مرحبا أخواتي العزيزات بمنتدى لك
بداية أحب أن أشكر جميع الاخوات على الفائدة العظيمة التي قدموها لي من خلال تصفحي لمواضيعهم وردودهم فقد تعلمت الكثير عن فنون المطبخ والطبخ فبارك الله بكن وجزاكن كل الخير
فأرجو ان تقبلوني أختا جديدة لكم
موضوعي الاول سيكون عن الدونات والتي أتمنى أن تجربوها بإذن الله وتعطوني رأيكم
وصفتي مستوحاة من عجينة العشر دقائق الرائعة التي سأريكم تطبيقاتي بها بإذن الله قريبا
المقااديــر..................
3وربع كأس طحين
ملعقة كبيرة خميرة فورية
2ملعقة كبيرة حليب بودرة
ملعقة كبيرة ملح
ملعقة صغيرة بكنغ بودر
ملعقة صغيرة فانيلا
فنجان سكر
حبة بطاطا مسلوقة حجم وسط مهروسة بشكل جيد
بيضة واحدة
نصف كأس زيت نباتي
اكأس ماء دافي
القشطة للحشو......على طريقة منال العالم
2بيضة
ملعقة صغيرة فانيلا
كوب سكر
نصف كوب دقيق
عبوة قيمر 250مل
عبوة كريما 250مل
كوب حليب
في قدر متوسط نضع البيض والسكر الفانيلا والطحين والقيمر والحليب ونسخن على نار هادئة مع التقليب المستمر الى ان يصبح الخليط سميكا
وبعد ان يبرد نخلطه مع الكريما بعد خفقها
ولما استعملها للدونات أضربها شوي بالخلاط مشان نتصير سائلة نوعا ما
والطــريقة.......
كما هو معروف نبدأبخلط المواد الناشفة مع بعض
ثم نضع البيضة والبطاطا والزيت والماء ونعجن بشكل جيد لحتى تتكون معنا عجينة
جيدة ناعمة الملمس وكل ما زادت مدة العجن بتعطينا العجينة نتيجة أروع
بنخليها تختمر بمكان دافي لمدة ساعة تقريبا
وبعد ما تتخمر بنشكلها دوناات وبتكون بالطريقة التالية :
نفرد العجينة بالشوبك لتصير بسماكة 1 سم تقريباً ونقطعها بقطاعة الدونات أو بكأس كبير ونعمل دائرة صغيرة بالنص بغطاء صغير (الحاجة أم الاختراع
)
ونعمل نوع تاني كرات محشية بالقشطة واللي بيعرف دانكن دونتس هي الدوناات والقشطة اللي بقلبها متل اللي بهالمحل وأطيب كمان 
لازم ننتبه لما نحشي الكرات انو نسكرها بشكل جيد لما تطلع القشطة منها أثناء القلي
ونتركها لتتخمر بعد التقطيع والتشكيل تقريبا نص ساعة أو أكتر شوي على صينية مرشوشة بالطحين
ونغطيها بشكل جيد حتى ما تتشقق من الهوا أو ينشف الوش
نقليها في زيت حامي وغزير وبننتبه لانو بسرعة بتاخد لون وبنقلبها عالوش التاني
نضعها على ورق نشاف ولما بنخلص الكمية بنرشها بالسكر البودرة أو العادي أو بالشوكولا على حسب الرغبة
بصراحة ما عرفت كيفية تنزيل الصور بحجم أكبر مع انها كبيرة كتير
وجربت أشويها بس مقلية أطيب بكتير
وصحتين وهنا على قلبكم
دعواتكم لأختكم بســمة
●•° وصفة متميزه°•●موضوعي الاول معكم الدونات من مطبخي حياكم الله
رد مع الاستدلال
الروابط المفضلة