موضوع متميزمـــــلـــــفى ♥●♥● وممـــا يشتهون ♥●♥● متجدد مع برنسس لك

**noorelhoda** · 18-03-2009, 11:23 PM

اهلا برنسييس واخيرا ظهر الملف للنور
ربنا يوفقك
واول منيو راااااااااااااااااائع
تسلمى والف هنا وشفا

**عيون ريم** · 18-03-2009, 11:29 PM

تسلم الاياد عوافي عليكم

**برنسس لك1** · 18-03-2009, 11:37 PM

المنيو الثالث

الطبق الثالث

وهو مكرونه اسبكتى وعرق رستو بالخضار وشوربة بسله

اولا المكرونه الاسبجتى

1 باكت مكرونه اسبجتى
ماء للسلق
الصلصه عباره عن
1/2 راس توم مفروم
3 م ك زبده
1/4ك لحمه مفرومه
2 م ك صلصه
1 ك طماطم معصوره
ملح وفلفلوكمون

لتحضير الصلصه
اضع الزبده فى الطاسه وعليها التوم الى ان يصفر لونه اضع اللحمه وبعد ان تتشرب مائها اضف الصلصه واتركها تغلى 5 د وبعد ذلك اضع الطماطم المعصوره وعليها ملح وفلفل وكمون الى ان تتسبك

وتسلق المكرونه 7 د فى ماء مغلى وفيه ملح وزيت
وبعد ان تستوى اصفيها واشطفها فى ماء بارد واعيدها للحله وتكون بها 4 م ك زبده على النار واقوم بتقليب المكرونه سريعا

ثانيا اللحمه

المكونات

عرق روستو او عمود لحمه بارده
2 م ك خل
3 بصل شرائح
2 جزر شرائح
3 فصوص توم مدقوق
2 م ك صويا صوص
2 م ك زبده
1 م ك بهارات
روزمارى

نقوم بوضع اللحمه الملفوفه بالخيط فى الزبده وبعد تشويحها على جميع الجهات اضع من جانبيها البصل والجزر والتوم على نار هادئه والبهارات مع التقليب الخفيف واضيف 1 كوب ماء واغطى الحله وتترك على النار الى ان اضع السكينه باللحمه لا تطلع ماء منها
وارش اللحمه ملح وفلفل من جميع الجهات وارفعها من الحله واتركها تبرد واقوم بوضع الخل و الصويا والروزمارى على الخضراوات الموجوده مسبقا بالحله و تترك الى ان يجف ما بها من سائل خفيف واضيف الملح
وبعد تقطيع اللحمه يوضع فوقها هذا الصوص

ولمعرفة الشوربه هذا الرابط

http://www.lakii.com/vb/showthread.p...84#post7762684

المنيو الرابع

واليكم الطبق الرابع

وهو لفائف اللحم البتلو بالريحان وبطاطس محمره وبعض السلطات

المكونات

1 كيلو شرائح لحم بتلو
1/2 كيلو لحم مدخن
1/2 حزمة ريحان
1 بصله
1 كوب كريمه

الطريقه
تفرد شرائح اللحم وتدق الى ان تصبح رفيعه وارشها ملح وفلفل
وافرد اللحمه البتلو وعليها اللحم المدخن وعليها الريحان

وتلف شرائح اللحم وتغلق بخلة الاسنان

اضيف البصل بعد تقطيعها شرائط الى الزبده الى ان يصفر لونهاواضيف اللحم الملفوف حتى يتحول لون اللحمه الى اللون البنى وازيل خلة الاسنان واضيف الكريمه والملح والفلفل ويمكن اضافة قليل من الماء حتى ينضج اللحم
ويتم تقديم اللحمه مع رشة جبنه اى نوع مع رشة ريحان مفروم

