₪طبق متميز₪ العكوب لاغلى صبايا من البيت الفلسطيني (ورحلة العكوب)

تقليص
X
 
  • الوقت
  • عرض
إلغاء تحديد الكل
مشاركات جديدة
  • ام ادم 007
    النجم الفضي
    • Apr 2007
    • 4187

    #1

    ₪طبق متميز₪ العكوب لاغلى صبايا من البيت الفلسطيني (ورحلة العكوب)





    السلام عليكم ورحمة الله وبركاته

    طبختنا لليوم يمكن تكون غريبه على معظم الاخوات لكن معروفه كتير بالنسبه للفلسطينيات منهم

    ولانه هلاء موسمها حبيت تتعرفوا عليها عن قرب وطريقة الاعداد

    انا اليوم طبختها وحبيت تشاركوني اهم الاطباق الفلسطينيه

    اول شي بدي اعرفكم فيها اسمها العكوب

    صورته قبل القطاف (هوه النبته الشوكيه في الصوره)



    هذه صورته في الاسواق

















    والعكوب لمن لا يعرفه نبات شوكي يتواجد بكثرة في فلسيطن لا سيما في جبال الجليل
    والاغوار ونابلس، وتميزت مدينة نابلس بأهتمامها الشديد بهذا النوع من الغذاء فيطهونه على مدار العام سواء في موسمه أو غير موسمه حيث يتم تجفيفه وتجميده ليبقى محفوظا طوال فصول السنة



    و تعتبر هذه الأكلة من الأكلات التي تميز بعض المدن الفلسطينية، فهي لا تطبخ إلا لكل عزيز وغالي، ويكثر استخدامها في المواسم وخاصة في الأعياد شهر رمضان، وفي شعبان حيث يحتفل أهالي المدينة بطقوس نادرة بهذا الشهر من خلال الولائم التي تقيمها الأسر



    و العكوب كما هو أكله الغوالي في الأراضي الفلسطينية فهي أيضا هدية لها قيمتها حيث تقوم كل عائلة بإرسال كميات ليست قليلة لأقاربها المتواجدين في الخارج
    أن تناول هذه الوجبة أمر سهل جدا وممتع لكن الصعب هو اعداد هذا الطبق ليكون جاهزا للأكل، حيث تعتبر عملية الإعداد مهمة صعبة تبدأ بجمعه من الجبال ومن ثم البدأ بما يسمى " التعكيب " وتعني تنظيفه من الاشواك والقشور وهذا الامر يعتبر متعب ويأخذ الكثير من الوقت لذلك لا مناص من أن يشارك أفراد العائلة في هذا العمل.
    أما ان كان الهدف تخزين العكوب ليبقى على مدار العام فان ذلك يتطلب تجفيفه أو تجميده.




    متل ما شفتوا انه العكوب نبات شوكي وتنظيفه صعب جدا بتلاقي في نساء بتعرف تنظفه

    وفي نساء لا ما بيعرفوا بشتروه وبيعطوه لستات

    شغلتهم تنظيف العكوب في هاد الموسم وطبعا بفلوس او بتشتريه نضيف بس بكون سعره
    اغلى شوي


    اترككم مع بعض الصور عن تنظيف العكوب


    التعكيب









    وبعد التنظيف هيك بكون شكله





    هاد هلاء من مطبخي




    بعد ما نضفناه منقليه بالزيت حتى ما يصير لونه اسود في ناس بتسلقه

    هيك صار جاهز للطبخه او للتفريز

    ان شاء الله هلاء بعد ما تعرفتوا على نبتة العكوب راح اعرفكم على طريقة طبخه


    يتبع ارجوا عدم الرد
    التعديل الأخير تم بواسطة حنان(البحرين); 05-04-2008, 07:19 PM. سبب آخر: اضافة شعار التميز
  • ام ادم 007
    النجم الفضي
    • Apr 2007
    • 4187

    #2
    المقادير والطريقه حسب ما بعمله انا

    كيلو عكوب منظف ومقلي

    نصف كيلو لحمة خاروف

    لبن رايب مخفوق مع صفار بيضه

    بصل وثوم وملح ورشة بهار

    الطريقه

    نغسل اللحمه جيدا ونقليها مع البصل ونضيف الملح في الزيت حتى يذبل البصل

    منضيف الماء وتنركها لتستوي هيك صار عنا شورة اللحمه اللي راح نشتغل عليها

    بعد ما تستوي اللحمه نضيف العكوب للشوربه ومنتركها تغلى قليلا (انا بتركه لحتى يستوي العكوب)





    بعد ما يستوي منكون محضرين اللبن بخفقه مع صفار بيضه او ملعقة نشا ونغليه على النار شوي

