صفحتى الخاصة (يومياتى فى الريجيم)كلاكيت تانى مرة
السلام عليكم ورحمة الله وبركاتة
ازيكم يا بنات وحشتونى جداااااااااااااااااااااااااااااااااااااااااااااااا اااااا
انا راجعة وكلى عزيمة وارادة جامدة جدااااااااااااااااا
انا رحت لاخصائية تغذية لتانى مرة بس غيرتها الدكتورة المرة دى
حقولكوا بقى هى عملت معايا اية
اولا عرفت سنى وكدة واخدت عينة دم حللتها الاول وطلع عندى زيادة جامدة
نسبة الكوليسترول المعتدلة تترواح ما بين 160 ل230
والنسبة عندى 235 وقالتلى بالنسبة لسنى المفروض تكون 170
المهم حقولكوا على الارشادات الاول
1/ ممنوع السكريات (سكر مربى حلاوة عسل)
2/النشويات (رز مكرونة بطاطس قلقاس )
3/ممنوع الحلويات بكافة انواعها
4/ممنوع الزيت والسمن والمقليات
5/ممنوع المياة الغازية
6/ ممنوع شربالماء اثناء الاكل وبعد الاكل مباشرة
شوية حاجات كدة
1/ بلع 3 فصوص توم على الريق مع 4 كوب ماء
2/عدم النوم بعد الاكل
3/كل شى مسلوق ومشوى فقط
الادوية
عطتنى حبوب سيبوتيرم
وحبوب اخرى اسمها اتور ودول ب61 جنية
المهم النظام بقى
الافطار
قطعة جبن قريش او مثلثات +طبق سلطة كبير
بين الافطار والغداء
برتقال او جوافة باى كمية
الغداء
اللى انتى طباخة سواء لبيتك او ماما عملاة فى البيت
يعنى كوسة او فاصوليا خضار
ولو فى لحوم تكون حمراء بدون دهن
والفراخ مسلوقة ولو سمك يبقى مسلوق او مشوى بس
يعنى نقى بقى انتى عايزة تاكلى اية
وطبعا طبق سلطة معاهم
بين الغداء والعشا
برتقال او جوافة باى كمية
العشا
مثل الافطار
او بليلة
او طبق فشار كبير
وممكن فاطهة معاة
لو خلصتى اكللك كلة وحسيتى بالجوع بردة
كلى خيار او برتقال باى كمية
واشربى ماء كتير
ونصيحة اخرى شرب ما لا يقل عن 3 اكواب شاى اخضر ويا ريت نزود اكتر من 3
ومشى على الاقل ساعة يوميا
ودمتم سالمين
ان شاء الله ساسجل يوم بيوم فى هذة الصحة كما فعلت سابقا
دمتم بود
رد مع الاستدلال
كتبت بواسطة رنيوتا
الروابط المفضلة