تويت
✿*موضوع متميز*✿ عندك مناسبه أو ضيوف أتفضلى ..عند أم شادى .. بالصور
كيفكم يا أجمل صحبه فى أجمل منتدى
ان شاء الله بخير و صحه و سعاده و روقان بال
ما شاء الله المنتدى ملىء بالمبدعات و الفنانات الماهرات فى شتى المجالات
لكن عندما يكون عندنا عزومه او ضيوف او مناسبه بنحتار نعمل ايه كأننا معملناش قبل كدا
فوجدت فكره الغاليه حنان و الغاليه دكتوره سوسن جميله و هى تجميع لكل الاطباق التى تقدم فى العزائم و المناسبات
تسهل علينا كلنا الحيره لان الخيارات امامنا و كل واحده تختار ما يتناسب معها
أسمحولى أشارك بفكره حلويات بسيطه و غير مكلفه بالنسبه للجاهزو شيك فى التقديم و هى الجاتوه سواريه ( جاتوه قطع صغيره )
و كورات جوز الهند بالشيكولاته و كرات الشيكولاته المعسله أقتصاديه و سهله و سريعه و جيلى بالكريمه
[/url]
جاتوه سواريه
المقادير
6 بيض / فانيليا / نقط من عصير الليمون
1 و ثلاث ارباع كوب سكر ( كوبان الا ربع )
2 و ربع كوب دقيق
باكو بيكنج بودر
نصف كوب ماء
للتزيين
كريم شانتيه ابيض و بالشيكولاته
شرائح اناناس و كريز مسكر
شيكورته مبشوره / بندق / فرمسيلى ملونه
الطريقه
نفس طريقه تورته البيت لكن كميه اقل لانى لا اريد كيك مرتفع مثل التورته
بأمكان كل واحده ان تستخدم طريقتها المعتمده يكون اسهل لها و التزيين حسب ذوقكم الجميل و المتوفر لديكم
قسمت العجينه على 3 قوالب لعمل كيك ابيض ( عملته فى قالب الكيك المستطيل ) و كيك بالشيكولاته ( فى صنيه مربعه ) و سيوسرول ( فى صنيه التوستر المستطيله )
اولا : السيوسرول لا يأخذ و قت فى النضج لانه طبقه صغيره من العجين حوالى 1 سنتى
جهزت فوطه عليها ورق زبده مرشوش بالسكر بحجم الصنيه
فور خروجها من الفرن وضعتها على السكر و قطعت حواف الكيك من الاربع جناب
و دهنتها مربى مشمش و لفتها و احكمت الورق عليها و تركتها تبرد ثم و ضعتها فى التلاجه و بعد ذلك قطعتها ترنشات
ثانيا : جاتوه بالكريمه بانده الكيك الابيض يمكن تقطيعها بطرق مختلف
مثل ترنشات الكيك العادى لكن ارفع و كل 3 شرائح او 2 مع بعض حسب الحجم المحبب لديك و نزيل الحواف من الاربع جهات للكيك
او تقطع بالعرض ل 3 شرائح رفيعه و تدهن بالكريم شانتيه الابيض طبقه خفيفه بين كل شريحه و الاخرى
و يغطى الوجه فقط بطبقه غير سميكه و نعمل خطوط بالشوكه
و نقسم المربعات بالنصف و الشرائح الكبيره بالنصف بالطول ثم بالعرض لقطع متساويه و نزينها بالاناناس و رشه بندق او حسب رغبتك
يمكنكم ان تعملوا كيك فى صنيه مربعه او مستطيله بيكون اسهل فى الاستخدام
ثالثا : جاتوه فورينوار الكيك بالشيكولاته نزعت الاطراف ايضا و قسمتها 3 اجزاء بالعرض
ثم قسمت الكيك لنصفين لعمل تشكيله من الجاتوه و أصبح عندنا 2 بانده
دهنت كل شريحه كيك بطبقه رقيقه من الكريمه و غطيت وجه الكيك فقط
ثم قطعت الكيك بالنصف و قطعتها بالعرض لقطع متساويه و رشيت على نصفها شيكولاته مبشوره و عليها ورده بالكريمه و شريحه صغيره كريز
و زينت الجزء الاخر بشرائح الاناناس و و رده من الكريمه و رشه بندق
رابعا : جاتوه البلاك فورست نصف الكيك البنى الاخر دهنته بالكريم شانتيه بالشيكولاته
بنفس الطريقه و قسمته و وضعت على جزء شيكولاته مبشوره و جزء نصف بندقه
خامسا : كورات ملونه بواقى الكيك عندى فتتها و و ضعت عليها جوز هند مبشور
و عجنتها ببواقى الكريم شانتيه و غطيتها بالفرمسيلى الملونه و هذه المجموعه كامله
و ضعت كل قطعه فى الورق البليسيه و رصيتها فى صنيه التقديم
و هنا من الجانب بالشيكولاته
و هنا الجانب بالكريمه
أتمنى تكون عجبتكم و أكون و فقت فى الشرح و التقديم
و هذه مع خالص حبى وشكرى على دعواتكم الجميله
أرجو الانتظار للموضوع بقيه
تعليق