى فود كمان يا حلولى يا حلولى ده ايه ده اللى بيحصلى

[برنسس لك1]

حكاية وحدوووووووووووووثة وحركاااات وناس تاكل وناس تتفرج اللهم لا اعتراض
بس الحقيقة البص لوحده كفاية للنهردة وبس لكن بكرة ما اضمنش اكيد حيتكرر العدوان على بور سعيد بس اكيد مني انا ههههههههههه طيرااااااااااااااااان ويا ويلك ما تاكلنيش من الكباب التحفة ده والرز الحدوووووووووووووووثة
انا حذرتك وقد اعذر من انذر
تسلم ايديك يا جميلة

يانى على شقاوتك الوء
عدوان ثلاثى مره واحده يا ظالمه
يا خبر من غير تحذيرات وانذارات وطيارات رايحه وجايه وانتى عارفه المشوار
ظبق مخصوص لام الاء البونبونايه

[برنسس لك1]

يا سلام على البحري واهل البحري
خلاص راح اديها سباحة من غزة لبور سعيد وويلك يللي تقابلني يا ويلك ويل
تسلم الايادي

ليه كده وعود
وبعدين ده المسافه نسيطه بينا وبين غزه
ده فردة كعب
تسلميلى حبيبتى

[برنسس لك1]

واووو عاشت ايدج يا وردة على الوصفة
ننتظر جديدك يا عسل

ميرسى نبعة الريحان

[برنسس لك1]

وبعدييييييييييييين يابرنسيس مو قلتلك اني امووووووووووت في السي فود

يعني شم ولاتذوق ياللا بسيطه حعديها المره دي

تسلم يدينك ياعسل والله يعطيكي الف عافيه

ام عبدالله لا والله ماتعديها
انا على ما افتكر انك قريبه من بورسعيد
استناكى ونعمل واحد سى فود مخصوص لست الكل
وتبأى شميتى ودوقتى ايه رايك