ورشه بونيه بيبي++لعيون سما السويس++

**farawlla07** · 23-03-2009, 05:14 AM

اظاهر اني ادمنت القبعات المره دي بقدملكم ورشه لبونيه بيبي طلبته مني سما السويس وانا كنت عاملاه ومحتفظه بالخطوات
اسمه بونيه فيكتوريا دانتلا هو بسيط خالص وممكن يخلص ف يوم وبيعتمد ف شغله علي فكره التشبيك الوحدات وفي منه موديلات كثيره ان شاء الله احاول اجمعهم بس كلهم فكره واحده
ياتري مين حيشترك معانا ؟؟؟؟
حنحتاج 50 جرام من اي خيط تحبيه يفضل لو خيط رفيع شويه
ودي الوحده الي حنستخدمها فعمل البونيه

وده رابط بيوضح طريقه شرح الورده الي بداخل الوحده
http://mimocrochet.jeeran.com/d.htm

ولا نرجو منكم الا صالح الدعوات

**شط اسكندرية** · 23-03-2009, 05:23 AM

تسلم ايديكى يا قمر شكلها جميل
برغم انى مشغولة فى عمل لانجيرى بس هعملها معاكى يا قمر

بس قوليلى شوية شرح على الماشى علشان انا سريعة

**farawlla07** · 23-03-2009, 05:34 AM

شرح الوحده المستخدمه
اولا:بنعمل دائره مكونه من 6 سلسله تغلق بمنزلقه
ثم بداخل الدائره بنشتغل 16 غرزه حشو (انا معملتش الخطوه دي)
ثانيا :نعمل 3 سلسله بمثابه اول عمود ثم 3 سلسله ثم نترك غرزه حشو ونعمل عمود فوق التاليه ثم 3 سلسله ثم نترك غرزه حشو ثم نشتغل فوق الي تليها عمود وهكذا حتي يتكون عندنا 8 عماويد ب 8 فراغات (الي مش حيعمل السطر الحشو يشتغل ال 8 عماويد داخل الدائره علي طول)
ثالثا داخل كل فراغ بنعمل ورده زي المشروحه ف الرابط اعلاه
انا خيطي رفيع عملت ورده من 3 طبقات

الي مش عارف طريقه الورده ده رابط بيوضحها
http://mimocrochet.jeeran.com/d.htm

**farawlla07** · 23-03-2009, 05:35 AM

كتبت بواسطة شط اسكندرية

تسلم ايديكى يا قمر شكلها جميل
برغم انى مشغولة فى عمل لانجيرى بس هعملها معاكى يا قمر

بس قوليلى شوية شرح على الماشى علشان انا سريعة

سمسمه وحشااااني ازاي حنين عامله ايه
انا يسعدني انك تشاركيني ف الورشه انا حشرح الوحده كلها انهارده بس علشان البنات نايمين

**شط اسكندرية** · 23-03-2009, 05:41 AM

حبيبتى فراولة حنين بتسلم عليكى قوى
بس قوليلى حتتكرر كام مرة الوحدة

**farawlla07** · 23-03-2009, 05:50 AM

البونيه عباره عن مستطيل متكون من الوحده المستخدمه والصور الي ححطها دلوقتي بتشرح ازاي نحدد طول المستطيل الي احنا عاوزينه
وهي غالبا احنا حنحتاج اربع وحدات للمستطيل ووحده للخلف يعني 5 وحدات طبعا اخدنا بالنا من الفتله الصفراء الى كانت على العروسه
الى اخدت بيها المقاس واشتغلت عليها بعد كده
واشتغلت على مقاس الفتله كل الشغل فى الطول والعرض

**farawlla07** · 23-03-2009, 05:52 AM

كتبت بواسطة شط اسكندرية

حبيبتى فراولة حنين بتسلم عليكى قوى
بس قوليلى حتتكرر كام مرة الوحدة

الله يسلمها
انا كررتها اربع مرات لبيبي حديث الولاده

**rose d'or** · 23-03-2009, 06:31 AM

البونيه حلو يا عسل

**farawlla07** · 23-03-2009, 06:39 AM

بعد ما ننتهي من الورده حنمشي بغرزه المنزلقه لحد ما نوصل لثالث غرزه من البتله ف الورقه الي واقفين عندها(وهي بتكون اول عمود ف البتله )زي ما انا موضحه كده ف الباترون المرسوم

ثم بنعمل 5 سلسله(ممكن تخليهم 7 لو حست انها ضيقه) وننيمها بغرزه حشو ف العمود الاخير من البتله ثم 5 سلسله ثم ننيمها ف العمود الاول اي ثالث غرزه من البتله من بدايه البتله التانيه و5 سلسله وهكذا كما في الباترون

السطر الاخير
بنشتغل داخل اول فراغ اربعه عماويد ثم 5 سلسله ثم اربعه عماويد لو حسيتي ان عمودك قصير اعمليها عامود بلفتين
ثم 5 سلسله ننيمها بغرزه حشو ف الفراغ التالي ثم 5 سالسله مره اخري ننيمها ف الفارغ التالي ثم 5سلسله ثم اربعه عامود بلفه ف الفراغ التالي ثم 5 سلسله واربعه عامود اخري في نفس الفراغ ويكرر ونقطع الخيط ونبدأ ف وحده اخري و انتظرو طريقه التشبيك

**farawlla07** · 23-03-2009, 06:40 AM

كتبت بواسطة rosse

البونيه حلو يا عسل

انتي الي عسل يا روز اتوحشتك بزاااااااف

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ورشه بونيه بيبي++لعيون سما السويس++

أدوات الموضوع

العرض