تويت
**موضوع متميز**جلاش البيتزا
جلاش البيتزا يا بنات طعم البيتزا بالصبط و اهم حاجة انه سهل و مبياخدش وقت
بسم الله يلا نبدأ
جلاش البيتزا المقادير
1/2 كيلو جلاش - علبه جبنة نستو- سمنه سايحة - طماطم و فلفل اخضر و زيتون متقطعين دواير .
الطريقة
1- نجيب الصينية و نحط فيها معلقتين سمن و نبدأ نرص ورقة جلاش و بعدين ندهنها بالسمن و هكذا لحد ما نوصل لنص كمية الجلاش , نفرد الجبنه النستو براحة ع اخر طبقة جلاش عملناها بشويش عشان الجلاش ميتقطعش و بعدين نحط الطماطم و الفلفل و الزيتون
2- نبدا نرص باقى الجلاش و مننساش نحط بين كل ورقة و التانية سمن . و لما نخلص الورق كله نقطع الجلاش بالسكين
3- ندهن الوجة ببيضة مخفوقة مع معلقة لبن .
4- ندخل الصينية فرن حار على درجة 200 و نسيبها لحد ما يحمر الوجة و بتاخد تقريبا نص ساعة.
وده شكلها النهائى .
وده شكلها النهائى .
تعليق