السلام عليكم الغاليات
حبيت احط لكم بعض شغلي في المشاركات باليوم الوطني ,, تعرفون عيالنا او خوانا في المدارس دوم يقولون لهم هاتوا وهاتوا ...
ولو تلاحظون الشغل كله يعتمد على طرق مختلفة لتشكيل الوان العلم ,,
الادوات المستخدمة كانت فقط :
قلم رصاص + مسطرة + فرجار + منقلة + مثلث
صمغ ابيض الخاص بالخشب + مقص
اوراق بالوان علم الامارات الاربعة ( الاحمر - الاخضر - الابيض - الاسود ) + ورود نفس الشي
بالوان علم الامارات
انا قبل كنت حاطة كيفية صنع المباخر التقليدية او القديمة بالورق اكيد المقوى ,, والحين ها تطبيقي عليه بخصوص العيد الوطني ان شاء الله يعيبكم
وحاولت اصوره لكم بأكثر من جهة عسب تلاحطون ان المبخرة عبارة عن 10 قطع مركبات في بعض ..
***********************
وكنت بعد راويتكم شكل مبخرة طويلة لكن بدون الدرس واللي تقريبا ما يفرق عن شغل المبخرة التقليدية اللي فوق ,, وهاي المبخرة عبارة عن 14 قطعة ملزقات وهاي الصور باقي الصور بعد التزيين اللي قدرت عليه ..
وسويت وحدة ثانية اكبر بس للاسف ما كان في مجال اني اصورها بس عموما نفس الطريقة ..
**************************
هنيه كان مطلوب مني اني اسوي قلعة واولا ما اعرف او بالاصح ما قد جربت + ان ما عندي وقت يعني التصميم عسب اطلعه اوكي على الاقل يبالي من اسبوع الى 10 ايام وها كان المفروض اني اخلصه في 4 ايام فحاولت على قد ما اقدر اني اضبطها وطلعت معاي بالشكل اللي تشوفونها وهي عبارة عن 9 قطع مركبة ويا بعض ,, ان شاء الله اسوي لكم الدرس مالها بس بعد عيد الاضحى اكيد لان واااايد تعبت هالفترة ,,
لكن ولدي نصوري ما عيبته القلعة وايد مع انها ما كانت حقه بس قاللي لا لازم تسوين لها جي وجي وانا يالله فهمت شو يقصد ,,
وها اللي طلع وياي وعيبه الشكل واااايد هو وباقي الاطفال لكني صراحة ما كان عيبني الشكل الاول احلى وما ادري انتوا شو رايكم ,,
كأنها كيكة صح ههههههههههههه
*********************
وها شكل صراحة انا ما اعرف شو هو الموضوع اني كنت اقصقص والزق جي لاني كنت ادور على شي حق بنتي الصغيرونه الكيجي تو وما عرفت شو اسويلها وخصوصا اني شفت الورقة متاخر وما كان في بالي شي محدد ,, لكن عقب ما خلصتها سألت بنتي شو رايج قالت لي حلوووووووووووووو قصر العصفور ,, فتقدرون تعتبرون انها قصر او قفص العصفور بس النص الفوقاني ,, للاسف انا طرشته وياها جي بس لو كان في امكانية كان ممكن ازينه بطريقة احلى عموما انا دومي اقول اهم شي المشاركة :Afkr:
وها شكله من داخل
عموما خذينالنا خبرة عسب لو حبيت عقب اسوي قفص عصفور خلاص صرت عارفة التقنية مالته اشلون :chek:
*************************
اما الشكل اللي صدق عايبني وكان خاطري يستوي حقيقة واكله :^^:
وها على قولتهم مسقط رأسي :chek:
وهاي من جميع الجهات
وها توزيع اخر للورود
***********************
واخر شي سويته وكان لولدي نصوري وحليله وهو عبارة عن شي يشبه القارب وها اللي قدرت اسويه
تلعوزت اشوي في تركيب الشراع بس الحمد لله عدت على خير ان شاء الله
*************************
عموما هاي ديزايناتي اللي سويتها لعيالنا في يوم الاتحاد ,, ان شاء الله تكون عجبتكم ,, وشرات كل مرة دومي اذان وعيون صاغية لاي انتقادات بناءة توجهونها لي ان شاء الله
والله يوفقكم وييسر لكم الخير ان شاء الله دنيا واخره
@ اختكم في الله @
ام ناصر
حبيت احط لكم بعض شغلي في المشاركات باليوم الوطني ,, تعرفون عيالنا او خوانا في المدارس دوم يقولون لهم هاتوا وهاتوا ...