وتم تقديم هذا الطبق مع سلاطات وبطاطس محمره

**solafjo** · 18-03-2009, 11:37 PM

تسلم ايديكي عزيزتي منيو بيشهي

**برنسس لك1** · 18-03-2009, 11:48 PM

المنيو الخامس

الطبق الخامس

فيليه بصوص المشروم وقرنبيط بانيه وفلفل مقلى بالتوم والخل

اولا فيليه بصوص المشروم

المكونات

1 كيلو شرائح فيليه
زبده
كريمه لبانى
مشروم
ملح وفلفل

الطريقه

نقوم بقلى اللحمه فى مقلايه بقطعة زبده ونقوم بأخذها من المقلايه بعد تسويتها
ونرجع لنفس الزبده التى تم عمل اللحمه بها واسوى المشروم وبعد ذلك اضيف اليه اللحمه والكريمه واظبط الملح والفلفل

ثانيا القرنبيط البانيه

المكونات

قرنبيطه مأخوذ منها الشجيرات الصغيره
ملح وكمون

بيض وعليها قليل من اللبن وملح وفلفل ويخفق مع بعض
بقسماط

الطريقه

يتم سلق القرنبيط فى ماء مغلى بالملك والكمون لمدة 15 د واصفى القرنبيط واضعه فى خليط البيض ثم البقسماط ويقلى

ثالثا الفلفل المقلى

المكونات
1/4 كيلو فلفل اخضر
زيت للقلى
2 فص توم مدقوق
1/4 كوب خل
ملح وفلفل

الطريقه
يتم قلى الفلفل
واضع فى مقلايه 2م ك زيت واضع التوم الى ان يصفر وانزل علهم بالخل والملح والفلفل ويترك يغلى 5 د
وفى الاخر اضع الصوص على الفلفل ويقدم

المنيو السادس

الطبق السادس

بولبيف بالخضار والبيض
المكونات

علبة بولبيف
بصله شرائح
3 فلفل اخضر شرائح
4 طماطم مقطعه صغير
5 بيضه مضروبه جيدا بملح وفلفل

الطريقه

قمت بوضع البولبيف فى مقلايه بعد تشويح البصل ب 3 م ك زبده
وقمت بتقليبهم عدة دقائق ووضعت الفلفل الاخضر والطماطم مع التقليب الجيد وفى الاخر البيض واليقليب الى ان يستوى البيض وظبط الملح والفلفل
ومحدش يمد ايده على طبق اللفت

المنيو السابع

الطبق السابع
مكرونه قوقعه ب8 انواع خضار ولحمه محمره

اولا المكرونه

المكونات

1 باكت مكرونه قوقعه
1 حبه بازنجان مقطع شرائح مقلى
2 طماطم قطع صغيره
2 فلفل اخضر قطع صغيره
بصله شرائح
2 توم مدقوق
شجيرات صغيره قرنبيط
شجيرات صغيره بروكلى
6 وحدات ذره صغيره بيبى كورن
2 م ك صلصة طماطم\
ملح وفلفل

الطريقه

يتم سلق القرنبيط الابيض والاخضر 5 د ويوضع عليهم الذره 1 د وعليهم
وهذا هو المزيج الاول
يتم قلى البازنجان على حده
اضع البصله فى الزبده ويخدع واضع فوقه التوم ويقلب فوقه الطماطم والفلفل والصلصه لمدة 5 دوبعد ذلك اضع المزيج الاول واظبط الملح والفلفل واخيرا البازنجان والتقليب بخفه وهنا قد انتهينا من الصلصه
ملحوظه لو ناويه تكنسلى اى نوع من انواع الخضار كنسليه ماعدا
الباااااااااااااازنجاااااااااااااااااان طعمه يجنن مع المكرونه
ويتم خلط الصلصه مع المكرونه بعد سلقها
وتقدم مع رشة جبنه

ثانيا اللحمه المحمره

المكونات
1 كيلو لحمه للتحمير
ماء بصل
ملح وفلفل
عصير ليمونه
بهارات لحمه

الطريقه

يتم تتبيل اللحمه بباقى المكونات
لساعه وبعد ذلك يتم تحميرها فى زيت او زبده

**برنسس لك1** · 19-03-2009, 12:17 AM

المنيو الثامن

الطبق الثامن

فراخ كنتاكى وسلطة كول سلو ومكرونه اسبجتى

اولا الفراخ البانيه
المكونات

دجاجه مقطعه ومسلوقه 1/2 ساعه
11/2 كوب دقيق
بهارات ايطاليه
كيس شوربه طماطم بودره
2 بيض مخفوق
2/3 كوب لبن
زيت للقلى
كورن فليكس مطحون