    ومنسكبه على العكوب والشوربه في ناس بتحط اللحمه والبص والعوب كله مع بعض اول شي

    بس انا بحب استوي اللحمه بالاول منحبها مستويه عالاخر (ما عنا اسنان )ههههههههههههههههه



    منحركه ونتركه ليغلى اللبن قليلا

    نهرس الثوم ومنقليه ونحطه على الشوربه وصحتين وعافيه ما في اسهل منها الطبخه متل

    المنسف او الفول و مناكله مع الارز البيض

    تعليق

    • lone~ly
      كبار الشخصيات-نبض وعطاء
      متألقة صيفنا إبداع 1431 هـ-شعلة العطاء
      • Apr 2005
      • 13181

      #3
      ام ادم بارك الله فيك وجزاك الله كل خير
      زكرتينا بايام هداه البال والروقان
      الله يسهل على هديك الايام
      بجد اكله رائعه
      أكله ملوك
      متل ما قلتى
      واحلا شى فيها التعكيب بتفضلى تتشكشكى (ذكريات)
      لكن طالعه منك بتشهى
      ريتها صحه وهنا يا رب
      بالعافيه عليكم



      إحناكنا نعمله بنفس طريقتك بالضبط
      الاختلاف باخر شى
      ما كنا نضيف لبن نخليه على مرقته ونضيف ليمون بالاخر
      يمىىىىى
      لكن اكيد باللبن كمان طيب


      تسلم ايدك يامعدله
      التعديل الأخير تم بواسطة lone~ly; 01-03-2008, 06:20 PM.




      تعليق

      • تغريد2007
        ملكة الاناقة -وهج العطاء
        • Mar 2007
        • 25653

        #4
        اخ اخ اخ اخ اكمن شوكه غزتك ههههههههههههههههه
        يسلمووووووو يا ام ادم هاى اكله فلسطينيه بحت
        شفقت عليك من الشوك هههههههههههههه
        نحمدك ربي حمداً طيباً مباركاً فيه

        تعليق

        • يسوره4070
          النجم الفضي
          • Dec 2007
          • 1310

          #5
          اول مره نسمع بيه

          شهيتيني نذوقو

          الله يعطيك العافيه اختي

          تعليق

          • ام ادم 007
            النجم الفضي
            • Apr 2007
            • 4187

            #6
            هلا لونلي اذا بدك طبخه بعكبلك ها وببعتها لكندا

            هاي اول طبخه بشتريها هاد الموسم وعنا بعملوها كمان بدون لبن بس انا بحبه مع لبن

            مو على ادامه مشكوره لمرورك وعلى ردك الجميل

            تغريد بدك الصراح ههههههههه انا اشتريته نص منضف ونضفت من وراها للست لانه

            ما عجبني تنضيفها يعني صحلي من الشوك نصيب

            ما بعرف اذا انتوا في رام الله بتعملوها او لا

            يتسلميلي على ردك المتعاطف ههههههههه مشكوره

            تعليق

            • &جروح تبتسم&
              عضو نادر
              • Mar 2007
              • 14616

              #7
              يسلموا ام آدم على العكوب الظريف
              انا بحط عليه كزبرة وبقلي بصلة ناعمة وبحطا على الوجه بدل التوم
              عموما الله يسلم هالايدين
              هالاكلة كتير طيبة وانا بحب العكوب اكتر من الفول الاخضر
              بس ما قلتيلي مين ساعدك بتنضيف العكوب؟؟؟؟؟؟ههههههههههه

              تعليق

              • ام ادم 007
                النجم الفضي
                • Apr 2007
                • 4187

                #8
                ام سوسو لا تزعلي مني لاني نزلت العكوب بس انت شكله مطوله لتنزلي طبختك

                ههههههههههههههه

                لسه يا ام سوسو هاد دلع كله كيلوا كمان شوي لما ينزل منيح منصير ندور على

                مين ينضفه واااااااااااااااااااااااع

                مشكوره حبيبتي على المرور

                وهاد الموضوع باسم البيت الفلسطيني منا كلنا طبعا

                تعليق

                • مي23
                  النجم الفضي
                  • Aug 2002
                  • 1129

                  #9
                  شهيتيني هون بالسعودية ما بعرفوه

                  تعليق

                  • moon and stars
                    كبار الشخصيات
                    • May 2007
                    • 14492

                    #10
                    تسلمي على الوصفة اول مرة اسمع بها يا ريت كنت جارتك حتى اذوقها.





