انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 4 1234 الأخيرالأخير
عرض النتائج 1 الى 10 من 34

الموضوع: شرح جاكيت بيبي تريكو (اللي طلبته الغاليه ام هند)

  1. #1
    تاريخ التسجيل
    Dec 2006
    الموقع
    مصر
    الردود
    6,599
    الجنس
    أنثى
    التكريم
    (أوسمة)

    المواضيع المتميزة شرح جاكيت بيبي تريكو (اللي طلبته الغاليه ام هند)




    الغاليه ام هند كانت طلبت طريقه عمل جاكيت اطفال وانا لفيت النت وماعرفتش بصراحه اجيب باترونه وكل اللي شرح طريقه عمله كان الشرح غامض
    المهم الحبيبه نورفا جابت مجموعه فيديوهات قدرت افهم منها شويه ربنا يخليها لنا يارب
    الغاليه مليكه جابت الديب من ديله زي مابيقولوا ههههه جابت الباترون اللي كانت منزلاه ام هند بس اتشال من الموقع اللي كانت جايباه
    المهم من غير تطويل انا عملت الجاكيت وباذن الله اشرح الخطوات بالتفصيل الممل
    ده الجاكيت




    وده تطبيقي له



    اولا غرز واحده يعني عددها واحد بس الاختلاف في تخن الخيط والابر
    يعني لو عرض الصدر 23بوصه حاتشتغلي علي ابر نم4مم وده حايعمل 5ونص غرزه في البوصه (البوصه 2ونص سم)
    لوعرض الصدر 25بوصه حاتشتغلي علي ابر نم 5مم وده حايعمل 4غرز في البوصه

    ثانيا الاحسن تشتغلي بخيط بيدي خطوط لوحده يعني من غير ماتضطري تغيري اللون زي ماعملت لان كده حايكون اسهل وانضف في الشغل
    ثالثا الجاكيت كله مشغول قطعه واحده بغرزه عدل يعني الغرزه المرنه
    نبدا بسم الله
    حاتبدئي علي 160 غرزه وتقسميهم كالتالي
    35- 1-88-1-35
    بمعني 35غرزه ثم غرزه ثم88 غرزه ثم غرزه ثم 35غرزه
    الغرزه اللي في الوسط بين ال35 لاولي وال88 بتحطي عليها علامه
    وهكذا بالنسبه للغرزه اللي بين ال88 وال35غرزه التاليه
    العلامه بتحطيها خيط من لون مخالف حول الغرزه وخلي طرفي الخيط في الامام (علي الوجه الامامي للشغل )
    كده قسمتي الشغل
    ابدئي بشغل 34غرزه ثم اشتغلي ال3غرز اللي عليها العلامه واللي قبلها واللي بعدها معا بالطريقه دي
    بتسلتي غرزه من غير شغل وبعدين تشتغلي غرزتين معا عدل ثم تقلبي الغرزه المسلوته علي الغرزه الناتجه (تنقيص ثلاثي)
    ثم تشتغلي 84غرزه وتكرري التنقيص الثلاثي مع الغرزه اللي عليها علامه واللي قبلها واللي بعدها ثم 34 غرزه
    بس ده اهم حاجه تتفهم
    بعد كده سلسله تنقيصات في السطور اللي علي الوجه الامامي فقط
    يعني مافيش تنقيص علي الوجه الخلفي
    بمعني اخر التنقيص سطر وسطر
    فاهمني لغايه كده

  2. #2
    تاريخ التسجيل
    Mar 2009
    الموقع
    مصر
    الردود
    262
    الجنس
    امرأة
    تسلم ايديك ياقمر

  3. #3
    تاريخ التسجيل
    Jan 2009
    الموقع
    الجزائر
    الردود
    6,466
    الجنس
    امرأة
    الله عليك يا ابلة والله فهمت كل كلامك ولاول مرة افهم حاجة تتلبس في التريكو الف شكر ويا رب ايطمنك ويفرحك كما تفرحينا

