*وصفه متميزه*عجة بس صحية بدون قلي وزيت (حملة فلسطين نبض قلوبنا)

**SMILE4LIFE** · 02-02-2009, 02:23 PM

مرحبا صبايا

طبعا العجة الكل يعرف أنها من الأكلات التراثية والكل يعملها وسهلة كثير..
الإضافة اللي حأضيفها هون وهي طريقة الوالدة الله يرحمها أنه ما نقلي العجة وإنما نعملها بالفرن زي قالب الكيك..

المقادير
5 بيضات
بصلة متوسطة مفرومة ناعم
ضمة بقدونس مفروم ناعم
3 فصوص ثوم مفرومين ناعم
ملعقتين كبار طحين
كمون - فلفل أسود- ملح

تضاف كل المقادير سوا وتخلط جيدا. نذوب الطحين في ربع كوب ماء كويس ويضاف للخليط ويخفق الخليط كويس
أحيانا إذا تواجد عندنا زهر(كرنب) كانت تقطعها زهرات صغيرة ورفيعة وتسلقها سلقة خفيفة وتصفى وتضاف للخليط

نجيب طبق بايركس..ندهن أسفله بالزيت أو الزبدة ونصب الخليط جواه ونحطه في الفرن في الرف الوسط على نار متوسطة..
شوية تلاقوه بدأ يجمد وينضج ويحمر من الأعلى ويقطع ويقدم وصحة والف هنا على قلوبكم..
طبعا للي يحب القلي ببساطة يحمي الزيت كويس وياخد مقدار مقدار من العجة ويحطه في الزيت ويقلبه ولما ستوي ينقله على ورق نشاف وصحة وعافية برضه

**تغريد2007** · 02-02-2009, 02:38 PM

اول شي الله يرحمها الوالده حبيبتي وامواتنا جميعا
يسلمو دياتك على العجه كتير شهيه مبينه واخف من القلي

**wbaby** · 02-02-2009, 02:46 PM

ممممممممممممم
بتشهي
بتعرفي انا الوالده الله يخليها
بتمسح التيفال بزيت بالفرشاه وبتحط العجه
بتطلع هيك ماشاء الله عليك
يسلموااااا ياغاليه
الله يوفقك ويحميك