أومليــــت من لبنـــــــــــان أشكــــال وألوان.. لسحور مغذي ومميز ..بالصورة !

[لبنان وحبايبه]

السلام عليكم يا أغلى صبايا

وكل عام وأنتو بألف خير ان شاء الله رمضان مبارك عليكم وعلى اهل بيتكم

مشتاقة نزل مواضيع بس للأسف عندي مشكلة بتحميل الصورة

وعلى ما تنحل المشكلة قلت بنزل أطباق العجة ((الأومليت)) يلي شاركت فيها بمهرجان العجة خاصة وانه في الكثير من الأخوات يلي ما شافوا الوصفات....

بسم الله أبدأ

فريتاتا

FRITTATA

هاي أومليت إيطالية وأكتر الأوقات بيعملوها لما يكون زايد عندهم باستا لأنهم ما بياكلوا الباستا إلا فريش وتاني يوم بيعملوه فريتاتا....

نبدا بالمقادير

3 بيضات نخفقهم مع الملح والفلفل الأسود..

بصلة مفرومة

سبانخ طازج مقطع

بندورة مفرومة وسط

زيت زيتون

ريحان طازج

جبنة فيتا مقطعة

جبنة شيدر مقطعة

باستا بايتة ممكن

بازيلا

الطريقة

نضع الزيت ثم البصلة ونقلب ثم نضيف السبانخ ونقلب دقيقة ..

بعدين نضع البندورة ونقلب قلبتين ونضيف الباستا والبازيلا المسلوقة..

نضيف شوي شوي البيض المخفوق ونحرك بلطف وبعدين نضع الريحان والفيتا..

لما يستووا نيض الشيدر ونغطيهم..

وهاي بعد ما خلصوا

وهاي بالصحن

وهاد الصحن للصبايا

وهاد كمان لحبيبات قلبي .. شايفين الفيتا والشيدر باينين..الأولى متل ما هي والتانية ساااااايحة

أومليت البيض بالخضار

المقادير

بندورة مفرومة ومصفاية

فلفل أخضر حار مقطع دوائربصلة خضراء مقطعة دوائر زيتون اسود من غير بذرةشبت مفروم جبنة غرويير أو شيدار أو موزاريلا مبشورةمرتديلا مقطعةملحفلفل أسود مطحونأنا استعمل زيت زيتون لقلي البيض ولكن طبعاً ممكن استعمال الزبدة وطبعاً بيض...

الطريقة

يخفق البيض ويتبل بالملح والفلفل الاسود..

نضع الزيت في المقلاية ويوضع البصل والفلفل الأخضر والمرتديلا والبندورة والزيتون ويقلبوا 3 دقائق ثم نضيف البيض ونقلب..

في آخر دقيقتان نضيف الجبنة على الوجه ولا نحرك بل نغطيهم...

يرفعوا عن النار ويرش فوقهم الشبت...وبالهنا..

إليكم الصور

الأومليت بالبطاطا والخضار

المقادير

2 بيضة مخفوقة جيداً مع شوية ملح وفلفل أسود وملعقة كبيرة ماء وملعقة كبيرة دقيق وكمان شوية أعشاب مجففة.. هاي بتيجي خالصة مخلوطة وموجودة بالسوبرماركن واسمها بالفرنسي Herbs de Provence وكمان بالعربي مكتوب (أعشاب البروفنس)

حبة بطاطا صغيرة مسلوقة نصف سلقة ومقطعة رقيق..

حبة طماطم صغيرة مقطعة ومن دون بذر (اللب)..

فليفلة خضراء حلوة مقطعة رقيق..

بصل مقطع هلايل رقيقة..

زيت زيتون..

زعتر أخضر..

رشة فلفل شطة مجفف ومدقوق (حسب الرغبة)..

الطريقة

نضع الزيت ونقلب البطاطا لغاية ما تبدا بالإشقرار..

نضيف البصل ونقلب ولما يتحمروا نضيف الفليفلة والطماطم..

نقلب جيداً بعدين نضيف البيض المخفوق ونحرك بالهداوة وبعدين نغطي المقلاية..

نضيف رشة الشطة والفلفل الأسود والزعتر الأخضر ونغطي ثانية..

المفروض ما تكون جافة تماماً يعني البيض وخاصة الصفار نصف استوا.. بس يلي في خوف عندهم من انفلوانزا الطيور أو البيض مو أكيد مصدره فلازن تنتظري لحد ما تنشف.....

أنا طبعاً ما نشفتها متل ما بحبها...

وإليكم الصور وسامحوني لأن بطارية لكاميرا انقطعت قبل ما أنقلها للطبق..

