مدارس الاسكندريه

[hanaa2]

انا مش عارفه كل المنتدى قاهرى ولا ايه
انا قولت افتح موضوع لمدارس الاسكندريه يمكن الاقى حد يرد على
وحابتدى بنفسى انا اول مدرسه رحت سالت فيها كانت سموحه للغات بس لاقيت مبانيها قديمه وكمان ضيقه هم قالو انهم حيوضبوها فى الصيف لكن الله اعلم
وبالنسبه للسن هى بتاخد 3سنوات ونص لل kg1
انا فى انتظار تفاعلكم معايا

[يمامة1000]

مشكورة اختي العرض الرائع في انتظار مشاركاتك ارجو الرد عاى مواضبعي و التعرف اليك انشاء الله

[م عيال]

انا ابنى فى مدرسة النصر للبنين و هى كويسة فى التعليم لكن فى الهوايات مش بتعمل اى حاجة....يعنى انا خريجة النصر للبنات و كنا بنهتم اوى بالهوايات يعنى نرسم فى العيد خروف او فى رمضان فانوس ...كدة يعنىو كمان عندهم مشكلة تانية انهم بيعتمدوا على ذاكرة الطفل فى المعلومات...يعنى لو فى اجازة مش بيبعتوا ورق و لكن بيعتمدول على ان ابنى هايقولى و برضة فى الادوات نفس الشىء...لكن بعد كل دة هى مدرسة كويسة و مصاريفها معقولة

[hanaa2]

مشكوره بس انا كنت عايزه اعرف هم بياخدوا سن كام انا اتصلت بهم علشان اخد اى معلومه بس اللى ردت على مارديتش خالص تتكلم وقالت لى لو عايزه تعرفى حاجه لازم تيجى وكانت جافه فى معاملتها
ياترى الاداره هناك سهل التعامل معاها ولا لا وياريت تقولى لى هم بياخدو كام سنه لل kg1

[hanaa2]

ما فيش اى تفاعل ليه تزعلونى كده كل دى مشاهدات وما فيش غير رد من اثنين فقط

[hanaa2]

مدرسه ليدرز

يا جماعه حد يفيدنى
هى مدرسه ليدرز اللى فى القاهره اخبارها ايه وهل ليها فرع عندنا فى الاسكندريه
انا كل ما اسال حد فى الاسكندريه عن مدرسه ليدرز يقولى ما يعرفش عنها حاجه وانا عايزه اطمن على المستوى التعليمى فيها يعنى حد يكون مجربها ويفدنى
انا دورت على موقع لها على النت وما لاقيت ياريت اللى تعرف حاجه تقواى وجزاكم الله كل خير

[shaimaa 78]

هاى هناء انا شيماء اللى كتبت الموضوع فى قسم الطفل انا ماكنتش اعرف ان القسم ده موجود
بصى مدرسة ليدرز انا كتبت فيها c.v لابنى بس لسه مقررناش لان محدش يعرف عنها حاجة بس قاعدنا مع مديرتها وقالت ان المدرسة دى اول سنة ليها ومعظمها طلاب محوليين بس بتاخد من 3 ونصف وبتقول انها بتهتم بنطق الاطفال للغة وبياخدوا الفرنساوى من kg 2 وفيها حصص قرآن بالتجويد وفيها السنه دى kg1 مصاريفها 6000
بس هى فى المندرة فى نفس الشارع اللى فيى الفيوتشر وانا ساكنة فى سموحة المديرة قالتلى هينزل ابنى من 7 ونصف وهيرجع 4 بذمتك مش كتيير على طفل عنده 4 سنين ... قوليلى رأيك
ولو عايزه الى معلومه عن اى مدرسة انا موجوده انا لفيت اسكندرية كلها انا بدور من اول شهر يناير ....... اسألى وانا هساعدك انتى تأمرى

[shaimaa 78]

