نزلت 2.5 كيلو فى أسبوع

[eman_for_allah]

ازيكم ياقماميييييييييييييييير

وحشتونى اوىىىىىىىىىىىىىى
مادخلتش هنا من فترة بس الدراسة بقى والخروج والاصحاب والأكــــــــــــــل وكده يعنى

يارب تكونوا كويسين وخاسين مش زيى
اهئ اهئ اهئ
انا ياجماعة حكايتى حكاية
من 4 سنين كنت 85 كيلو
وبالرياضة والدايت وصلت ل 63 كيلو فى 6 شهور تقريبا والله ماانا فاكرة الوقت كان اد ايه

ماشى الكلام؟؟؟

ورجعت وقفت عن الرياضة والدايت لحد ماوصلت ل 78 كيلو!!!!!!!!!!
ورجعت تااااااااااانى للرياضة والدايت ووصلت ل 70 كيلو فى شهر ونص تقريبا

ورجعت وقفت 7 شهوووووووووووووووور
لحد ماوصلت ل 82.5
طبعا انا باستعبط
انا عارفة كده
بس اعمل ايه بس ماهو بصراحة الأكل طعمه حلو أموّت نفسى يعنى

المهم من 9أيام بدأت تانى اروح الجيم والعب رياضة وبدأت دايت
الكلام ده بدأ يوم السبت قبل اللى فات

ويوم السبت اللى فات لقيتنى بقيت 80 كيلو



كلامى كتير صح؟؟؟؟
معلش بقى استحملونى

المهم

النظام بتاعى فى الأكل ظريف وبيشبّع

الفطار.........4 بسكويت دايت+ كوب لبن خالى الدسم
الغدا............قطعة لحمة مشوية فى طماطم وفلفل+نصف رغيف خبز
او...صدر دجاجة(كويسة دجاجة دى؟؟؟ فرخة يعنى يابشر) مشوية فى الفلفل والطماطم+ نصف رغيف خبز
او..طبق كوسة مطبوخة نى فى نى+ نصف رغيف خبز
العشا................2 توست ريجيم+قطعة جبنة فيتا لايت+1 طماطم

والفرق بين كل وجبة والتانية مش بيقل عن 4 ساعات
ولو حسيت بدوخة من قلة السكر باشرب كوب شاى عليه معلقة صغيرة سكر
او ممكن آكل برتقالة

وفى اليوم مش أقل من لتر ونص مااااااااااااء(على اساس انى خروف)

والرياضة ايروبكس 3 مرات فى الاسبوع كل مرة ساعة
وبامشى على اد مااقدر ممكن امشى مثلا فى الاسبوع كله ساعتين بس
ان شاء الله احاول ازوّد


دعواتكم معايا

وابدأوا معايا يلا

انا بجد بجد وحشتنى الشيكولاتة والشيبسى والحاجات دى

بس مش مشكلة أوصل انا بس لل70 حتى وأبدأ أكافئ نفسى

وياسلام بقى لو وصلت لل 65 ده انا هاكافئ نفسى بعلبة شيكولاتة
هععععععععععععععععععععععععععععععععععع

بليييييييييييييييييييييز
حد ييجى معايا علشان نشجّع بعض بليييييييييييييييييييييييييييز

[fatoma86]

هاي ياجميل

انا معاكي ونفسي اخس بجد بقى ..... الواحد تعب نفسيا (قصدي ادمرت نفسيا ) looooool
انا عايزه اخس 13 كيلو (وزني 63 وطولي 162)

انا ناويه ابدا ريجيم بس لسه مش عارفه هوه ايه !! بس يارب نخس

[maya23]

اهلا اهلا
ازيك يا ايمان
الف مبروك رجوعك
وانا معك رغم انى مشتركة فى مواضيع تانية

المهم
الوزن 63.4
الطول 160
الزون المرغوب 50

[rorofun]

مبرووووووووووووووك عليكي يا ايمان نزول الوزن وعقبال الباقي ان شاء الله

[جندن]

انا معك ايمان

[اميرة ربيع]

انا معاكوا بس مش هاقدر امشى على نظام اكل معين لان مامتى اللى بتطبخ هههههههههههههههه

انا بجد معاكوا وهاحاول امشى كل يوم الصبح وانا رايحة شغلى

[Dalila]