  4. #4
    تاريخ التسجيل
    Apr 2009
    الموقع
    مصر الحبيبه
    الردود
    2,452
    الجنس
    امرأة

  5. #5
    تاريخ التسجيل
    Jul 2006
    الموقع
    القاهرة
    الردود
    652
    الجنس
    امرأة
    ام قسمت مساء الخير انا بحب التريكو بس فشلة
    عندى ولاد اخوى توام على وعدنان وعملت ليهم فى الشتاء لى فات بلوفرين بس مش حلوين و هم قربو يتمو السنة ونفسى على شتاءالقادم ان شاء الله اعمل ليهم حاجة هل ينفعهم هذا المقاس
    اشكرك

  6. #6
    تاريخ التسجيل
    Jan 2009
    الموقع
    عروسة البحر اسكندرية... فى ام الدنيا مصر
    الردود
    1,272
    الجنس
    أنثى
    تسلم ايديكى وجزاكى الله كل خير يا رب

  7. #7
    تاريخ التسجيل
    Nov 2008
    الموقع
    الاسكندرية
    الردود
    891
    الجنس
    أنثى
    بجد جمييييييييييل جدا وهتخلينى ارجع للتريكوا تانى من جمالة

  8. #8
    تاريخ التسجيل
    Dec 2006
    الموقع
    مصر
    الردود
    6,599
    الجنس
    أنثى
    التكريم
    (أوسمة)
    تعقيب كتبت بواسطة shadia_1963 عرض الرد
    تسلم ايديك ياقمر
    تسلمي ياقمر ونورتيني
    تعقيب كتبت بواسطة شاوي عرض الرد
    الله عليك يا ابلة والله فهمت كل كلامك ولاول مرة افهم حاجة تتلبس في التريكو الف شكر ويا رب ايطمنك ويفرحك كما تفرحينا
    هههه مش قلت لك انتي عسل وسكر ياشوشو
    ربنا يخليكي يارب ويفرح قلبك
    تعقيب كتبت بواسطة ehassen عرض الرد
    تسلمي ياقمر وشرفتيني بمرورك
    تعقيب كتبت بواسطة احلى ايام عرض الرد
    ام قسمت مساء الخير انا بحب التريكو بس فشلة
    عندى ولاد اخوى توام على وعدنان وعملت ليهم فى الشتاء لى فات بلوفرين بس مش حلوين و هم قربو يتمو السنة ونفسى على شتاءالقادم ان شاء الله اعمل ليهم حاجة هل ينفعهم هذا المقاس
    اشكرك
    ليه ياقمر بتقولي فاشله
    انتي بس اتعلميه علي اصوله وانتي تبدعي فيه مادام بتحبيه
    شوفي المقاس ده لبيبي تقريبا 6شهور (اللي انا عاملاه)لو حبيتي تزودي اعملي علي مقاس ابر اكبر يعني انا عملت اول مقاس اعملي انتي ثاني مقاس
    تعقيب كتبت بواسطة yasmin* عرض الرد
    تسلم ايديكى وجزاكى الله كل خير يا رب
    تسلمي لي يارب ياياسمين ولكي مثل دعوتك يارب
    جمانة خطاب;8230209]بجد جمييييييييييل جدا وهتخلينى ارجع للتريكوا تانى من جمالة[/quote]
    ارجعي ياقمر علشان تبدعي فيه زي ابداعاتك في الكروشيه يافنانه

