●•°حلى متميز°•● أصابع الشوفان القرمشة .. لذيذ وصحي وسهل التحضير .. من لبنان وبالصورة!
يسعدلي صباح أحلى صبايا
صار لي زمان ما نزلت شي بهاد الركن المميز لأني اصلاً مو أكيلة حلو ولا حتى ولادي.. بس لما بيجينا ضيوف بساوي... بس أوقات لما بساوي وبيكون جايي عبالي الحلو بحب اعمل شي صحي..
الطبق اليوم بيعجب كل يلي داقوه ومناسب للصبايا يلي بتعمل ريجيم وكمان يلي بيحبوا الأكل الصحي..
هذا الحلى ممكن تتحكمي بمكوناته، تغيري وتنقصي وتضيفي .. هلق بقولكم كيف..
أصابع الشوفان أو FLAPJACKS
هذه الوصفة مقرمشة وكمان chewy يعني فيها طراوة من الزبيب والتمر يلي داخلها..
المقادير
شراب البانكيك Maple syrop
ممكن كمان شوية دبس التمر
شوية عسل
كوب شوفان
ملعقة كبيرة سكر اسمر
أنا أضفت كوب من كورن فليكس الأسمر بالفاكهة المجففة
8 حبات تمر منزوع النوى ومفروم
حبوب شوكولا هيرشي بدون حليب
كمشة زبيب
ملعقتان كبيرتان من المرجرين النباتي متل Crisco
ملاحظة: ممكن إضافة بزر دوار الشمس أو بزر الياقطين الغير محمصين.
الطريقة
على نار هادية نذيب المرجرين مع السكر والسوائل..
وبعدها نضيف كل شيء ما عدا الشوكولا ونقلبهم ليتوزع السائل عليهم..
على صينية مسطحة نضع ورق زبدة ثم نقوم بسكب الخليط وإضافة الشوكولاتة عليه..
نملس السطح بهذا الشكل
نحاول تفريقها وتقطيعها قبل الخبز للسهولة .. ندخلها فرن 180 درجة تقريباً 20 دقيقة أو لحد ما تتحمر شوي..
وهذا منظرها بعد الخبز..
ما شاء الله ولا قوة إلا بالله
وهذا بعد التقطيع
وهذا للرد الأول.. والتاني كمان
دمتم برعاية الله
لا تنسوني من دعواتكم اخواتي الغاليات
رد مع الاستدلال
الروابط المفضلة