بس الحمدلله إني كصورتها بالمقلاية بعد ما خلصت ههههه

ما شاء الله ولا قوة إلا بالله

هاي المكونات بس الطماطم مو ظاهرة

وهاي بعد ما خلصت

وهاي الصحن لعيونكم

[center]

الرجاء عدم الرد لأن للموضوع تتمة....

[لبنان وحبايبه]

عجة الدجاج

المقادير

دجاج مفروم
بيض ( لكل كاسة دجاج مفروم بيضتين صغار أو بيضة كبيرة)
فلفل اسود
ملح
ملعقتان كبير ماء

الطريقة

نفصل البياض عن الصفار ونضع مع الصفار ذرة ملح ونخفق حتى يصير متل الكريمة..

نضيف الصفار على الدجاج مع البهار والملح والماء ونخلطهم ببعض جيداً حتى يتمازجوا..الخليط لزج مو جامد لا تخافوا..

نضيف فوقهم البياض المخفوق ونقلبهم شوي شوي حتى يمتزجوا....

في مقلاية غير لاصقة نضع 2 ملعقة كبيرة زيت نباتي ..

بعد ما يحمى الزيت نغرف من الخليط بملعقة طعام عميقة (تبع الشوربة) ونضع في المقلاية..

بهذا الشكل..

لاحظوا واحدة لسا ساكبتها وبعدها نيئة والأخريات حمرتهم على الوجه الأول وقلبتهم ..

نحمرهم على الوجهين....وبس بالعافية....

ممكن تعملوها بصينية وبالفرن.. بس أنا بعملها هيك اقراص بيرغبوها أكتر...

انا بعملها طبق رئيسي للاولاد وبيكيفوا عليها.....

ممكن تقدمي جنبها البطاطا البوريه والسلطة...

أنا اليوم قدمتها مع البطاطا المقلية....

ما شاء الله ولا قوة إلا بالله

هذا الطبق للصبايا

وهاد عن قريب لوعود

وهاد لأغلى عيون... لأطفالي

أومليت البيبيروني

Pepperoni Omelet

المقادير

بيضتين مخفوقة منيح مع 2 ملعقة كبيرة طحين وملعقة كبيرة لبن زبادي وشوية ملح وفلفل أسود

بيبيروني (ممكن استبدالها بالسوسيدج أو مرتديلا أو البيكون البقري أو أي نوع آخر)

فلفل أخضر حار

فلفل أخضر كبيس حار

زعتر أخضر

ثوم مقطع شرائح

زيت زيتون

جبنة موزاريلا

شوية كركم

حر احمر (تشيلي) ناشف

الطريقة

نضع زيت زيتون بالمقلاية ونحمر البيبيروني ....
بعدين نشيلهم ونضع الثوم وبحمره يا دوب وكمان نشيله على جنب.. لو تتخيلوا طعمة الثوم المحمر شو لذيذة مع هالطبق..

نضيف للبيض المخفوق كل المكونات ما عدا الثوم والبيبيروني والجبنة... نخلطهم بالملعقة ونصبهم بالمقلاية..

نضع على الوجه البيبيروني والثوم والجبنة وفي الوسط الحار التشيلي الأحمر..

هاد منظرهم بيكون

بعدين نغطي عليهم ونتركهم يستووا....

على فكرة إذا في عدة اشخاص بياكلوا ضاعفي الكمية حسب ما بدك وحطيهم بالصينية
وعند التقديم قطعيها كتل البيتزا.. كتير شكلها حلو والطعممممممممممم.. ما حخبركم

ما شاء الله ولا قوة إلا بالله

وهاي كمان صحن

وهاد الصحن للغاليات كلهم...

الرجاء عدم الرد لإكمال الموضوع

[حنان(البحرين)]

تسلم يدكِ عزيزتي على الوصفات الرائعه

[لبنان وحبايبه]

هذه الطريقة الآتية (الكريب) في بعض البلدان بيسموها (french Omelet layers) ..

رقائق الأومليت المحشية

المقادير

كوب طحين
كوب ماء
كوب حليب
بيضتين ورشة ملح و2 م ك زيت

الطريقة

تخلط جميع المقادير ببعضها ونحمي المقلاية الغير لاصقة ونضع كمية يا دوب تغطي القعر..

لما تنشف نقلب للوجه الثاني شوي ونشيلها

الحشوات

أنا مستعملة : جبنة سائلة وزيتون وبندورة...

وكمان أومليت مقلية وبعدين هرستها وخلطتها بالمايونيز..

كمان أوقات احشي بالتونة والمايونيز

نحشيهم ونلفهم ونكمشهم بأوراق البصل الأخضر

سامحوني ما راح أحط صورة المكونات يلي هي بسيطة أصلاً..

