البمبى بقى لونه موف والأحمر بقى أسود..ألحقونى

[صاحبة البيت]

السلام عليكم جميعا
مشكلتى... من يومين لقيت الشاشة لونها متغير
وأحاول أنى أعدل الألوان من المينيو برضه مفيش فايدة
المهم سألت فقالولى طيب يمكن الكابل متحرك من مكانه
خلعته وركبته تانى لقيت الشاشة موش راضية تفتح
شوية بشوية وبعد محاولات فتحت
ثبت الفيشة الخاصة بالكابل اللى داخل للكيسة
لقيتها فتحت بس برضه الألوان صعبة جدا
وأنا خلاص جالى عمى ألوان بسببها
المهم ..اللى سألتهم قالوللى يمكن دا عيب فى كارت الشاشة
يمكن يكون متحرك شوية
أنا بقى بسأل خبراء منتدى لك
أرجوكم أفتونى فى هذه المشكلة
والأجر والثواب على الله
أشكركم مقدما

[عبير المنصورة]

السلام عليكم صاحبة البيت

أنا لست من الخبراء في الركن لكن لي تجربة مشابهة
من فترة وجدت نفس المشكلة مع شاشتي وهي سامسونج lcd وكانت في الضمان ودخلت علي موقع الشركة علي النت فنصحوني باجراء اختبار معين للشاشة وعملته لكن المشكلة لم تحل وأخيرا ذهبت للشركة واكتشفوا أنه عيب تصنيع ظهر بعد شهور عديدة من الاستعمال وتم تبديلها(بعد دوخة حوالي شهرين)
باتمني أن يكون العيب عندك في كارت الشاشة حتي لا تدوخي مثلي

[الخبراء العرب]

يعطيكي العافية عبير ممكن يكون عيب فيها لكن الاخت لم تذكر انها حاولت فك كرت الشاشة وتركيبة او تنظيفة من الغبار وتركيبة مرة أخرى لذلك امامها تجربة

[صاحبة البيت]

السلام عليكم
الأخت عبير المنصورة
شكرا حبيبتى على ردك
بارك الله لكى
...........
الأخ الفاضل /الخبراء العرب
أشكر لك تعاونك
بالنسبة لى لم أفك كارت الشاشة
فقط كنت اثبت كابل الباور فقط لأن الشاشة انطفأت ايضا علاوة على ان الوانها كما اوردت سلفا متغيرة ولم تفلح محاولة تصحيحها
من المينيو
أرجو من سيادتك تعريفى كيف أصل لأصلاح العيب
وشكرا مقدما

[الخبراء العرب]

طيب حاولي فك كرت الشاشة وتركيبة من جديد وتركيب الاسلاك من جديد او جربي حركيها شوفي هل بيتغير اللون -حتى نتاكد انه العطل من السلك او من غيرة- وردي علينا خبر

[صاحبة البيت]

الأخ الفاضل /الخبراء العرب
هل صحيح أنه يمكن أن لا يكون فى كارت شاشة فى الكمبيوتر
عندما ذكرت المشكلة أمام زوج أختى فقال لى أننا لا يوجد داخل جهازنا كارت شاشة
فماذا أفعل ؟؟
أرجو منك تدلنى عن كيفية التعامل مع هذه المشكلة

[صاحبة البيت]

الأخ الفاضل الخبراء العرب
لقد فتحت الكايسة ونظفت أغلب التراب الموجود
وخلعت كابل المعلومات الواصل للشاشة وركبته مرة أخرى
ومازالت المشكلة قائمة
الحل أيه ؟؟
هل هكذا تكون المشكلة فعلا فى الشاشة نفسها
أرجو من سيادتك إعلامى بمكمن المشكلة

[الخبراء العرب]

الأخ الفاضل /الخبراء العرب
هل صحيح أنه يمكن أن لا يكون فى كارت شاشة فى الكمبيوتر
عندما ذكرت المشكلة أمام زوج أختى فقال لى أننا لا يوجد داخل جهازنا كارت شاشة
فماذا أفعل ؟؟
أرجو منك تدلنى عن كيفية التعامل مع هذه المشكلة

