مشروبي الأحمر اللذيذ***
السلام عليكم و رحمة الله و بركاته:
كيفكن يا أحلى صبايا
مرة كنت بدي أعمل عصير و محتارة بين الكركديه و التمرهندي...و لما شافني زوجي محتارة قلي اعملي الأثنين سوا... فكرت فيها و قلت ليش لاء رح جرب...
و فعلا" عملت الاتنين و خلطهم مع بعض و طلع كتيير لذيذ و لونه بيجنن و الكل حبوه و صار كل يوم بدو منو مع أنو الدنيا برد...
و أنتو جربوه و لو أنو برد بتشغلوا الدفاية و بتقعدوا جنبها...
خلينا بالجد و لنشوف شو عملنا****
* جبت 5 كاسات ماء دافئ و دوبت فيها 10 ملاعق سكر، ثم نقعت فيها قطعة تمر هندي بحجم نص الكف بعد تقطيعها قطع صغيرة..
*كمان جبت 5 كاسات ماء دافئ و دوبت فيها 10 ملاعق سكر و نقعت فيها مقدار نص كوب من ورق الكركديه . .
* تاني يوم نصفي الكركديه بمصفاة ناعمة ، و هيك حصلنا على عصير الكركديه.
* نصفي التمرهندي و نعصره عدة مرات 3 أو 4 مرات و كل مرة نضيف كمية قليلة من الماء حتى نلاحظ أنه ما عاد يطلع منه شي .
*نخلط العصيرين معا" .
*و ألف صحة و هنا****
رد مع الاستدلال
كتبت بواسطة وعود الخير
الروابط المفضلة