الطريقه

يخلط اللبن بالبيض بملح وفلفل ويوضع جانبا
يخلط الدقيق مع البهارات و الشوربه البودره
يغمس الفراخ فى البيض وبعد ذلك فى خليط الدقيق ثم يعاد الى البيض ثم الكورن فليكس ويترك فى الثلاجه 1/2 ساعه ثم يقلى

سلطة الكول سلو

1/2 كرنبه بيضه
1/2 كرنبه حمراء
2 حبة جزر مبشور
4 م ك مايونيز
1 م ك سكر
2 م ك خل تفاح
ملح وفلفل

الطريقه

تقطع جميع الوريقات الى شرائط رفيعه
ويتم مزج المايونيزمع الخل والسكرو والملح والفلفل فى وعاء
يخلط الاوراق المقطعه مع الدريسنج وتغطى بغطاء محكم وتوضع فى الثلاجه مقلوبه

المنيو التاسع

الطبق التاسع

صينية بطاطس محشيه جراتان وتيبون استيك مشوى
وشوربة بصل

اولا صينيه البطاطس المحشيه جراتان

المكونات
5 حبات بطاطس مقطعه شرائح ومسلوقه 1/2 سلقه
1 م ك زيت
2 م ص توم بودره
1 كوب لبن
1/4 كوب كريمه
4 م ك جبنه رومى
جبنه شيدر بالكمون شرائح
بصله شرائح
مشروم شرائح
فلفل الوان شرائح
زيتون اسود شرائح

الطريقه

اقوم بوضع البصل فى قطعه زبده صغيره على النار مع التقليب لعدة د وبعد ذلك اضيف المشروم والفلفل وملح وتوم بودره مع التقليب لعده د اخرى
ولتحضير الصينيه ادهن الصي بالزيت وارص طبقه بطاطس واضع فوقها الخلطه وعليهم الزيتون وشرائح الجبنه
واضع الطبقه الاخرى من البطاطس واضع عليهم ملح قليل وتوم بودرهواللبن والكريمه وادخلها الفرن الى ان تستوى البطاطس ويقل الصوص تماما انثر عليها الجبنه الرومى وادخلها الفرن تاخذ وش جراتان

ثانيا التيبون استيك مشوى

المكونات

شرائح تيبون استيك وهى عباره عن قطعه عظم على شكل حرف T ويكون من ناحيه لحم فلتو والناحيه الاخرى روزبيف ولكن المره ده هى جاتلى بالروزبيف فقط

وماء بصل
صويا صوص
ملح وفلفل
باربيكيو صوص

الطريقه
اتبل اللحمه فى التتبيله لساعه وبعد ذلك اقوم بشويها وكل مره اقلب فيها الشريحه ادهنها من نفس تتبيلتها مره اخرى

ولمعرفه الشوربه

http://www.lakii.com/vb/showthread.p...84#post7762684
المنيو العاشر

الطبق العاشر

صدور الفراخ المحشيه وطماطم بصلصة البستو محشيه وتوست محشى

هى الاكله كلها محشيه بس قنبله

اولا صدور الفراخ المحشيه

المكونات
صدور فراخ مخليه
جبنه شيدر
لحمه مدخنه او بسطرمه
مسطرده
دبس الرمان
صويا صوص
مكعب مرقه
باربيكيو صوص
كاتشب او شطه

الطريقه

بعد تنظيف صدور الفراخ اشقها من النصف زى الجيب وارش رشه قليله ملح وفلفل واضع الجبنه والبسطرمه
واقفلها بالمسواك واضعها فى باقى التتبيله لمدة 1 ساعه
واخذها من تتبيلتها واديها وش تحمير فى صينيه بها قليل من الزيت واضف عليها تتبيلتها مره اخرى مع كوب ماء وتترك الى ان تستوى