مدارس سموحة تحسى انها هتتهد على العيال بصراحة معجبتناش
مدارس النصر بتاخد من 4 سنوات بالضبط رحت سألت التقديم فى شهر 5 او 7 مش فاكرة
بس عارفة لو عندك واسطة الواحد يفوت فى الحديد انا واسطتى ربنا
بس للامانه كل الناس مش بتشكر فيها بتقول ان مستواها فى النازل قابلت ام نقلت ابنها من النصر الى محمد كريم عشان فتحوا فيها قسم للغات
رحت محمد كريم بتاخد من 4 برضوا وللامانة مستواها مش كويس بالنسبة لمدارس اللغات التانية
بس الناس تعمل اية مصاريفها حنينه بس انا شلتها من تفكيري

[hanaa2]

معاكى حق انا برضه خفت من طول المسافه بس المدارس اللى قريبه لنا فى سموحه مش كتيير انا سالت فى مدرسه سيدى جابر مصاريفها 3000 بس ياخدوه بيبى كلاس يعنى يدخل كجى عنده خمس سنسنو10 شهور وكمان عايزين 5000 تامين الميزه الوحيده اللى فيها انها قريبه من البيت لكن مستوى التعليم مش قد كده
المدارس الكويسه اما غاليه قوىى او بعيده قوىىى
واللى سعره حنين نص نص فى كل حاجه وهو ده اللى مطير النوم من عينى

[hanaa2]

اقصد حياخدوه 4 سنين و10 شهور فى كجى وان الواحد ابتدى يخرف من كتر التعب

[shaimaa 78]

مدرسة سيدى جابر الدائرى بيشكروا فيها اوى وبرضه فى تاميين 5000 والمصاريف كلها تعمل 4500 او 5000 وهياخدوه بيبى كلاس
فى مدرسه فى الدائرى كمان اسمها فاروس بس هى صغيره ومفيهاش ترفيه المديره قالتلى انا مدرستى مذاكره وبس الفصل فيه 15 ليها تأمين 2000 وباقى المصاريف بكل حاجة 6500 وعملتله مقابله ونجح فيها بس مصممه تاخدوا بيبى كلاس عشان الشهرين يا اما تخليه فى الانتظار وترد علينا شهر 8 لو عدد kg 1 مكملش تاخدوا
يعنى بعد المدارس مايكون التقديم فيها وقف
ولو قلت ايوه تاخد منى 2000 جنية وقتى عشان تخلية بيبى كلاس
المدارس كلها استثماااااااااااااااار
طيب هو انتى معندكيش قرايب يقولولنا المناهج صعبة ولا عادية ولا نخليهم سنة ويكبروا احسن!!!!!!! ولا احنا اللى مكبرين الموضوع!؟؟؟؟؟؟؟؟؟؟
والله يا هناء انا مش بانام وعماله اصلى استخارة ........ ربنا معانا

[hanaa2]

شوفى يا شيماء الدراسه فعلا صعبه لكن كل طفل غير التانى يعنى فيه اولاد بيتعلموا بسرعه وبيقعدوا على المذاكره وفيه اولاد لالا يعنى الموضوع كله استعداد عند الطفل وما لهوش علاقه بالسن
بس فيه حاجه اختى قالت لى عليها قلقتنى بالنسبه لبيبى كلاس ان زميلها فى الشغل دخل ابنه مدرسه اسكندريه للغات بيبى كلاس السنه اللى فاتت ومفروض انه مع بدايه السنه الجديده ياخدوه كجى وان قالو له لا ده لسه سنه مش قانونى حناخده السنه دى برضه بيبى كلاس
حاجه تحير
انا مشكلتى انى عايزه مدرسه فى حدود 4000 مش اكتر وواضح ان ده مش متوفر غير فى المدارس اللى تبع التنسيق او مدرسه سموحه ودى اسوء اختيار
فيه ناس قالو لى انى ادخله اى مدرسه بتاخد سن صغير ولما يوصل للابتدائى انقله لمدرسه تانيه كويسه من اللى بتاخد سن كبيير بس للاسف موضوع التحويل برضه عاوز واسطه وانا ما ليش غير ربنا ليل نهار بادعى له انه يوفقنى للى فيه الخير
وعلى فكره احنا مش مكبرين الموضوع ولا حاجه لان اكبر هم هو التعليم وكل سنه بتعدى افضل لان النظام غير ثابت ودايما التغيير بيكون لللاوحش وربنا يستر

