انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 6 من 6

الموضوع: الطب مزايا و عيوب

  1. #1
    تاريخ التسجيل
    Feb 2007
    الموقع
    ام الدنيا
    الردود
    1,365
    الجنس
    أنثى

    الطب مزايا و عيوب

    بسم الله الرحمن الرحيم




    انا طبيبه امتياز وطبعا فى كتير ما يعرفوش معنى امتياز وده اللى هوضحه ان شاء الله

    انا درست فى كليه الطب البشرى جامعه الزقازيق احدى جامعات مصر المحروسه ولم يكن احد من اقاربى من الاطباء ولم افهم الكثير الا بعد التجربه ومساعده زملائى لذلك اردت ان اوضح لكم الصوره حتى تختاروا على بينه من امركم

    *000 اولا الطب يتطلب مجموع كبير اوى فى الثانويه ونفس طويل لان المشوار طوييييييييييل اما بالنسبه للامكانيات الماديه لو ناوى تاخد دروس يبقى هتخلص فلوس بابا وماما اما لو ناوى تعتمد على نفسك وتستغنى عن الدروس فان ان شاء الله هتوفر فلوس كتييييير اوى

    *000 دراسه الطب نظريه وعمليه وتحتناج للفهم واحيانا الحفظ خصوصا فى علم الدويه بس اهم حاجه فى الحياه العمليه هى الممارسه حتى تتكون لديك خبره من كثره تعاملك مع الحالات

    *000 دراسه الطب 6سنوات +سنه تدريب فى المستشفى(سنه الامتياز) اللى انا حاليا فيها

    - اول 3 سنوات تكون الدراسه اكاديميه للعلوم الاساسيه ( تشريح, فسيولوجى, كيمياء حيويه, علم الانسجه"هستولوجى" ,علم الادويه "فارماكولوجى",علم الامراض "باثولوجى")

    - سنه 4 هتدرس ( انف واذن , رمد, طب شرعى وسموم, صحه عامه )

    - سنه 5 هتدرس ( باطنه عامه بكل فروعها, اطفال )

    - سنه 6 هتدرس ( جراحه عامه بكل فروعها, نسا وولاده )

    - سنه 7 الامتياز هتدرب فى مستشفى الجامعه او اى مستشفى تعليمى او اى مستشفى عام وده برنامج التدريب فى السنه دى

    *شهرين جراحه عامه

    *شهرين باطنه عامه

    *شهرين نسا وولاده

    *شهرين اطفال

    *شهرين تخدر وطوارئ

    *شهر قسم خاص من فروع الباطنه مثل (جلديه, صدر, رعايه قلب, رعايه مخ و اعصاب, كلينيكال باثولوجى00000)

    *شهر قسم خاص من فروع الجراحه مثل (انف واذن , رمد , اشعه تشخيصيه , اشعه علاجيه , تخدير000000000)

    السنه دى مهمه جدا لانك هتكون طبيب بجد و هتحس ان ليك دور فعال وهتكتس خبره عمليه فى كل التخصصات هتساعدك على اختيار التخصص اللى تحبه

    *000 بعد الامتياز الحكومه توزعك فى التكليف لمده سنتين فى الوحدات الصحيه ويتم التوزيع على اساس الجامعه والمجموع والرغبات لو كنت من الاوائل هتستلم نيابتك فى الجامعه وتبدأ تحضيرالماجستيرفى التخصص الى هتاخده حسب مجموعك او تستنى سنه فى التكليف وبعدين تقدم فى نيابات الوزاره علشان تسجل فى الجامعه فى تخصص معين

    *ملحوظه مهمه جدا :لازم تجيب مجموع عالى فى الكليه علشان تعرف تختار التخصص اللى بتحبه والا هتدبس فى تخصص مش عايزه وساعتها اما هتاخده او تستقيل من الوزاره وتحضر على حسابك وطبعا هتدفع فلوس كتير

    *000 نيجى للمستقبل بالنسبه للمرتبات صغيره اوى وخصوصا فى الاول يعنى وانت امتياز مرتبك تقريبا 225ج ولما تكون نايب جامعه بالكتير اوى 400ج الحل الوحيد ان تاخد نوبتجيات 24 ساعه فى المستشفيات الخاصه علشان تحصل مبلغ معقول يقضى الاكل والشرباو انك تسافر احدى الدول العربيه الشقيقه بمرتب كوييس

    بالسنبه للدراسات العليا كتيييييييير وضروريه لاى طبيب ناجح هنذكر اهمها

    -معادلات اجنبيه للشهاده (لو ناوى تشتغل بره )

    - دبلومه

    -ماجستير(عدد السنين بتختلف من تخصص لاخر )

    -دكتوراه ( غالبا النجاح مش بيكون من اول مره الا لو كنت تبع الجامعه او ليك واسطه او شاطر جدا جدات جدا )

    -زماله (بريطانيه او فرنسيه) (دى اعلى من الدكتوراه ومحترمه فى اى مكان طبعا بس مكلفه ماديا اوى ومحتاجه مجهود عالى )