  9. #9
    تاريخ التسجيل
    Dec 2006
    الموقع
    مصر
    الردود
    6,599
    الجنس
    أنثى
    التكريم
    (أوسمة)
    بصوا يابنات
    اللي حاتنفذ الجاكيت ده تخلي معاها ورقه وقلم وتكتب رقم السطر اللي بتعمله
    لو مش بتعرف تعد السطور
    حاتمشي بالتنقيص كل سطر علي الوجه الامامي وحايبقي عدد الغرز معاكي كما يلي
    معلش يابنات فيه غلطه في اول سطر
    مفروض الغرز تكون 34-86-34
    3- 33-84-33
    5- 32-82-32
    7- 31-80-31
    9- 30-78-30
    في السطر 11 حاتزودي 9غرز في كلا الجانبين يعني في ال30 غرزه اللي علي الجانبين بس والمفروض طبعا في السطر 11 يكونوا 29 غرزه لانك بتنقصي عادي طول ماانتي بتشتغلي
    الزياده في السطر 11
    بتشتغلي 3غرز وتزودي غرزه- وتكرري ده 9مرات
    كده 3غرز في 9مرات يكونوا 27غرزه
    بتشتغلي غرزتين وتنقصي التنقيص بتاعك عادي وبعدين بتشتغلي 76 غرزه وتكرري التنقيص وبعدين غرزتين عدل (وتزودي غرزه وبعدين 3غرز) وتكرري 9مرات مابين القوسين
    كده سطر الزياده خلص وزودنا 9 غرز خلاله مع الحفاظ علي التنقيص بتاعنا
    كده السطر الراجع اللي هو ال12 بقي عندك 38 غرزه علي كلا الجانبين و76 غرزه في المنتصف
    لاحظي نقل العلامه معاكي كلما ارتفعتي بالسطور علشان مش تتلخبطي في تحديد الغرزه البينيه (اللي بتنقصي عندها )
    السطر 13- 37- 74-37
    15- 36-72-36
    17- 35- 70- 35
    وهكذا تفضلي تنقصي لغايه ماتوصلي للسطر 43 حايكون عندك
    22- 44-22
    كده مجموع السطر ده حايكون
    22+1+44+1+22=90 غرزه
    حاتشتغلي السطر 44و45 عدل بدون تنقيص
    السطر 46 حانبدا نحط علامات للزياده
    يعني بدايه من السطر 47 حانزود مش حاننقص
    وحاتكون عندنا نفس العلامات في نفس الاماكن
    وحايون شكل الشغل كده لو بتشتغلي بابر دائريه

  10. #10
    تاريخ التسجيل
    Dec 2006
    الموقع
    مصر
    الردود
    6,599
    الجنس
    أنثى
    التكريم
    (أوسمة)


    This photo shows my BSJ at 22 ridges. Stripes worked in this section fall across the ends of the sleeves and across the full width of the back

مواضيع مشابهه

  1. (جاكيت تريكو بالعرض)
    بواسطة أم يمنى ومريم في ركن الكروشيه والتريكو
    الردود: 27
    اخر موضوع: 10-09-2014, 02:10 AM
  2. جاكيت تريكو أحد أعمالي
    بواسطة بيسان فلسطين في ركن الكروشيه والتريكو
    الردود: 27
    اخر موضوع: 10-03-2012, 05:23 AM
  3. شرح جاكيت بيبي تريكو (جميل جدااااااا)
    بواسطة أم قسمت في ركن الكروشيه والتريكو
    الردود: 135
    اخر موضوع: 01-02-2012, 05:23 PM
  4. جاكيت بيبي تريكو
    بواسطة دراوشة في ركن الكروشيه والتريكو
    الردود: 23
    اخر موضوع: 24-05-2010, 09:29 AM
  5. جاكيت بيبي تريكو بكم الروجلان لعيونكم من شغلي
    بواسطة ماما ماجدة في ركن الكروشيه والتريكو
    الردود: 32
    اخر موضوع: 21-08-2009, 09:55 PM

أعضاء قرؤوا هذا الموضوع: 0

There are no members to list at the moment.

الكلمات الاستدلالية لهذا الموضوع

الروابط المفضلة

الروابط المفضلة
لكِ | مطبخ لكِ