تويت
** وصفة متميزة*سندويش تشيز برجر . نفس رائحة وطعم همبرجر المطاعم.. من لبنان وبالصورة!
السلام عليكم غالياتي
مشتاقتلكم جميعاً ويا رب الكل يكون بألف خير...
اليوم هديتي مو اي هدية... هي صحيح همبرجر بس مو أي همبرجر 
ان شاء الله حتعملوها بالبيت وما بقى تفكروا تاكلوها بالمطاعم وخاص مطاعم الوجبات السريعة...
وأولادكم ما رح يعترضوا لأن الرائحة يلي بتشدنا للوجبات السريعة حتكون نفسها والطعم أروع!!
لنبدأ بسم الله...
الهمبرجر
المقادير
لحمة هبرة مفرومة ناعم متل لحمة الكبة
بصلة مفرومة ناعم
زيت نباتي
فص ثوم مفروم
ملح
بهار اسود مطحون
شوية بقدونس مفروم
رشة صغيرة كمون مطحون
بقسماط
جبنة للبرجر
نضيف صوص الذي هو سر الرائحة يلي بتطلع بالمطاعم هي من WORCESTERSHIRE SAUCE
خبز للهمبرجر
بصلة مفرومة ناعم
زيت نباتي
فص ثوم مفروم
ملح
بهار اسود مطحون
شوية بقدونس مفروم
رشة صغيرة كمون مطحون
بقسماط
جبنة للبرجر
نضيف صوص الذي هو سر الرائحة يلي بتطلع بالمطاعم هي من WORCESTERSHIRE SAUCE
خبز للهمبرجر
الطريقة
نضع على النار ملعقة زيت ونقلب فيها البصلة لحد ما تدبل ونتركها لتبرد..
نخلط اللحم مع البصل والثوم والبهارات ونضع الصوص حسب كمية اللحمة بس طبعاً مو أقل من 3 ملاعق كبار.
نرش شوية بقسماط لتتماسك اللحمة ولتعطيها ترطيب بعد الشوي وما تكش اللخمة كتير معنا..
نكور اللحمة بالحجم يلي بتحبيه .. أنا شويتهم على شواية الغاز التيفال.. وهذا شكلهم بعد الشوي..
ما شاء الله ولا قوة إلا بالله
اللهب لسا عم يطلع منهم ممممممممممممم
مممممممممممممعملت سلطة كولسلو ان شاء الله بنزلها بركن السلطات اليوم ..
السندويش دهنته بالكاتشاب من تحت ومن فوق ثم وضعت اللحمة ثم الخردل بعدين الجبنة و البندورة وسلطة كولسلو..ممكن تضيفي حلقات البصل..بعدين الخس والمخلل..
قدمتها بالصحن مع البطاطا المقلية والسلطة....
وهذا شكلها
وهي كمان صورة للحبايب
صدقاً حبيباتي لما دخل آدم من باب البيت بعد ما وصل من المدرسة قال لي ((( شامم ماك دونالد بالبيت )) وكان طبعاً مستغرب لأنو بيعرفني ما بدخل هالأكلات على البيت...
أكيدة راح يعجبكن...ممكن تعملوا كمية كبيرة وتحطوهم بعد الشوي بالفريزر ووقت ما بتحبوا طلعوا وسخنوها بالمايكروايف.. جربوها ولا تنسوني من دعواتكم حبيباتي....
تعليق