ثانيا الطماطم بصوص البستو المحشيه

المكونات

عدد افراد الاسره حبات طماطم
وبيض نفس العدد
مقدار من البستو لكل 3 طماطم
عباره عن
1 كوب ريحان فريش
2 فص توم
1/2 كوب صنيبر محمص
1/4 كوب زيت زيتون
جبنه باراميزان او رومى
ويتم خلطهم فى الخلاط

الطريقه

بفضى الطماطم من لبها او ما بداخلهاوترش برشه ملح وتقلب على ما بها من فتحه اطرد باقى ما بها من ماء وبعد ذلك
واكسر البيضه بها وعليهم رشه ملح وفلفل وعليهم م ك صوص البستو ورشه جبنه من فوق
وادخلها الفرن فى قوالب الكيك

ولمعرفة هذا الخبز هذا الرابط

http://www.lakii.com/vb/showthread.p...43#post7763743

انا فرشت خس مقطع ونثرت من صلصة البستو عليه ووضعت الفراخ مقطعه والطماطم والخبز وضعت عليه من البستو
حقيقى انا متيمه بهذه الصلصه

**برنسس لك1** · 19-03-2009, 12:21 AM

المنيو الحادى عشر

الكفته بالطحينه والمشروم والصلصه الحاره
والكسكسى بالكارى
وسلطة البنجر

اولا الكسكسى بالكارى

المكونات
2 كوب كسكسى
1 1/2 كوب ماء دافىء
2 م ك زبده
1 م ص كركم
1 م ك كارى

الطريقه
يوضع الماء على الكسكسى ويغطى ويترك لمده 10 د
وبعد ذلك يوضع الكسكسى فى حله غير لاصقه ويوضع عليها السمنه والكركم والكارى ورشة ملح ويقلب بأستمرار لمدة7د للتأكد من عدم وجود كتل
والان اصبح جاهز

ثانيا الكفته بالطحينه والمشروم و الصلصه الحاره

المكونات

1/2 كيلو لحمه مفرومه
2 م ك بقسماط
1 م ك زعتر اخضر مفروم ان وجد
2 توم مدقوق
1 بصله شرائح
2 فلفل اخضر شرائح
2 م ك صلصة طماطم
2 م ك زيت
1 م ك زبد
1/2 كوب مشروم
3 طماطم
صوص حار
ملح وفلفل

الطريقه

يخلط الللحمه المفرومه مع البقسماط ونصف كمية الزعتر ونصف كمية التوم
ونضع المشروم فى الزبد ويشوح الى ان يستوى ويترك جانبا
ويكور اللحم كرات صغيره وتوضع فى مقلاه وبها الزيت وتقلب بأستمرار واضيف البصل والفلفل الاخضر الى ان تستوى وتترك جانبا

ومن بواقى الزيت والزبد يوضع الثوم ويقلب وعليه الطماطم مقطعه صغير والصلصه والحاره وباقى الزعتر والملح والفلفل
مع قليل من الماء وتترك الى ان تتكثف الصلصه
واقوم بأضافة الكفته وتترك لتغلى على النار قليلا ويمكن اضافه قليل من الماء مره اخرى
لو كانت الصلصه سميكه واضيف المشروم
واخيرا نضع عليها الطحينه

ولعمل صوص الطحينه
طحينه وماء وملح وخل ونكون الطحينه جاهزه ويتم اضافتها الى الكفته مع التقلب لمده 2 د واصبح الطبق الان جاهز

ثالثا البنجر

يتم سلق البنجر المقشر والمقطع صوابع عريضه
فى ماء لمده 40 د ويتم تظبيط الملح
واضع فى الاخر 1/2 م ص سكر 2 م ك خل

المنيو الثانى عشر

نودلز بالفيليه السلايسس

المكونات
1/2 كيلو لحم فيليه سلايسس

1/4 ك مشروم
2 بصله شرائح
2 فلفل مكلون شرائح
2 م جنزبيل طازه مقطعه شرائح رفيعه
2م ك ورق بصل
2 توم مدقوق
2 م ك خل 2 م ك صويا صوص
2 بصله مفرومه
ملح وفلفل
باكت مكرونه نودلز 1/2 كيلو
1/4 كوب ماء مذاب فيه م ص نشا

