ورشه البطانيه الارنوب..........

[رومة]

بسم الله هنبدأ شرح البطانيه بالتفصيل

دى البطانيه الاساسيه والباترون

وده شغلى

كميه الخيط

اللون السماوى .....تقريبا 9شلات 100جرام
اللون الرمادى ......تقريبا شله ونصف100جرام
اللون الروز........تقريبا 2شله 100جرام

هنحتاج عيون (انا اشتريت100ب10جنيه طبعا هما اكتر من المطلوب بس عملت حساب اللى ممكن يقع او يخرب ) وشريط ستان اللون السماوى

جسم الارنب بيتكون من دائرتين

الدائره الاولى

8سلاسل وتقفل بمنزلقه

هنشتغل داخل الدائره 16 عامود ونقفل بمنزلقه

الدور التانى فكل عامود هنشتغل عامودين يعنى العدد هيبقى 32
هنقطع الخيط وكده الراس خلصت

الدائره التانيه (الجسم)

8سلاسل وتقفل بمنزلقه

هنشتغل داخل الدائره 18 عامود ونقفل بمنزلقه
الدور التانى فكل عامود هنشتغل عامودين يعنى العدد هيبقى 36

الدور التالت حشو فكل عامود حتى نصل الى اخر ثلاث عواميد
ونشبك الدايرتين ببعض بثلاث غرز حشو او منزلقه

الاذن
باللون الروز

6سلاسل

هنشتغل خمس غرز حشو وفى اخر سلسله 4 غرز حشو ونكمل ياقى السطر غرز حشو .

الدور التانى هنبدأ ب3 غرز منزلقه ثم 3 غرز حشو ثم 2حشو فنفس المكان ثم حشو ثم 2حشو فى نفس المكان
ثم 3حشو ثم 3 منزلقه ونقفل ونقطع الخيط

كده الشكل النهائى للجسم والودان

يتبع

[رومة]

هنقسم دائره الرأس نصفين ونضع علامه بدبوس عشان المسافه بين الودان تكون 3عواميد



هنشبك الخيط الرمادى باول غرزه فى الاذن




وهنشتغل السطر كله حشو اللى ان نصل اللى نهايه السطر




هنشبك الاذن فى فى الراس ب3غرزه (حشو او منزلقه )ونقطع الخيط





نعمل الاذن التانيه بنفس الطريقه
والمسافه بين الاذنين 3عواميد




وده الشكل النهائى

[رومة]

نقسم دائره الجسم من المنتصف ونضع علامه ثم نشبك الخيط السماوى




نعمل 6سلاسل(عباره عن 3سلاسل ارتفاع +3 سلال )




ثم نترك 2عامود ونعمل عامود كما فى الصوره

ثم 5سلاسل ونترك 3 عامود كما بالصوره ونشتغل عامود عشان هنا هيكون الركن الاول بتاع المستطيل




ثم 3سلاسل ونترك 2عامود ونعمل عامود
ثم 3سلاسل ونترك 2عامود ونعمل عامود



ثم 3سلاسل ونعمل عامود باول الراس



ثم 3سلاسل ونترك 2عامود ونعمل عامود




الى ان نصل الى الركن الثانى وهنعمل 5سلاسل كما بالصوره





ثم3 سلاسل ونعمل عامود فى منتصف الراس بين الاذنين مكان العلامه اللى وضعناها بالاول




ثم 3سلاسل وعامود بعد الاذن التانيه كما بالصوره




ثم 5سلاسل ونترك عامودين ونعمل عامود وكده يكون الركن الثانى





ونكمل كما سبق اللى ان نصل الى الركن الاخير ونقفل السطر بغرزه منزلقه

وده الشكل النهائى

[رومة]

الدور الاول
3سلاسل ارتفاع (تحسب عامود)




ثم 4 عواميد باول فتحه





4عواميد بثانى فتحه ثم 2سلسه و4عواميد بنفس الفتحه






نكمل باقى السطر 4عواميد بكل فتحه
الى ان نصل الى الفتحه اللى بها 5 سلاسل (الاركان)نقوم بعمل (4عواميد +2سلسله+4عواميد)







الى ان نصل الى اخر فتحه نعمل 3عواميد لان العامود الرابع بدأنا به السطر
نقفل بمنزلقه




الدور التانى
عامود فوق كل عامود
الى ان نصل الى الركن الذى به سلسلتين نقوم بعمل( 2 عامود +2سلسله+2عامود )





ونكمل باقى الدور عامود فوق كل عامود الى ان نصل الى الركن الثانى وهكذا الى اخر الدور


الدور التالت مثل الدور التانى بدون اى تغيير




الدور الرابع
اول مربع هنعمله كامل ونقطع الخيط

[رومة]

والتشبيك هيكون من المربع الثانى فى الدور الرابع
كما بالصور

ولا ننسى الاركان (2عامود+2سلسله+2عامود)

الانف والاذن

نعمل دائرتين من الكارتون ونلف حولها الخيط حووالى متر ونصف ثم نقصها وتصبح بهذا الشكل ونترك جزء من الخيط

نظبط المقاسات وشكل الدوائر الى ان تصبح متساويه

نقوم بادخاله بين العواميد كما بالصوره ثم نربطها من الخلف جيدا

ونقوم باخفاء الزوايد بين العواميد

نقوم بلف شريط الستان حول الرقبه ونربطه مرتين عشان معرضين للفك
(بسومه حبيبى ابن اختى بيشدهوم ويفكهم على طول)

وده الشكل من الخلف

هنلزق العيون بمسدس الشمع

حافه البطانيه بعد مخلصت والحمد لله

(2عامود بيكو 2عامود) نترك 3عواميد ونكرر( 2عامود بيكو 2عامود)

وكده تكون البطانيه خلصت بفضل الله

[حبيبه أمها]

ماشاء الله ولا حول ولا قوة الا بالله
تسلم ايديكى اللى عملت وشرحت
يتهنى بيها النونو يارب

[هنهن2007]

بسم الله ماشاء الله على الحلوة دية رومة
تسلم ايدكى وعنيكى رومة على المجهود دة
وربنا يكتر من امثالك حبيبتى

[هدف]

حلو وناعمه وشكله كشخه يسلمووووووووووووووووووووو

[bosy_md]

تسلم ايديكى يا قمر
بجد روووووعه

[بسكوته بالتوفي]

عااااااااااااااااااااااااااااااااااشت يدك وتسلمي ودربك خظر ان شاء الله اطبققها بس لمن اتشري صووووف

عشتي