هدية البيبي عشان خاطر & ميمو توتا & يالا ادخلوا يابنات$$$

[Crazy Rozy]

ماشاء الله ورشة جميلة تسلم ايدك ياروز
والتطبيقات رووووعة
حلو شغلك يا ميمو توتا ماشاء الله
ان شاء الله ملبوس الهنا للبيبي
وتسلم ايدك

تسلمي لامار على مرورك الحلوو

[Crazy Rozy]

شوفوا طبعا شرح الحذاء منقوووول من شرح الاخت مرمر

يعني انا اصلا سويته من الشرح دا

دي صورة الحذاء

ودا الباترون

دا باترون القاعدة

1- تبدأي بعمل 12 سلاسل كبدايه لقاعدة الحذاء

2- السطر الاول عبارة عن عمود في كل سلسلة وفي السلسة ال12 تعملي 5 اعمدة وتلفي وتعملي 12 عمود وفي الغرزة ال12 تشتغلي 5 غرز وتقفلي بحشو

3- السطر الثاني تشتغلي 12 عمود وفي الغرزة 13 تشتغلي عمودين وال14 عمودين وال 15 تعملي 3 اعمدة و ال16 عمودين و 17 عمودين وتكملي ال12 عمود عادي وفي ال5 غرز الثانين تعمليهم زي الاولين يعني في الغرزة 30 عمودين و 31 عمودين و 32 تعملي 3 اعمدة و 33 عمودين و 34 عمودين وتقفلي بمنزلقة

4- السطر الثالث تطلعي ال12 عمود وفي ال13 عمودين و14 عمود 15- عمودين 16 عمود 17 عمودين 18 تعملي 3 اعمدة و 19 عمودين 20 عمود 21 عمودين 22 عمود 23 عمودين
وكملي 12 غرزة وبالجهة المقابلة زي الاول تمام

وكدة خلصت القاعدة

نبدأ في عمل الإرتفاع ...

أعملي عمود في كل عمود

وبعدها اعملي متل البترون

في اول عمود اعملي عمود و س وعمود واتركي عمودين وفي ثالت عمود اعملي عمود وس وعمود
وهكذا لآخر الدور

في هذا الدور حنبدأ التنقيص
اولا حددي منتصف الحذاء الأمامي وهو المؤشر علية بالمربع في الصورة

اعملي نفس العدد من الأعمدة متل الدور السابق كما البترون
ولما توصلي قبل المنتصف في المربع الأحمر من الصورة

اعملي التنقيص ...
حتعملي س وعمودين كما في الصورة
و س وعمودين كما الصورة
و س وعمودين كما الصورة
و س
وكملي الدور عادي متل الدور السابق

وكدا بدأت اول دور من التنقيص

والدور الي بعدة
اعملي نفس الطريقة ولما توصلي للتنقيص
اعملي كما في الصورة

عمود في اول س
و3 اعمدة كما في الصورة كغرزة تنقيص
وعمود في اخر س
وكملي الدور بنفس الطريقة العادية
ولما تخلصي الدور اقطعي الخيط عشان نكمل من منتصف الحذاء

الدور الي بعدة
اشبكي الخيط في العمود المؤشر علية بالأحمر كما الصورة

واعملي نفس الأعمدة كما الأدوار السابقة

ولما توصلي للعمود الأخير حنلف الشغل ونعمل اخر دور
غرزة حشو في اول س
س وعمود ويكرر 4 مرات وس واقفلي بحشو في تالت س متل الصورة

بعد كذا ممكن تزينها بشرايط ساتان أو وردة مثل ما انا عاملة مع الشريط مشان يمسك الحذاء كويس وكل وذوقه

ودا الي انا عملته

[koke.looka]

تسلمى ياروزى مجموعة رائعة وان شاء الله اشتغلهم لبنت ابنى المولودة لسة عندها شهر والشرح وافى وجميل

[جدة مازن]

بصى حبيبتى انا فكيت وعملته من تانى والخطوات كلها تمام بس انا عملت الصدفة 3اعمده سلسله 3اعمده ماشى وخلصت اول رجل للسطر اللى هو الحشو اعمل غرزة الحشو على ايه على الصدفات كلها ام اللى فى النص انا اشتغلت عليها كلها فى الاول لقيت الرجل كبيرة فكيت وعملت الصدفة اللى فى النص بس برده مش عارفه حاسه فيه حاجة غلط شوفى كده

[جدة مازن]

[ميموتوتا]

شكرا للشرح وبالنسبة للطاقية ياريت زي اللي انتي عاملاها اما اللكلوك انا هاحاول اعمله ولما اعرف اوصل لحاجة هاصورها واوريهالك

[Om 7abeba]

جزاكي الله خيرا

[Crazy Rozy]

تسلمى ياروزى مجموعة رائعة وان شاء الله اشتغلهم لبنت ابنى المولودة لسة عندها شهر والشرح وافى وجميل

تسلميلي حبيبتي ويالا شدي حيلك واشتغلي الطقم معانا
وشكرا على مرورك الحلووووووووووو

[Crazy Rozy]

بصى حبيبتى انا فكيت وعملته من تانى والخطوات كلها تمام بس انا عملت الصدفة 3اعمده سلسله 3اعمده ماشى وخلصت اول رجل للسطر اللى هو الحشو اعمل غرزة الحشو على ايه على الصدفات كلها ام اللى فى النص انا اشتغلت عليها كلها فى الاول لقيت الرجل كبيرة فكيت وعملت الصدفة اللى فى النص بس برده مش عارفه حاسه فيه حاجة غلط شوفى كده

حبيبتي انتي كدة شغلك تمام ماشاء الله عليكي
وبالنسبة لغرزة الحشو في اخر الرجل تشتغلي بين كل غرزتين غرزة حشو يعني تسيبي عمودين وتشتغلي في العمود الثالث غرزة حشو فهمتي عليا هاتلاقيها ضاقت معاكي بس شدي ايدك وانتي بتشتغلي
وممكن تعمليها كالتالي:

تعملي حشو في اول عمود في الصدفة وحشو في نصف الصدفة وحشو اخر الصدفة وهكذا بردو هاتلاقيها كلها شدت على بعض

وموفقة انشاء الله واي سؤال انا حاضرة

[Crazy Rozy]

شكرا للشرح وبالنسبة للطاقية ياريت زي اللي انتي عاملاها اما اللكلوك انا هاحاول اعمله ولما اعرف اوصل لحاجة هاصورها واوريهالك

خلاص هاشرح القبعة بالغرزة اللي عملاها
بس حاسة في كلامك ان اللكلوك صعب ولا ايه؟؟؟ شوفي ايه الي واقف ادامك وقوليلي

صحيح معلش الف الف الف مبروك على البيبي الجديد سميتوه ايه؟؟؟؟؟؟؟؟؟؟