** موضوع متميز ** مناقيش لبنانيه عالطريقه المصريه من مطبخ نور الهدى بالخطوات المصوره
السلام عليكم ورحمه الله وبركاته
اخواتى الكريمات وحشتونى جدا جدا غبت عنكن فتره بسبب ظروف سفرى واجازتى
وعدت لكن ولكن انشغلت بحمله صيفنا ابداع وبعدتنى عنكن ولكن لا تقلقوا عندى مواضيع ووصفات كتير فى كل ركن ان شاء الله احاول انزلها
اليوم اقدم لكن
المناقيش اللبنانيه اللى بموت فيها كل اللى عايشين فى دبى عارفين اكيد مخبز المختار ده اشهر مخبز لعمل المناقيش وكل اسبوع لازم اروح عنده اجيب المناقيش بس قررت اغامر واعملها بنفسى وكانت رووووووووووووووووووووووووووعه
يالله نبدأ فى المقادير
2 كوب ونص دقيق
كوب ماء دافئ
ملعقه ونص صغيره خميره فوريه
ربع كوب ماء دافئ مذاب فيه ملعقه صغيره سكر
ذره ملح
الطريقه
نترك الخميره تذوب مع السكر وربع كوب الماء حوالى عشر دقائق الى ان تفور وترتفع
نضع الدقيق فى العجانه ونضع الملح
نضيف كوب الماء ومعه الربع كوب المضاف له الخميره
ونعجن حوالى 10 دقائق بالعجانه ولو احتاجت دقيق نضيف حوالى ملعقه ملعقه الى ان تتماسك العجينه
نتركها تخمر ساعه فقط
بعد الساعه نحمى الفرن ونضع الصاج بالقرب من اللهب حتى يحمى جيدا
نفرد العجين على سطح مرشوش بالدقيق
نقوم بتقطيع العجين
نقوم بفرد العجين بالنشابه
وبعد الفرد نتركه يخمر مره اخرى فى الصاج حوالى عشر دقائق
ملحوظه مهمه جدا
هذه الوصفه هى نفسها طريقه عمل العيش الشامى لو اردنا عمل العيش
يبقى يجب الا تلامس ايدينا الخبز ونرفعه برفق حتى لا يجرح وبالتالى لن يرتفع
اما فى وصفتى هذه وضعت اصابعى على العجين لانى لا اريد انتفاخه
بعد ذلك نضع الحشو
انا استخدمت سوسيس مصرى بالثوم والتوابل وضعته كما هو عالعجين هكذا
ودخلته الفرن حوالى عشر دقائق وبعدها اضفت الجبنه اى نوع ممكن رومى مبشور او عكاوى او موتزاريلا وتركته دقيقه وخرجته من الفرن
وده شكله بعد التقطيع
ودخلت عجين فى الفرن بدون حشوه وعند خروجه من الفرن تركته يهدأ ووزعت على سطحه لبنه وزينته بالطماطم والخيار والزيتون
يارب تعجبكن الطريقه لانها سهله جدا وتنفع لاحلى فطور
ومره اخرى لن اغيب عنكن مره اخرى ان شاء الله
[
رد مع الاستدلال
صيفنا إبداع
الروابط المفضلة