●•° موضوع متميز°•●كيكات منوعة بمقادير واحدة

[نهله2007]

مساء الخير على الجميع

جمعت كل كيكاتى اللى بعملها فى موضوع واحد لأجل عيون الغاليين و يارب يعجبوكم , و كل الانواع بمقادير واحدة توفيرا للوقت و النفقات هههههههههههههه

و ياريت اى واحدة من الغاليات عندها فكرة تانية تقول عليها , عشان نعمل موسوعة الطرق المختلفة للكيك و الاستفادة للجميع ان شاء الله

بسم الله نبدأ

المقادير

2 كوب دقيق + 1/2 باكو بودر ما يعادل معلقة كبيرة - 3/4 كوب سكر - 3 بيضات+ فانيليا – 1/2 كوب لبن – 1/2 كوب سمن - 1/2 كوب لبن (او عصير برتقال+معلقة بشر برتقال )

و هالمقادير بتحتاج صينية مقاس 26 او قالب كيك مثل هذا

الطريقة

أولا كيك ببشر البرتقال

1- فى الخلاط نضرب البيض مع الفانيليا ثم نضيف السكر ثم عصير البرتقال و البشر ثم نضيف السمن و نضربهم كويس

2- نفرغ الخليط السابق فوق الدقيق المخلوط بالبودر و نقلبهم كويس حتى يمتزجوا تماما

3- نفرغ الخليط فى القالب المدهون سمن و دقيق ونتركها حوالى ربع ساعة عشان العجينة ترتاح ثم ندخله فرن حار على درجة حرارة 230 و بياخد 45 دقيقة بالصبط

و ديا الكيك سويتها فى قوالب الكب الكيك و زينتها بالكريم شانتية

ثانيا كيك بالفواكة المجففة ( أو الزبيب )

نفس المقادير و الطريقة السابقة لكن قبل ما نفرغ الكيك فى القالب نعمل الاتى

1- نجيب الفواكة المجففة ( ما بعرف اسمها بالصبط و هحط ليكم صورتها ) و قبل ما نبدأ فى عمل الكيك نحط معلقتين ماية على الفواكة لحد ما نخلص الخليط

2- نفرغ نص العجينة فى القالب ثم نضع الفواكة المجففة بعد تفريغ المايه منها ثم باقى العجين

و ممكن بدل الفواكه المجففة نستعمل الزبيب

ثالثا كيك بالكاكاو

1- نحضر طبق و نضع به معلقتين كاكاو كبار و ندوبهم فى معلقو ماية
2- نعمل الكيك عادى و لكن باستعمال اللبن بدل العصير ( ما هتفرق كتير على فكرة لكنى ما بحب طعم البرتقال مع الكاكاو و أنتم و ذوقكم )
3- ناخد معلقتين كبار من العجين و نقلبهم مع الكاكاو كويس
4- نفرغ نص العجين فى القالب ثم نفرغ العجين المخلوط بالكاكاو على شكل خيوط فوق العجين الابيض ثم نغطيه بباقى العجين

[نهله2007]

رابعا كيك الالوان

1- نعمل كيك عادى بعصير البرتقال
2- نستعمل الوان الطعام , انا بستعمل الوان بودرة و عشان كدا بدوبها الاول فى معلقة ماية
3- استعملت اللون الاحمر و الاخض و الاصفر ووضعت معلقتين من العجين على كل لون و قلبتهم كويس لحد ما اتلونت العجين
4- نفرغ نص العجين فى القالب ثم نفرغ العجين الاحمر على شكل خيوط فوق العجين الابيض ثم نضع فوقه العجين الاصفر ثم الاخضر ثم نغطيه بباقى العجين

خامسا كيك شيكولاتة

1- بنحط معلقتين كبار من الكاكو على الدقيق و البودر عشان الكيكة كلها تكون شيكولاتة
2- لما تخرج من الفرن نفرغ فوقها هذى الخلطة ( 1/2 كوب لبن + 1\4 كوب زيت + معلقتين كبار من الكاكو و ينضربوا بالخلاط لحد ما يغلظ قوامهم )

سادسا كيكة الملعب

و شرحها بالتفصيل موجود بهالرابط

تورتة الملعب

سابعا كيك البرتقال بالصوص

و كنت اخدت هالوصفة من منتدى عالم حوا و صاحبتها الاخت عزيزة الله يعطيها العافية , بس انا عملت الكيك بمقاديرى

البرتقال :

5 برتقالات مقطعين دوائر بالقشر – 1 كوب سكر – 3/4 كوب ماء – معلقة صغيرة ليمون
نضعهم كلهم على النار حتى يغلوا و نتركهم حتى يكثف السكر و بتاخد تقريبا نصف ساعة

البودنج :

1 و 1/2 كوب لبن + 1/2 كوب سكر + صفار بيضتين + 2 معلقة كبيرة نشا + فانيليا ..... نضربهم كلهم فى الخلاط ثم نضعهم على النار مع التقليب المستمر حتى يغلظ قوامهم

1- نعمل الكيك بالطريقة العادية جدا بس نعملها فى صينية مدورة و نتركها تبرد تماما
2- فى نفس الصينية اللى عملنا فيها الكيك نرص حلقات البرتقال فى القاع و الجوانب ثم نقسم الكيك نصفين و نضع قليل من البودنج فوق شرائح البرتقال ثم نضع نصف الكيكة الاول و نسقيها شيرة من الموجودة مع البرتقال ثم نضع البودنج ثم النصف الثانى من الكيكة و نسقيها قليل من الشيرة
3- نضغط على الكيك كويس قووووووووووى و نغطى الصينية و ندخلها التلاجة 4 ساعات تقريبا لحد ما تتماسك كويس ثم نقلبها عند التقديم

ثامنا كيك بالقرفة او النسكافية

و طبعا بنعملها باللبن و بنحط مع الدقيق معلقة كبيرة من القرفة او النسكافية و طعمها جميل جدا , لكن اعذرونى نسيت اصورها

بس كدا خلصت و اتمنى أنهم يعجبوكم

دمتم بوووود

[د.سوسن]

نهله ما شااااااااااااااااااااء الله
تسلم دياتك يا قمر
مبدعه بكل معنى الكلمه
الله يباركلك يا عسل

[نهله2007]

نهله ما شااااااااااااااااااااء الله
تسلم دياتك يا قمر
مبدعه بكل معنى الكلمه
الله يباركلك يا عسل

تسلمى يا قمر على تواجدك الجميل

الله لا يحرمنى من طلاتك الحلوة

دمتى بوووود

[omroro-4]

راااااااااااااااااااااااااااااائع ما شاء الله تسلم ايديك

[ابنة الكثبان]

تسلم يدك ما شاء الله رووووووووووووووعة مع تحياتي ابنة الكثبان وشكررررررررررررررا

[ابنة الكثبان]

يا سلام رووووووووووووعة بارك الله فيكي ربي اخليك

[ام عبید الله]

ما شاء الله عليك
تسلم دياتك يا قمر ويا مبدعة

[نهله2007]

راااااااااااااااااااااااااااااائع ما شاء الله تسلم ايديك

الاروع هو تواجدك الجميل و مشاركتك الرائعة

دمتى فى حفظ الله اختى

[نهله2007]

تسلم يدك ما شاء الله رووووووووووووووعة مع تحياتي ابنة الكثبان وشكررررررررررررررا

شكرا لتواجدك الجميل يا قمر

دمتى بووووووود