[hanaa2]

على فكره انا لى صديقه بنتها فى سيدى جابر الدائرى حتروح ان شاء الله اولى ابتدائى قالت لى انهم بعتو معاها ورقه بان المصاريف حتزيد من السنه الجايه وكمان قالت لى ان المعامله مع اولياء الامور مش قد كده وبتفكر تنقل بنتها
موضوع زياده المصاريف الكبير شىء مقلق
يعنى الطفل الاول ما فيش مشكله لكن لما يكونو اتنين ولا تلاته الموضوع بيبقى صعب واللا سعار هنا فى مصر ما شاء الله فى ازدياد مستمر الواحد مش عارف يعمل ايه ربنا يفرجها علينا يارب

[shaimaa 78]

هاى هناء ازيك ... يارب تكونى تمام
بصى فعلا فى مدارس ممكن تقعد الطفل سنتين بيبى كلاس مديرة مدرسة فاروس بتعمل كدة بس احنا ولادنا على اسوء الظروف لو دخلوا 2009 بيبى كلاس
هيكونوا السنة اللى بعدها جايبين السن القانونى فى 2010
بس انا بحاول انى مدخلوش بيبى كلاس واذا الدنيا قفلت معايا خالص هسيبوا فى الحضانة بتعتوا اسمها A B C فى سموحة عند التأمين الصحى
دى مصاريفها 400 والباص 100 واحسن من البيبى كلاس فى اى مدرسة
وانا فكرت ادخلوا مدرسة بتاخد من سن تلاتة ونصف بس هتكون غالية ويعد مايعدى اولى ايتدائى احولوا مدرسة تانية سعرها كويس لانى حامل
فهيكون التانى شرف بس لسة والده مش موافق وبحارب معاه
بصى لو عايزه مدرسة عشان يعدى بس اولى ابتدائى فى حدود الاربعة الاف فى مدرسة اسمها برج السلام لغات قبل بوابة الزراعى بس لما دخلناها لقينا ......
بس من غير حساسية الادارة معظمها مسيحى والورق اللى ملزوق على الفصول اغلبة اسماء اطفال مسيحيين
طبعا الدين لله وانا ليه اصدقاء مسيحيين وكلهم كويسين بس باباه قالى مش عايز تكون البيئة اغلبها كدة اصلهم اغلبية
والسكرتيرة مرووشه شويه والمدرسة بصراحة مش قد كدة من حيث الملعب وكدة بس طبعا احلى من سموحه للغات بمراحل
والله لو عليه كنت دخلته بس باباه مش راضى اصلها مرحلة انتقالية مش مستمرة
روحى وشوفى وقوليلى انطباعك
وانا كمان ياهناء معنديش واسطة خاالص خلى وسطتنا ربنا احسن من الكل
ونفضل على اتصال ان شاء الله

[hanaa2]

والله انا محتاره بس مدرسه برج السلام دى ما فيش داعى لها لان الاطفال فى السن الصغير بيتاثرو بسرعه وفتره الكجى مهمه انا بالنسبه لى تبقى سموحه احسن
لكن انا غالبا حاوديه حضانه لغايه السن القانونى واحتمال اوديه حضانه abc برضه لان كتيير شكرو لى فيها بس انا لسه ما روحتش شوفتها ومدام ابنك فيها ياريت تقولى رايك ايه لان انا محتاره بينها وبين حضانه النادى
وبعدين انتى قولتى ان مدرسه محمد كريم ما عجبتكيش ياريت تقولى لى ايه اللى مش عجبك فيها لان كتيير بيشكرو لى فيها وكمان سمعت ان الاقبال فتحت فى الدائرى واتصلت بهم هم برضه تبع التنسيق وباسمع انها كويسه انتى رايك ايه