₪طبق متميز₪كلاج باللحمة المعصجة والخضار خفيفة وقليلة الدسم

[لبنان وحبايبه]

السلام عليكم يا صبايا المعجنات الفنانات....ولكل الصبايا الحبيبات

اليوم ان شاء الله بدي نزل الكلاج بطريقتي الخاصة... يعني يلي بيحبوا الدسم والزبدة والسمنة لا يشوفوا الوصفة

الحكي لك يا جارة.....ويلي بالي بالها أكيد بيكونوا طن طن طن طن طنوا أدانها ههههههه

الكلاج باللحمة والخضار

المقادير

ورق كلاج أو بقلاوة
سبانخ مثلج وممكن طازج
بندورة مقطعة صغير بدون مرق أو بذور
لحمة هبرة مفرومة ناعم مقلبة بشوية زيت مع بصلة وبهارات وملح وصلصة البندورة

بيشاميل قليلة دسم!!!!!!!!!!!!!!!

نخلط ليتر حليب سائل بدون دسم مع ملعقتين كبار دقيق ونرش عليهم شوية جوزة الطيب وبهار أبيض وشوية ملح ونضعهم على النار ونحرك إلى أن يبدوا بالغليان وتسمك الصوص، نضيف صفار بيضة مع الخفق بقوة وبعدي ما يغلوا 5 دقايق نضيف 3 ملعقة كبار جبنة صفراء لايت (قليلة الدسم) ممكن شيدر أو غرويير...ونطفيء النار.

الطريقة

ندهن الصينية بالزيت النباتي ونفرد ورقة الكلاج وندهنها بشوية زيت يا دوب حتى نمسحها كلها ..ونكرر العملية...

بعد 4 طبقات نفرد اللحمة ثم نضع البيشاميل ثم نوزع السبانخ بعدها البندورة....

بعدين نكرر عملية الكلاج...ممكن توضعي الحشوة طبقة أو ممكن طبقتين أو أكثر..متل ما بتحبي..

نخلط صفار بيضة وثلاثة أرباع كوب حليب سائل وشوية ملح وفلفل أسود ونسكبهم على آخر طبقة بالتساوي..

نخبز إلى أن تتحمر الأطراف وبعدين نحمر الوجه...

أترككم مع الصور

ما شاء الله ولا قوة إلا بالله

هاي بعد ما طلعت من الفرن

011.jpg

وهاي كمان صورة

012.jpg

وهاي بعد ما قطعنا شقفة للصبايا

014.jpg

وهاي شقفة الصبايا الغاليات

015.jpg

بالهنا يا رب

لا تنسوني من دعواتكم الحلوة غالياتي

أختكم أم آدم

[GHALIYA]

بسم الله ما شاء الله
باين لدييييييدة
ممكن آخد الطبق انا ما عاملا رجيم
هههههه
تسلم الايادي

[تغريد2007]

الحكى الى اه يلى ما بحبو الدسم ما يشوفو طيب شو عامله للى بحبو الدسم هههههههههههههه
الله يرضى عليكى يا رب لالالالالالالالالالالالالالالا اليوم نشيطه ما شاء الله عنك يا قمر
الله يعطيك العافيه ياااااااااااااااااااااارب ويسلمووووووووووووووووو دياتك حبيبتى

[mooj-2]

[ام ليانة]

ما شاء الله ام آدم وصفة رائعة جدا

يا واد يا رايق انت ... احنا ندبس باشي شحم واشي سمن حموي واشي زبدة وانت بتدوري على كل شي لايت هههههه


يعطيك العافية يا قمر وتفرحي باولادك .. وما يحرمنا منك ومن ابداعاتك الحلوة يارب

[جنان 92]

ما شاء الله لا قوة إلا باللهتسلم ايدك شكلها تجنن وانا استوليت علي هالصحن قبل ماتجي شخبوطه ههههه

[rawan_d]

يسلمو اديكي لبنان حبيبتي ... ما شاء الله وصفة روووعة
والله انا زيك ما بحب الدسم .. الاكل الصحي اخف و احسن
يعطيكي الف عاااااااااافية يا قمر

[yehia2007]

ماشاء الله شكلها رائع
عجبتنى فكرة الكلاج بالبشميل فكره حلوه وجديده وشكلها رائع
تسلم الايادى يا قمر

[نـور الدرب]

يسلمو أم آدم أحلى لبنان ،، عن جد روعة وبالنسبة للحمة قصدك يللي بيسموها راس العصفور؟؟؟؟؟

[الثمال]

دائما ما شاء الله اطباقك شهية
الله يعطيك العافية

[zahrat almadain]

حبيبتي لبنان انا كتير بحب وصفاتك وبتابعها
ما شاء الله عليك ست بيت معتبره
ومو بعيد عنك التحف يلي بتقدميها النا
مشكوره بيبتي على الوصفه
ويسلمو

[وعود الخير]

لحمة هبرة مفرومة ناعم مقلبة بشوية زيت مع بصلة وبهارات وملح وصلصة البندورة

مين اللي هوووووووووووووووووووووووون
... لولو ما غيرها .
الحمد لله ما فيش صنوبر
يسلموا يا لولو... للتطبيق في الويك اند
ما نتحرمش منك ومن وصفاتك اللا يت يا عسل ملوكي

[د.سوسن]

ما شاء الله يا لولو
روووووووووووووووووووعه
عجبتني جدا (مثل كل وصفاتك)
يعطيكي الف عافيه يااااااااااا رب

[لبنان وحبايبه]

بسم الله ما شاء الله
باين لدييييييدة
ممكن آخد الطبق انا ما عاملا رجيم
هههههه
تسلم الايادي

هلا حبيبتي نورتي يا قمر..

