تويت
₪طبق متميز₪ الملفوف الشهي من مطبخ ام ليانة ...تفضلوا ...
كيفكم يا احلى صبايا
اشتقتلكم كتير ان شاء الله تكونوا جميعا با حسن الاحوال .... اشتقت للركن كتير واشتقت للغاليات حنونة ورندوش .... عندي اطباق كتيرة بس الوقت مو مساعدني انزلهم .... بس بصراحة الموبايل والكمبيوتر تذمروا من الصور الي فيهم ما صار في مجال الا انزلهم علشان هيك حابدا من المواضيع القديمة والشتوية قبل الشتا ما يروح
حاقدم الكم الملفوف ... البنات ما قصروا وقدموه بطرق مختلفة في الركن وانا اله مصور عندي من الصيف لكن كل شي بأوان وان شاء الله تعجبكم طريقتي بسم الله نبدأ
الملفوف 
المقادير ملفوف ومقطع ومسلوق بماء مغلي مضاف له ملح وشوية كمون
رز مصري متل سنوايت طبعا حسب كمية الملفوف مغسول ومنقوع بماء بارد شوي
لحمة ناعمة 1/4 كيلو تقريبا
1/2 حزمة بقدونس مغسولة ومفرومة ناعم + 1/2 حزمة شبت مغسولة ناعمة ايضا ( اختياري بس مع الملفوف كتير لذيذ ) + ملعقة صغيرة نعناع ناشف وممكن تضيفي نعناع اخضر
بصلة صغيرة مفرومة ناعم
حبة طماطم مفرومة ناعم
ملح وفلفل اسود وبهار مشكل وهيل ناعم
ملعقتين سمن او زيت زيتون او زيت نباتي او خليطهما حسب ما بتحبي
فصوص توم مقشررة توضع بين اوراق الملفوف
للدقة ( فلفلة حارة + 4 فصوص توم + ملح + ملعقة طعام كمون + عصير ليمون حسب الكمية وحسب ما بتحبي حموضته )
الطريقة نسلق الملفوف ونصفيه ونرتبه ونصفي الرز ونضيف له الخضار المقطعة والبهارات ......... والعروق انا باقطعها وبارتبها في قاع القدر علشان ما يلزق الملفوف .. اذا كان فيه ورق اخضر انا الفه واحطه تحت والاصفر لفوق مع العلم انه الاخضر مفيد اكتر
ابدا بلف الملفوف بالطريقة المعتادة وارتبها في القدر كما في الشكل واضيف حبات من التوم بين الورق لاضفاء نكهة لذيذة للملفوف
وهنا شكل الملفوف في القدر بعد ما انتهيت من اللف
اضيف الماء المغلي والمملح للملفوف بحيث يكون زايد بمقدار 2 سم فوقه وممكن اضافة مكعب ماجي وهذا برجع لرغبتك ونتركه على نار متوسطة الى ان يبدأ يغلي وبمجرد ما يغلي نهدي النار على الآخر ونتركه وعادة يستغرق قريب الساعة ..
عندما يشارف على النضج انا بادق التوم مع الفلفل الحار اذا بتحبى والكمون وبتضيفي له عصير الليمون وتضيفيه للقدر وتتركيه يغلي من 5 _10 دقائق على نار هادئة ولما تتأكدي من نضج الورق طفي النار واتركيه مغطى قريب الساعة ثم اسكبيه وقدميه
وهنا شكله بعد ما نضج واضفت له الدقة وهذه اختيارية ممكن تستغني عنها باضافة اضراس التوم مع رشة كمون وفي الاخر عصير الليمون
ولكن هذه الطريقة تكسب الملفوف نكهة وطعم ورائحة غير
جربوها وادعولي
وهنا الملفوف في طبق التقديم
مع العلم اني كنت متعودة اعمل خلطة الملفوف على طريقة ماما الله يعطيها الصحة بس رز ولحم مفروم خشن وبهارات بس هلا صرت اضيف خضرة للحشوة للفائدة وعلشان اقلل السعرات الحرارية ههههههههههه والطعم كمان غير يعني تغيير ... كل مرة باعمله بطريقة
ان شاء الله تجربوها وتعجبكم يا حلوين
ولا تنسوا أهل غزة من دعائكم
.gif)
.gif)
تعليق