جيد يا ايمان استمري هذا هو الصح
حاولي انم لما تشتهي شوكولاتة او تشيبس تذكري مساوءهم الصحية... وان قطعة حلوى ستجد مكانها في جزء من جسمك في الفخذ او في البطن اوووووووو...ما انت عارفة هههههههههههههه
اكثري من السلاطة يوميا خس قرنبيط خيار جزر...تكسبي صحة كويسة وحتى نضارة في الوجه وتوفري عليك كريمات واقنعة التجميل

[نايس1]

الف الف مبروك يا عسل ربنا يتمم بخير ههههههههه
ان شاء الله تخسي وتبقي مانيكان بس خلي بالك متعقديش تخسي وتتخني كتير كده غلط
اثبتي علي حاجه يا تخينه يا رفيعه ههههههههه
لا بجد حافظي علي وزنك لما تخسي وكولي كل حاجه بس بوعي وربنا معاكي

[eman_for_allah]

اهلاااااااااااااااااااااا حبايبى
ردودكم فرّحتنى اوىىىىىىىىىى
معلش اتأخرت عليكوا بس الكلية والجيم والنوم بقى
المهم بقى علشان ننجز الساعة 2 بالليل دلوقتى

انا كنت اول سبت فى الريجيم والرياضة 82.5 كيلو
وتانى سبت بقيت 80 كيلو
وتالت سبت 78.5 كيلو
ورابع سبت اللى هو النهارده لقيتنى 77 كيلووووووووووووووووو

يلا بقى ابدأوا وكمّلوا معايا
وانا ان شاء الله هادخل باستمرار واقول لكم اخر الاخبااااااااااااار

[محرك بحث]

برافوووو عليكي استمري ولا ترضي بالقليل خليكي دايماً طموحة وإرادتك قوية ..وعلى فكرة الأكل ماحيخلص بعد الرشاقة وخلي بالك الرشاقة كلي اللي نفسك فيه بس باعتدال ..مين اعتدال ..المهم بعد كل اسبوعين لازم تاخدي راحة يوم بس لا تفرحي مرة وترجعي اللي خسرتيه كلي اللي نفسك فيه وهادي صفقة مني لكل اللي حابين يعملوا دايت وانا وحدة منكم

[هرهوج]

بنات انا حابه اشارك معكم في المشوار وانا حابه انزل 17 كيلو بس انا كسوله وعزيمتي ضعيفه وابي رجييم مضمون لان عندي مناسبه مهمه جدا وابي انزل في شهرين وجربت كثير ومانزلت ابي وحده تعطيني رجييم مضمون ابدا فيه شاكره لكم التعاون ارجوا الرد ضروري مع العلم اني اود امشي ساعه في اليوم

ووزني الحالي 67 وطولي 162 وعمري 21سنه الوزن المطلوب 50

[eman_for_allah]

ابدأى ياهرهوج معانا وان شاء الله تنزلى اقل حاجة 12 او 14 كيلو فى شهرين ولو زودتى انتى المجهود فى الرياضة والمشى ممكن توصلى للى انتى عايزاه ان شاء الله

[eman_for_allah]

اهلااااااااااااا بسيادة المحركة
شوفى ياستى انا عاملة لنفسى يوم فرىىىىىىىىى
بس كل شهر بقى مش اسبوعين
وانا فرحانة علشان انتى معانا

[سأظل أنتظرك!!]

مرحبا ايمااااااااااااان انتي بطله والله انا بديت واسبوع كامل مانزلتش ولا ربع كيلو!!!يمكن جسمي عنده مناعة من الرجيم!!!والله هعيط

[Syrian Girl]

طيب حبيبتي ألف مبرووووووووك

بس عندي سؤال الله يخليكي

شو نوع الرياضة اللي بتعمليها ؟؟

أنا بلعب على الدراجة الثابتة .. كويسة و لا لاء ؟؟

جاوبيني الله يخليكي و أي نوع من الرياضة مفيد ؟؟

لأني ما بقدر اعمل دايت حاليا عندي دراسة و اختبارات و بلااااااااوي من المدرسة : (


بس جاوبيني ع الرياضة الله يوفقك : )

و شكراااااااا مقدما ؛؛