الطبق على حسابك ولو عاملة ريجيم كمان ينفع

الحكى الى اه يلى ما بحبو الدسم ما يشوفو طيب شو عامله للى بحبو الدسم هههههههههههههه
الله يرضى عليكى يا رب لالالالالالالالالالالالالالالا اليوم نشيطه ما شاء الله عنك يا قمر
الله يعطيك العافيه ياااااااااااااااااااااارب ويسلمووووووووووووووووو دياتك حبيبتى

يلي بيحبوا الدسم ما بياكلوا معنا كلاج خخخخخخخ
الله يحفظك ويخليك يا رب حبيبتي...

الله يخليك يا عسل

ما شاء الله ام آدم وصفة رائعة جدا

يا واد يا رايق انت ... احنا ندبس باشي شحم واشي سمن حموي واشي زبدة وانت بتدوري على كل شي لايت هههههه


يعطيك العافية يا قمر وتفرحي باولادك .. وما يحرمنا منك ومن ابداعاتك الحلوة يارب

الله يخليك حبيبتي..إذا كان هيك لكن ما بقى نزل بهاد الركن شي لأن أطباقي ما دخلها بالدسم...
بعدين مو قلنا إذا ما عجبكم انقلوه للرئيسية!!!!هههههههههه

تسلميلي أم ليان العسل وربي يحفظك من كل شر.

ما شاء الله لا قوة إلا باللهتسلم ايدك شكلها تجنن وانا استوليت علي هالصحن قبل ماتجي شخبوطه ههههه

هههههههههههه حبيبتي انت وشخبوطة...
على حسابك يا قمر ويخليلي هالطلة يا رب...

يسلمو اديكي لبنان حبيبتي ... ما شاء الله وصفة روووعة
والله انا زيك ما بحب الدسم .. الاكل الصحي اخف و احسن
يعطيكي الف عاااااااااافية يا قمر

الله يسلمك.........وأخيرا لقيت حد بالمنتدى بيحب الأكل الصحي

ماشاء الله شكلها رائع
عجبتنى فكرة الكلاج بالبشميل فكره حلوه وجديده وشكلها رائع
تسلم الايادى يا قمر

الله يسلمك حبيبة قلبي ويخليك

يسلمو أم آدم أحلى لبنان ،، عن جد روعة وبالنسبة للحمة قصدك يللي بيسموها راس العصفور؟؟؟؟؟

اللحمة المفرومة ناعم حبيبتي..
تسلمي يا رب ومشكورة يا قمر

دائما ما شاء الله اطباقك شهية
الله يعطيك العافية

الله يعافيك يا عسل منورة حبيبتي

[لبنان وحبايبه]

حبيبتي لبنان انا كتير بحب وصفاتك وبتابعها
ما شاء الله عليك ست بيت معتبره
ومو بعيد عنك التحف يلي بتقدميها النا
مشكوره بيبتي على الوصفه
ويسلمو

شكراً لك يا عسل هاد من حظي انك بتتابعيني
الله يخليك ويحميك انت واهل بيتك والف شكر على ردك الحلو

مين اللي هوووووووووووووووووووووووون
... لولو ما غيرها .
الحمد لله ما فيش صنوبر
يسلموا يا لولو... للتطبيق في الويك اند
ما نتحرمش منك ومن وصفاتك اللا يت يا عسل ملوكي

مين هووووووووووووووووووووون



وعود حبيبة قلبي!!!!!!!!!!!!!!!!!!!
حبيبتي ما بتحبي الصنوبر؟؟ خلاص بطلنا نطبخ بالصنوبر
وانا الله لا يحرمني من ردودك وطلتك يا ست الكل انت...
شايفة بالله أم ليانة مو عاجبها اللايت... مع أنها وصفة جديدة..يعني كلاج بالبيشلميل لسا ما أعتقد حدا نزلها...خلص حردت أنا وما بقى إجي على هاد الركن واااااااااع
أطالب بنقل الموضوع إلى الرئيسية وهاه

ما شاء الله يا لولو
روووووووووووووووووووعه
عجبتني جدا (مثل كل وصفاتك)
يعطيكي الف عافيه يااااااااااا رب

الله يعافيك يا رب حبيبتي.....
انت الاروع أم السوس...