    *000الطب فيه تخصصات كثيره وفى كمان تخصصات جديده اذكر منها

    * جلديه وتناسليه * نسا وولاده * باطنه عامه

    *جراحه عامه * اطفال * انف واذن

    * رمد *طب الاسره * طب الطوارئ

    *تخدير *طب وقائى * تحاليل

    *اشعه *سمعيات * علاج طبيعى

    *امراض الصدر * امراض القلب * طب نفسى

    *مخ واعصاب *عظام * صحه انجابيه

    وهناك طبعا تخصصات كتييير

    بالنسبه لمستوى التدريس فى مصر فهو جيد جدا واكثر من ذلك انك تبدأالتدرب من اول سنه فلقد رأيت اول جثه فى حياتى بعد شهرين فقط من دخول الكليه واول تعامل لى مع المرضى كان فى سنه رايعه

    *000 لازم تختار تخصص بتحبه علشان تقدر تكون مميز فيه وتقدر تخدم امتك ودينك واعلم :

    - الطب طريق مفتوح ليس له نهايه فستظل تتعلم حتى اخر يوم وعليك الاطلاع بكل ما هو جديد حتى تستطيع ان تقدم افض عنايه طبيه لمريضك فانت مسؤل عن اخلى ما فى الحياه وهو الانسان

    - الشفاء من عند الله وحده فاعمل ما استطعت ولكن التوفيق من عند الله وحده

    - الطبيب يطلع على عورات الناس فلابد ان تتحلى بالاخلاق واياك وافشاء العورات

    - ان الله يراك فلا تعمل ما يغضب الله من اجل المال فكثيرا ما نسمع عن طبيب يسرق كليه فلان او يقوم بعمليات يحرمها الله الا فى حالات خاصه وذلك كله من اجل المال اتقى الله قال الله تعالى (إنما يخشى الله من عباده العلماء )

    - الطب مهنه من اشرف المهن فكن قدوه حسنه لدينك واخدم امتك

    *000 فى النهايه انصح شباب المستقبل وامل الامه فى التوجه لدراسه الطب فهو فرض كفايه واحد العلوم الكونيه الازمه لنهضه امتنا ورفعه ديننا واخلصوا النيه فى عملكم لله وحد وسوف تنال ثواب الدنيا والاخره ان شاء الله وربنا يوفقنا و اياكم لما فيه الخير ان شاء الله


    لو عجبكم الموضوع صوتوا له فى ¤مسابقة¤ حدثونا عن تخصصاتكم على هذا الرابط
    http://www.lakii.com/vb/showthread.php?t=405808

  2. #2
    ♥أم عبد الله♥'s صورة
    ♥أم عبد الله♥ غير متواجد كبار الشخصيات- بالعلم نرتقي -شعلة العطاء -لؤلؤة شتوية نادرة- بالعلم نرتقي - زهرة الحوار
    تاريخ التسجيل
    Mar 2007
    الردود
    10,541
    الجنس
    امرأة
    التدوينات
    9
    بسم الله الرحمن الرحيم
    السلام عليكم ورحمة الله وبركاته

    أحتي قطقوطة طرحك جميل ما شاء الله
    أد عو الله أن يوفقك في الدنيا و الآخرة




  3. #3
    تاريخ التسجيل
    Feb 2007
    الموقع
    ام الدنيا
    الردود
    1,365
    الجنس
    أنثى
    ميرسى حبيبتى على ردك

  4. #4
    تاريخ التسجيل
    Jul 2007
    الردود
    42
    الجنس
    أنثى
    مشكورة اختي على طرحك القيم و جازاك الله خيرا

  5. #5
    تاريخ التسجيل
    Aug 2005
    الموقع
    فلسـ داريـ ودرب انتصاريـ ـطين
    الردود
    13,195
    الجنس
    أنثى
    وعليكم السلام ورحمة الله وبركاته

    ما شاء الله صار عندنا فريق من الطبيبات الرائعات ..

    الله يجزيكِ الخير أختي قطقوطة على التقرير الرائع وربنا يوفقك وتحصلي على ما تريدين..

    "عيوننا ستبقى دومًا صوب القدس والأقصى ولن تنحصر داخل حدود غزة، وإن مشروعنا المقاوم سيمتد كما كان دومًا إلى كل أرضنا المغتصبة إن عاجلاً أو آجلاً"
    الشهيد أحمد الجعبري-رحمه الله






  6. #6
    تاريخ التسجيل
    Feb 2007
    الموقع
    ام الدنيا
    الردود
    1,365
    الجنس
    أنثى
    جزاكم الله كل خير على ردكم واهتمامكم

مواضيع مشابهه

  1. الردود: 7
    اخر موضوع: 28-09-2010, 11:22 AM
  2. الردود: 0
    اخر موضوع: 06-01-2010, 07:44 PM
  3. الطب البديل ... الطب الصيني يقاوم الغرغرينا والسكري بلسعات النحل
    بواسطة nona_nono في ركن التغذية والصحة والرجيم
    الردود: 0
    اخر موضوع: 02-05-2008, 12:13 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