طريقة عصر البندوره وحفظها لمدة سنه كااااااااااااااامله
بسم الله الرحمن الرحيم
كيفكم يا صبايا شو الاخبار جميعا ارجو ان تكونو بخير الجميع
كما وعتدكم عندما نزلت طبق رئيسى بالبندوره بان اكتب طريقة عصير البندوره
شو حكيت استغلو الفرص واشترو البندوره وهى رخيصه وهذا يلى صار مع زوجى
نزل على السوق لاقى بقس البندوره 10 شيكل بما يعادل 10 ريال المهم شرى 3 بقسات
مع انه قبل شهرين كان البقس 150 شيكل والله وصل عنا
المهم نبدا
المقادير
30 كيلو بندوره
نصف كيلو من الملح
الطريقه
نغسل البندوره وندعها ساعة زمن تجف
نقطع البندوره فى السكين قطع كبيره ونضعها فى طنجرها على النار ونطبخها حتى تنضج ونملح
نعصر البندوره على عصارة اليد كما ترون لتصفيتها من القشور
نعيدعصير البندوره فى الطنجره على النار ونتركها تغلى حتى تتكاثف نوعا ما تقريبا ساعه من الزمن
طبعا بنذوق البندوره اذا بلزم كمان ملح بنملح
بس للصراحه هيك العيار الف الف بطلع
بنكون محضرين مرطبانات نظيفه وجافه تماما
على طول والبندوره تغلى بنعبيها فى المرطبنات وبنسكر باحكام
هسا فى طريقتين وعليكم الاختيار
اول طريقه
نضع فى طنجره بشكير كبير ونضع المرطبانات عليها ونعبى عليهم ماء ونغطى بكمان بشكير
وبنغليهم على النار حتى يتعقمو يعنى غلوتين ثلاث
المهم يغلو مليح
الطريقه التانيه
بتعبى البندوره وهى ساخنه وبسرعه وبترتبيها فوق حرامات وبتغطيها كمان بحرامات لمدة اسبوع
يعنى كمر بتكمريهم
والصراحه الطريقتين ناجحات جدا
من اجل الصدق كنت اعمل الطريقه الاولى انا بس كان يتكسر معى مرات مرطبان او تنين
قبل 5 سنوات امى نصحتنى فى الطريقه التانيه وصرت امشى عليها الحمدلله نفس النتيجه
بضلو سنه كامله عندى زى ما هم والامانه الطبخ فيها ازكى من بندورة السوق
ارجو ان يعجبكم الشغل وما تحكو شو بدنا فى هالورشه هههههههههههههههههه
مزبوط هى ورشه بس انتو بدكم كل اشى على الجاهز ههههههههههههه
يلالالالالالالالالالالالالا تنشطووووووووووو
رد مع الاستدلال
بركتي
اليوم راح اقولة يجيب الباقي وعلى التطبيق على طول
كتبت بواسطة السوسنة_السوداء
الروابط المفضلة