ممكن يكون داخلي وهو كما بالصورة
لاحظي سلك الشاشة مركب بجوار الاسلاك الاخري (المربع الاحمر)
او خارجي وبيكون مركب في الاسفل (المربع الاخضر)



ومن الداخل مركب في هذه القطعة الزرقاء

الأخ الفاضل الخبراء العرب
لقد فتحت الكايسة ونظفت أغلب التراب الموجود
وخلعت كابل المعلومات الواصل للشاشة وركبته مرة أخرى
ومازالت المشكلة قائمة
الحل أيه ؟؟
هل هكذا تكون المشكلة فعلا فى الشاشة نفسها
أرجو من سيادتك إعلامى بمكمن المشكلة

جربي حركي سلك الشاشة يمكن الخلل فية شوفي هل الالوان بتتغير
ان لم تتغير بيكون يمكن منها والافضل خذية لمحل صيانة

[صاحبة البيت]

الأخ الفاضل /الخبراء العرب
زوجى أخد الكايسة وذهب بها للمختص ووجد بأن الكايسة سليمة
وقال له المختص العيب فى الشاشة ودى لازملها قطعة أسمها( زور )
وتمنها خمسين جنيه
موش عارفة هل الكلام اللى بيقوله المختص ده صحيح ؟
أنتظر الرد
وشكرا مقدما

[الخبراء العرب]

صراحة ما عندي خبرة فيهم خاصة القطع الداخلية للشاشات
لكن للتاكد من كلامه خليه يودية لمختص اخر وشوف هل نفس الكلام ونفس المشكلة
لانه مر علي مواقف بتكون المشكلة خفيفة وصاحب المحل بيكبرها شوي حتى يكسب اكثر

[صاحبة البيت]

الأخ الفاضل /الخبراء العرب
أشكر لك ردك على
ولكن هناك مشكلة أخرى ظهرت معى
الماوس فجأة السهم الدال عليه يختفى
ولا نستطيع الخروج من النافذة التى فتحناها
وأوقات لا يتحرك بتاتا
هل كل ذلك متوقف على عطل الشاشة
أم هناك فيروس داخل الجهاز ؟
وشكرا مقدما

[الخبراء العرب]

هاتي تقرير للجهاز

..: قبل كتابة مشكلتكِ... تعلم / ي إصلاحها بنفسك :..

[صاحبة البيت]

الأخ الفاضل الخبراء العرب
أشكر لك تعاونك
جهازى والحمد لله ...حبة فوق وحبة تحت
أحنا أحضرنا شاشة أختى وجربنا عليها لقيناها الوانها تمام التمام
يعنى العيب فى الشاشة عندنا
المهم رضينا بالغلب والحمد لله
أمبارح بنتى الكبيرة كانت قاعدة بتلعب عليه وكانت الوان الشاشة ماشاء الله
تجيب عمى حيثى كلها لونها أزرق
المهم فجأة لقينا ألوان الشاشة أتظبطت
ولما سألنا بنتى قالتلنا دا سر
أنا عارفة أنها فترة وهتتقلب الألوان تانى
المهم الى ان تنقلب الألوان
أشكر لك متابعتك لهذه المشكلة

[الخبراء العرب]

أولاً مبارك عليكم الشاشة وان شاء الله تخدم اكثر من سابقتها

بخصوص الالوان اعتقد انه من الوان الشاشة بيكون فيها ازرار للتحكم في الالوان
لانه الويندوز مافيه شيء بيخلي الالوان مزرقة مثلا إلا من ازرار الشاشة اكيد هي بتتحكم فيها وبترجعها للوضع الطبيعي

[فادي12]

الاخوة الافاضل المشكلة من الشاشة نفسها ..

ويفضل شراء اخرى جديدة لانه حتى لو تم اصلاحها سيعود الخلل بعد فترة