الطريقه
تقطع اللحمه شرائط وتشوح فى حله فى4 م ك زيت
وفى حله اخرى اشوح البصل وعليه الفلفل الملون و عليه المشروم والجنزبيل نصف المقدار وورق بصل
ومع التقليب لعدة د اضع اللحمه

لعمل الصوص
2 م ك زيتوعليها البصل المفروم وعليهم باقى الجنزبيل والتوم والصويا والخل والملح والفلفلوبعد الغليان انزل عليهم 1/4 كوب الماء المذاب فيه النشا
ويوضع الصوص على اللحمه ونقلب وهكذا اصبحت جاهزه وتوضع على المكرونه بعد سلقها

وقدمتها لسيد الرجال مع طبق سلطه

المنيو الثالث عشر

مكرونه بالجنزبيل ودبابيس الفراخ

اولا المكرونه بالجنزبيل والخضار

المكونات

باكت مكرونه مسلوقه
2 م ك جنزبيل فريش
1 راس فجل احمر كبير
1/2 كوب مشروم
1 م ك صلصة طماطم
1/2 كيلو طماطم مقطعه صغير
بصله ص حلقات
فلفل حلقات

الطريقه

تشويح البصل اولا ونضع بعد ذلك المشروم وياليه الفجل الاحمر او اللفت والجنزبيل
وبعد التقليب لدقائق اضع الفلفل والصلصه والطماطم وازبطها ملح وفلفل واتركها الى ان تسبك
وتخلط بالمكرونه وتقدم بعد رشة جبنه

ثانيا الفراخ

المكونات
دبابيس الفراخ
مايونيز
دبس رمان
صويا صوص
مكعب مرقه

الطريقه
اضع الدبابيس فى كيس واضع عليها باقى الخلطه وادعكها وهى فى الكيس واتركها داخل التلاجه لمدة ساعه
وبعد ذلك احضر صينيه وبها 3 م ك زيت واخذ الفراخ من تتبيلتها واشوحها فى الزيت لاعطيها لون
وبعد ذلك اضيف التتبيله اللى كانت فى الكيس على الفراخ وعليها 1 كوب ماء واتركها الى ان تستوى وادخلها بعد ذلك الفرن تاخذ وش

وبألف هنا وعافيه

وهو مكرنه اسبجتى مع
عمود فلتو متبل
وشوربة المشروم اللذيذه

اولا والاسبجتى قدمتها قبل ذلك فى الرد رقم 7 مع المنيو رقم 3
ثانيا عمود الفلتو المتبل على هذا الرابط
عمود فلتو متبل حتكلوا صوابعكم وراة بالصور

ثالثا شوربة المشروم
http://www.lakii.com/vb/showthread.p...84#post7762684

المنيو الخامس عشر

وهو صينية الفراخ بالخضار
وهو كان تطبيق للاخت لا تحزنين
*تطبيق متميز*دجاج بالخضار لمنال العالم:::من مطبخي؛؛؛؛؛لذييييذة....

وشوربة كوسه بالبطاطس

بالنسبه للخضار انا اضفت كمان ذره بيبى
وبروكلى وكوسه و2 م ص صلصه طماطم مع الماء

وبالنسبه للشوربه
على هذا الرابط
*موضوع متميز*ملفى المتجدد لشورباتى من مطبخ برنسس لك

**برنسس لك1** · 19-03-2009, 12:24 AM

المنيو السادس عشر

مكرونه خفيفه و فراخ مشويه بطرقتى

اولا المكرونه

باكت مكرونه اى شكل
بصله
4 فلفل
4 طماطم
رشة جبنه رومى
ملح وفلفل

الطريقه

بعد تقطيع الخضار حلقات رفيعه
يتم وضع البصل فى 3 م زيت والتقليب 3 د وبعد ذلك يوضع الفلفل والطماطم والملح والفلفل
واتركه يسبك
ويتم سلق المكرونه وخلطهم بعد ذلك مع بعض ويقدم مع رشة جبنه رومى

