الحقيقة الشاى دة اول مرة شربته كان من ايد خالى اللى عايش فى روسيا من حوالى 20 سنة الان
وكل اجازة كان يعمله بنفسة الى ان اصبحنا فى عائلة والدتى كلنا نشربة فى كل الاوقات وطريقتة سهلة وطعمة فررريد جدا وريحتة مش هقدر اوصف جمالها لانكم لازم تجربوه
المكونات للكوب الواحد
كوب ماء مغلى وساخن طبعا
نصف معلقة صغيرة شاى عادى اى نوع
معلقة صغيرة برتقال بودرة (طبعا موجود فى برطمانات فى السوبر ماركت )
ربع معلقة صغيرة قرفة
نصف ليمونة معصورة
2 حبة مسمار (قرنفل)
طبعا متخيلين التوليفة الجميلة قبل ما يتصنع
الطريقة طبعا سهلة جدا انك بتحضرى كوب الماء المغلى وتضيفى كل المكونات الجافة واخر شئ تضيفى عصير الليمون والقرنفل ويطلع معاكى الكوب بهذا الشكل
نصيحتى لازم تجربوة
وبالف هنا وشفا
الروابط المفضلة