                    تعليق

                    • ام ليانة
                      كبار الشخصيات
                      • Nov 2006
                      • 23351

                      #11
                      تسلم الايادي ام آدم

                      اكلة معتبرة ... وكمان بيحكوا مفيدة كتير

                      انا ما سبقلي وعملتعا بس باسمع فيها من مرة عمي وهي من نابلس وبتطلب يبعتوها الها مخصوص لعنا

                      صحة وعافية على الاكلة الشهية

                      جزاك الله كل خير







                      ((اللهم انى اسالك موجبات رحمتك وعزائم مغفرتك والسلامه من كل اثم والغنيمه من كل بر والفوز بالجنه والنجاه من النار
                      اللهم لاتدع لنا ذنبا الا غفرته ولا هما الا فرجته ولا حاجه هى لك الا قضيتها برحمتك))











                      تعليق

                      • (( ام ماهر ))
                        كبار الشخصيات
                        • Jun 2006
                        • 16989

                        #12
                        يا سلام على ست المعدلات رووووووووووووووعه

                        انا كثير بحبها والله اول مره اكلتها عند حماتي النابلسيه واستغربت

                        واجانا على الاردن بس ما كان معروف بالاردن بس هلقيت مليان وبطلبه وبقعد اشتغل وبنهد حيلى لانه لوحدى

                        بس لما انزلت على نابلس كانو مستغربات المدنيات كيف بعرف اعقب هههههههههههههههه

                        بس واحنا بنعقب العكوب بنكون مجهزين ماء فيه ملح وعصير ليمون علشان يظل اخضر وكمان ما ينبت الشوك حتى نخلص الكميه

                        هيك تعلمت بنابلس هيك بعملوة وبعديها بغسلوه ومن ثم الى القلى ومن ثم الى الثلاجه

                        اسفه طولت عليك وهينى بستنى ينزل العكوب هون علشان ابلش بس ممكن اسأل انت من فين ؟ اى بلد ؟

                        صحه وهنا على قلبكم الطبخه والحمد لله ذقنا خير السنه

                        جزاك الله الجنه

                        تعليق

                        • ام ادم 007
                          النجم الفضي
                          • Apr 2007
                          • 4187

                          #13
                          اهلين وسهلين بالجميع منورين يا ريتكم جيراني كان عزمتكم كلكم عليها اليوم

                          ام ليانه اهلين فيكي هدول اهل نابلس عندهم ادمان عليه هههههههههههههه

                          الوحده فهم بتفرز شي 50 كيلوواكتر ابقي خلي حماتك تدعمك بشي طبخه منها

                          هلا اخت رند انا من الضفه الغربيه في قريه قضاء مدينة سلفيت

                          بس بتقدري تقولي اني 3 جنسيات في شخص واحد هههههههههه اجنبي على اردني على فلاحي
                          ههههههههههههههه



                          اسعدني مروركم وفرحت اكتر انه الموضوع عجبكم

                          تعليق

                          • TOTO 000
                            النجم البرونزي
                            • Jan 2008
                            • 771

                            #14
                            تسلم ايديكي حبيبتي
                            ماما بتحبو كتير

                            تعليق

                            • um almajd
                              كبار الشخصيات
                              "نبض وعطاء " "مجموعه الابداع فى ركن الديكور"فنانة المقبلات""ذوقي راقي"
                              • May 2007
                              • 13007

                              #15
                              ياااااااااااااااااااااااااااااا الله يا أم آدم على العكوباات ما أزكاهم
                              حاسه الطعمه في تمي يا بنت هههه ... شفتي خليتيه يجي على بالي هلا
                              ومو جاي على بالي اشتغل في الشوك انا وااااااع .. بخللي ماما تعمله ههههه شريره انا
                              تسلم هالايادي يا قمر .. عكوبات بشهووو عنجد .. ومع اللبن بطير العقل
                              يعطيكي الف عافيه على العكوب وعلى الشوك حبيبتي ان شاالله عدوينك يا قمر
                              اعذروني لغيابي
                              كل عام وانت بألف خير يا أغلى عبق

                              في ضيافة مشرفة الغاليه um almajdالملف الأول لـشوربــــــــــ أم المجد ــــــــــــات .. وأول هدايا رمضان غالياتي
                              جميع أطباقي في ركن الحلويات http://www.lakii.com/vb/search.php?searchid=2833044
                              جميع أطباقي في ركن المقبلات http://www.lakii.com/vb/search.php?searchid=2833047
                              جميع أطباقي في ركن الأطباق الرئيسية http://www.lakii.com/vb/search.php?f=16
                              جميع أطباقي في ركن المعجنات http://www.lakii.com/vb/search.php?searchid=2833051
                              اعادة لمجموعه من مواضـ أم المجــد ـيع للسلطات والمقبلات ♥ بمناسبة اقتراب الشهر الفضيل
                              ملـف بكـل أطباقـي الرئيسيه * لصبايا منتدى لــك بالصور ♥ღ القائمة الرمضانية المميزة ღ♥ღ

                              ****وفي طابور الانتظار****

                              تعليق

                              يعمل...