ثالنيا الفراخ المشويه بطريقتى

فرخه
(التتبيله)
ماء بصل
بهارات لحمه
ملح وفلفل
عصير ليمون كتير
كارى
كاتشب
الطريقه

يتم وضع الفراخ فى التتبيله ما عدا الكاتشب يوم
احضر اى زجاجة بيبسى فارغه واملأ نصفها بالماء
وادهن الراخ بالكاتشب من الخارج واضع الزجاجه بداخلها
واضع الفرخه وبداخلها الزجاجه واقفه فى صينيه بها قليل من الماء فى الفرن لمدة 11/2 الى2 ساعه

والف الف هنا وعافيه

المنيو السابع عشر

مكرونه بالسيبيا والاعشاب العطريه
وسمك فيليه بالخلطه البقدونيسيه
وشوربه سمك بالجنزبيل

اولا المكرونه بالسيبيا والاعشاب العطريه

المكونات

باكت مكرونه مسلوقه

بصله ك مبشوره
2 فص ثوم مدقوق
1 ك طماطم معصوره
1/2 ك سيبيا شرائح
ملح وفلفل
2 م ك مرمريه
2 م ك ريحان
2 م ك زعتر

الطريقه

يتم وضع البصله فى الزيت مع التشويح واضع فوقها التوم ويقلبوا حتى الاصفرار
واضع السيبيا والطماطم و1 كوب ماء حتى تستوى السيبيا
ولو حبيت ازود ماء ازود
وبعد ذلك اضع التوابل العطريه والملح والفلفل
واظبط سماكة الصلصه
وتخلط مع المكرونه المسلوقه وتقدم مع رشة بقدونس

ثانيا السمك الفيليه بالخلطه البقدونيسيه

1 ك سمك فيليه
(التتبيله)
2 حزمة بقدوس
1 حزمة شبت
4 فص توم
1 فلفل احمر
ملح
فلفل
شطه
كمون
خلللللللللللللللللللللللل
تضرب التتبيله كلها فى الخلاط ولو واقفه ازود الخل

2 بيضه
1/2 كوب لبن
واخفقهم مع بعض
1/2 كوب دقيق لوحده فى طبق

احضر السمك واضعه فى دقيق وبعد ذلك فى البيض المخفوق
وبعد ذلك فى التتبيله واتركه امدة 1/4 ساعه فى الثلاجه ويقلى

وهذا هو رابط الشوربة

http://www.lakii.com/vb/showthread.php?t=539412

**noran_87** · 19-03-2009, 01:02 AM

مااااااااااااااااااشااااااااااااء الله رااااااااائع تسلم الايااااااااادي ياقمر

**loverose233** · 19-03-2009, 01:41 AM

يسلمواااااااااااا ايديك ملف رائع

**zahrat almadain** · 19-03-2009, 02:54 AM

ما شاء الله ملف روعه ومتعوب عليه
الله يعطيكي الف عافيه اختي ويسلم هالايدين يا رب

**برنسس لك1** · 19-03-2009, 10:33 AM

المشاركة الأصلية بواسطة noorelhoda

اهلا برنسييس واخيرا ظهر الملف للنور
ربنا يوفقك
واول منيو راااااااااااااااااائع
تسلمى والف هنا وشفا

ميرسى يا ام نور
والملف ظهر بعد ما انا اختفيت

**برنسس لك1** · 19-03-2009, 10:34 AM

المشاركة الأصلية بواسطة عيون ريم

تسلم الاياد عوافي عليكم

تسلميللا عيون ريم

**برنسس لك1** · 19-03-2009, 10:35 AM

المشاركة الأصلية بواسطة solafjo

تسلم ايديكي عزيزتي منيو بيشهي

تسلميلى ست الكل والف شكر ليكى

موضوع متميزمـــــلـــــفى ♥●♥● وممـــا يشتهون ♥●♥● متجدد مع برنسس لك