أنا صورتهم بس الصورة طلعت فلو....

إليكم الصور

ما شاء الله ولا قوة إلا بالله

وهاي أقرب

وهاي من الداخل..باينة الجبنة والزيتون والبندورة

أومليت بالباذنجان

المقادير

2 بيضة
2 ملعقة كبيرة جبنة بارميزان
2 ملعقة دقيق كبيرة
نصف كوب بطاطس مهروسة
فليفلة خضراء حارة مقطعة
باذنجان مقطع مربعات ومقلي بشوية زيت زيتون وثوم مهروس
جبنة حلوم مدخنة
بندورة
4 ملاعق كبار حليب سائل
زيت زيتون
أطراف البصل الأخضر
فلفل أسود
ملح

الطريقة

يخفق البيض جيداً بعدها نضيف الدقيق والملح ثم نضيف الدقيق ونخفق..

بعدها نضيف البطاطا بعدما نمررها بال potato ricer ونخلطهم مع البيض...

بعدين نضيف البارميزان والفليفلة والحليب نقلبهم مع بعض ليتجانسوا...

نضع زيت بالمقلاية ونصب الخليط وبعدين نضيف الباذنجان والبندورة والحلوم ونغطيهم..

لما يستوي الجزء الأسفل نقلبها....

نرش عليها البصل الأخضر وبالعاااااااااااااااااااااااافية...

وهاي الصور

هون خليط البيض مضاف عليه البطاطا

وهاي الحلوم المدخنة

وهاد الطبق لعيون أحلى صبايا

ما شاء الله ولا قوة إلا بالله

وهاد ليلّي بدّو

وهاي واحد كمان شايفين الجبنة على الوجه مممممم...

عجة البطاط الحلوة

(بان كيك البطاطا)

هذه الوصفة بتتاكل حلو وكمان مالح

المقادير

3 بيضة مخفوقة جيداً
3 بطاطا (بطاطس)مبشورة على الناعم
بصلة صغيرة مبشورة على الناعم (لا تخافوا ما بتنكه)
2 ملعقة كريم الطبخ
ربع ملعقة فانيليا

ملاحظة: للمالح نلغي الفانيليا ونرش ملح وفلفل ومممممممممممم...

الطريقة

بعدما نبرش البطاطا والبصل نحاول قدر المستطاع التخلص من الماء..

نخلط المقادير مع بعض وبيصير شكلها هيك

بعدين بمقلاية تيفال نضع زيت كمية بسيطة وممكن نصب بالملعقة وممكن نسكب بالدوائر
المعدنية بهذا الشكل

نحمر على الوجهين...

تؤكل إما برش السكر على الوجه أو بصوص البان كيك أو بالعسل أو بصوص الشوكولا أو... متل ما بتحبي

ما شاء الله ولا قوة إلا بالله

هون مقدماها مع البان كيك صوص ..وصوص الشوكولا

وهاي عن قرب

وهاي للصبايا

تم الموضوع بحمد الله

وان شاء الله رمضان كريم

يا رب يكون الموضوع عجبكم

لا تنسوني انا وأولادي وزوجي من دعواتكم حبيباتي

وان شاء الله لكم بالمثل...

[لبنان وحبايبه]

تسلم يدكِ عزيزتي على الوصفات الرائعه

حنونتي حبيبة قلبي..

انت يلي تسلم يداك يا رب..

وكل عام وانت بألف خير يا رب.....

نورتي يا غالية...

[§Nosa§]

ماشالله عنك يخزي العين...مميزة كما عهدناكِ حبيبتي ...تم الحفظ في المفضلة وللتطبيق بإذن الله...بوركتِ

[●•°BaSmA°•●]

يعطيكي ألف عافية
تشكيلة مميزة

[chahira]

روعة , روعة , روعة
تسلم ايدك
ابداع

[أم فئ]

ماشاء الله تبارك الرحمن

تسلم هالايادي المبدعه

[yehia2007]

ماشاء الله
تسلم الايادى يا قمر
كل الاطباق احلى من بعضها
كل عام وانتى بألف خير

[LYLY]

يسلمو ايديك اطباق بتشهي

[سوسن البحرين]

تسلم ايدك والله يحفظك انتي و عائلتك

[ليونه1]

وصفات رهيبه تسلمين يالغالية

[الحان تائهة]

تسلم ايديك واللة كان البيض يا مقلى يا مسلوق
لكن دلوقت بقة فى موسوعة ويبقى حد يقول زهقت من البيض

[لبنانية بجدة]

تسلم ايديك يا لبنان على الاطباق الخطيرة
جزاك الله كل خير