ولو تلاحظون الشغل كله يعتمد على طرق مختلفة لتشكيل الوان العلم ,,
الادوات المستخدمة كانت فقط :
قلم رصاص + مسطرة + فرجار + منقلة + مثلث
صمغ ابيض الخاص بالخشب + مقص
اوراق بالوان علم الامارات الاربعة ( الاحمر - الاخضر - الابيض - الاسود ) + ورود نفس الشي
بالوان علم الامارات
انا قبل كنت حاطة كيفية صنع المباخر التقليدية او القديمة بالورق اكيد المقوى ,, والحين ها تطبيقي عليه بخصوص العيد الوطني ان شاء الله يعيبكم
وحاولت اصوره لكم بأكثر من جهة عسب تلاحطون ان المبخرة عبارة عن 10 قطع مركبات في بعض ..
***********************
وكنت بعد راويتكم شكل مبخرة طويلة لكن بدون الدرس واللي تقريبا ما يفرق عن شغل المبخرة التقليدية اللي فوق ,, وهاي المبخرة عبارة عن 14 قطعة ملزقات وهاي الصور باقي الصور بعد التزيين اللي قدرت عليه ..
وسويت وحدة ثانية اكبر بس للاسف ما كان في مجال اني اصورها بس عموما نفس الطريقة ..
**************************
هنيه كان مطلوب مني اني اسوي قلعة واولا ما اعرف او بالاصح ما قد جربت + ان ما عندي وقت يعني التصميم عسب اطلعه اوكي على الاقل يبالي من اسبوع الى 10 ايام وها كان المفروض اني اخلصه في 4 ايام فحاولت على قد ما اقدر اني اضبطها وطلعت معاي بالشكل اللي تشوفونها وهي عبارة عن 9 قطع مركبة ويا بعض ,, ان شاء الله اسوي لكم الدرس مالها بس بعد عيد الاضحى اكيد لان واااايد تعبت هالفترة ,,
لكن ولدي نصوري ما عيبته القلعة وايد مع انها ما كانت حقه بس قاللي لا لازم تسوين لها جي وجي وانا يالله فهمت شو يقصد ,,
وها اللي طلع وياي وعيبه الشكل واااايد هو وباقي الاطفال لكني صراحة ما كان عيبني الشكل الاول احلى وما ادري انتوا شو رايكم ,,
كأنها كيكة صح ههههههههههههه
*********************
وها شكل صراحة انا ما اعرف شو هو الموضوع اني كنت اقصقص والزق جي لاني كنت ادور على شي حق بنتي الصغيرونه الكيجي تو وما عرفت شو اسويلها وخصوصا اني شفت الورقة متاخر وما كان في بالي شي محدد ,, لكن عقب ما خلصتها سألت بنتي شو رايج قالت لي حلوووووووووووووو قصر العصفور ,, فتقدرون تعتبرون انها قصر او قفص العصفور بس النص الفوقاني ,, للاسف انا طرشته وياها جي بس لو كان في امكانية كان ممكن ازينه بطريقة احلى عموما انا دومي اقول اهم شي المشاركة :Afkr:
وها شكله من داخل
عموما خذينالنا خبرة عسب لو حبيت عقب اسوي قفص عصفور خلاص صرت عارفة التقنية مالته اشلون :chek:
*************************
اما الشكل اللي صدق عايبني وكان خاطري يستوي حقيقة واكله :^^:
وها على قولتهم مسقط رأسي :chek:
وهاي من جميع الجهات
وها توزيع اخر للورود
***********************
واخر شي سويته وكان لولدي نصوري وحليله وهو عبارة عن شي يشبه القارب وها اللي قدرت اسويه
تلعوزت اشوي في تركيب الشراع بس الحمد لله عدت على خير ان شاء الله
*************************
عموما هاي ديزايناتي اللي سويتها لعيالنا في يوم الاتحاد ,, ان شاء الله تكون عجبتكم ,, وشرات كل مرة دومي اذان وعيون صاغية لاي انتقادات بناءة توجهونها لي ان شاء الله
والله يوفقكم وييسر لكم الخير ان شاء الله دنيا واخره
@ اختكم في الله @
ام ناصر
.jpg)
تعليق