اقراص خلاصة الشاى الاخضر ...الجزء 3 متابعة النتائج+تشجيع

[lola tarek]

مساء الخيرات يا جميلات زي القمرات
الف مبروك على الجزء التالت بس عايزينه التالت والاخير بقى بلاش المط احنا بقينا عاملين ولا مسلسل ليالي الحلمية
خلينا نعمل مسلسل جديد بقى واحداث جديدة واكيد الشخصيات حتتغير مش معقول الكلبوظات حيكونو بنفس شخصية الرشيقات ولا ايه؟؟؟؟؟؟؟ هههههههههههه
انا عن نفسي بتعلم الغلاسة من دلوقت علشان لما ابقى رشيقة محدش يعرف يكلمني خالص واولهم جوزي
هههههههههه
اختصروا بقى عيزين نخلص بقى من مسلسل الريجيمات والشاي الاخضر والبرتقالي والوصفات اللي مالهاش اول من اخر دي اللي وجعت بطننا
يا ناس دة انا وصلت لمرحلة اني مش قادرة ابص للاكل ماهو اكل الريجيم بصراحة يموع النفس
الحمد لله على كل حال اهي نعمة ماحدش لاقيها ( بصبر نفسي)

[smsmy]

هههههههههههههههههه
طيب تعرفى انى والله الحمد لله ماقدرت اقعد على الكومبيوتر الا لما اخدتها دى المضاد الحيوى بتاعى انتى لوتشوفينى العشا كنت بارتعش ومش قادره ارد على عيالى وحاسه انى لوح تلج
الحمد لله كله بفضل الله

[lola tarek]

الف سلامة يا سمسمي اكيد هبة عدتك مع اني قلتلها يا هبة اقعدي بعيد وانت بتتكلمي معانا بس مفيش فايدة

اهي سمسمي اخدت الدور يا هبة ارتحتي بقى ربنا يستر على باقي البنات ههههههههه
بجد الف سلامة عليكم انتو الاتنين وكمان علول الصغنون

[smsmy]

هههههههههههههههههههههههه
اهلا لولا نورتى
عندك حق والله الحكايه بات ماسخه اوى
انا عن نفسى ان شاء الله متشجعه خالص علشان المايوه امااااااااااال عايزين ننزل البانيو باه هههههههههههه
وبعدين انتى هتطلب معاكى نداله ليه لماتخسى مش كفايه الراجل متحملك وانتى كلبوظه هتبعيه لما تخسى ههههههههههههههه
وعلى فكره انا عايزه اخلص باه الوصفات مش بس علشان بطنى وجعتنى لا كمان علشان جيب جوزى كمان وجعه اوى هههههههههههههههههه

[lola tarek]

انتي عارفة يا سمسمي جوزي دايما يقولي انا لو اتجوزت واحدة جديدة ارخص من اللي بتعمليه دة كله

[نايس1]

السلام عليكم يا حلوات يا جميلات يا رشيقات
اهو اي كلام وخلاص متدقوش
انا بعتذر اني مدخلتش اوي النهارده مش عارفه مالي ماليش نفس اعمل اي حاجه وبصراحه زهقت بقي بقالي 3 شهور تقريبا بتفس الوزن كلام كلام وخلاص مفيش فعل
المهم انا الحمد لله الان احسن
كنت مشغوله جدا بعمل سويت ومعرفتش اكمل الصراحه الالم فظيع جدا انا مش عارفه في ايه منا عملتها ميت مرة اشمعني المرة دي
بايني اتحسدت ههههههه
المهم انا كنت مدايقه امبارح جدا ونمت معيطه قمت حلمت اني حامل وولدت
الحمل كعناه مشاكل والولاده حلها ان شاء الله
ففعلا اما صحيت لقيت الامور احسن
الحمد لله

[rmoosh]

سلامتك يا سمسمي ان شاء الله تخفي وتبقي كويسة
انا من القاهرة وسالت عن اقراص الجرين تي قالولي انها 30 قرص ب100 جنيه
فمعرفش بقى اذا كانت هي نفس النوع اللي انتو جبتوه ولا لا
انا سالت عنها في صيدلية سيف
اصلي كنت جبت قبل كده مالتي تريت ومشيت عليها شهر كامل وكنت بخفف بالاكل كمان بس ما نقصتش ولا كيلو
ما اعرفش ليه
يا ريت بس تقوليلي معلومات اكتر عن النوع اللي انتي جبتيه عشان اسال عنو
وشكرا

[loula37]

ام محمد
لاولا 37
مبروووووووووك على التحسن على الاقراص ومبروك للست والدتك ياام محمد ربنا يديها الصحه يارب

مساء الخير سمسمي الله يبارك فيك
الف سلامة لك ربنا يشفيك و
مبروك الجزء الثالث ان شاء الله كلنا نوصل لنتائج كويسة
ماشاء الله عليكن وعلى خفة دمكن ربنا خليكن دايما لبعض وتفرحو بنزول وزنكن
بالتوفيق

[smsmy]

بنااااااااااااااااااات
انا الحمد لله تعبانه خالص بيتهيالى انه مش دور برد زى ماكنت فاكره
بيتهيالى ان اقراص الجرين تى مركزه اوى عن المالمالتى تريت وحاسه انها ونزلتلى الضغط اوى الله اعلم انا باشك بس خلو بالكو باه يابنات اللى ضغطهم منخفض وخاصة انى راحل اسالى الصيدلانى الاول ياحبيبتى
هقيس الضغط واشوف لانها اعراض برد بس مفيش ارتفاع فى الحراره
ماعلهش يابنات الموضوع موضوعكو باه كملو مع بعض وادعولى الله يخليكو

[smsmy]

رمووش
لا ياسكر الاقراص دى احنا زى ماقلتلك جبناها ب28 ج هى الجرين تى 30 قرص فى برطمان صغير مرسوم عليها اشجار خضرا اكيد فيه حاجه غلط اسالى صيدليه تانيه اوعى تشترى اللى ب100 ده استهبال امال هنجيب بقيت حاجة الدايت بكام فكك منهم واسالى صيدليه تانيه
بالتوفيق وان شاء الله تلاقيها اه على فكره هى انتاج شركة تكنوماد شركه مشهوره