ملف مميز* جيبوا شاي والحقوني بسرعة خبز بالفزحه وسمسم مناقيش زعتر وجبنة وبيض وكمان عرا

**ام أيهم** · 11-12-2007, 10:09 PM

ياالله شوووو مشتاقة الكم صبايا
من زمان ما سويت شي
وحكيت خليني اغيب واجيب
يعني مو معقوله ارجع ومو مجهزتلكم شي يعجبكم ويكون محرز كمان
عشان انتوا بتستاهلوا والله ...

وعلى فكرة بيجوز انتوا صرتوا تعرفوا انه انا بالغربه
وعنا هوون ما في خبز عربي .. عشان هيك انا بحب كل
وين ووين ؟؟؟؟ اخبز خبز عربي لانه ازكى وبقدر استعمله للسندويشات
والاكل العربي كمان
عشان هيك حبيت اورجيكم طريقتي بالخبز
وان شاء الله خبزاتي يعجبوكم
ومن نفس العجينة بسوي مناقيش الزعتر والبيض والجبنة كمان
والخبز اللي بسويه ..بعمل منه عرايس كمان
وان شاء الله يعجبكم الموضوع ويكون عند حسن ضنكم حبيباتي

وبدنا نبدا بالعجينة وراح اشرح مع الصور
شوووووووووووووو راااايكم ؟؟؟؟؟؟
بسم الله بندا
العجينة عباره عن :
طبعا الطحين حسب الكمية اللي بدك يعني انا بسوي كيلو طحين
وبعمل 8 خبزات وهون انا مسوية كيلو للخبز
وكمان كيلو للمناقيش والعرايس
طبعا العجينة بدها ملح وشوية سكر(رشة)
وخميرة ..وانا بعجنها بكاسة حليب والباقي ماء دافئ
والعجينة لازم تكون شوي جامده
يعني مو متل المعجنات شوي اجمد
وهي الصور

طبعا العجينة بدها عجن كويس
عشان تطلع رووعة
وهاي العجينة

بس تخلص عجن بدهنها شوية زيت زيتون على الوجه
عشان ما ينشف العجين
وبنلفه بكيس نايلون وبغطيه بحرام لما يخمر
وبده ساعه الى ساعه ونصف عشان الدنيا برد

وهاي العجينة لما تخمر
وبنقطعها لدوائر صغيره على قد الرغيف

وهسه ببلش افرد العجين بالشوبك
(اسطوانة فرد العجين ) بس بالاول بمسك الكرة وبقلب وجها على الصحن
فيه شوية قزحه وسمسم وبعدين بفرد العجين وبكون راشه السطح طحين

وبنفرد الكمية كلها

وبغطيها وبتركها ترتاح شوي
وهسه صار وقت الخبز
بحط الرغيف على سطح الفرن من فوق

وبس بنشف العجين من تحت ويتحمر شوي
بحطه جوه الفرن بالداخل

وهكذا حتى نخبز الخبزات كلهم
وهسه صار دور تشوفوا خبزاتي الحلوين
تفضلوا

وهاي كمان

هااااااااااااااااااااااااااااا شو رايكم ان شاء الله عجبوكم
ياااااااااارب يعجبوكم لانهم روووعة وكل مين بشوف خبزاتي بحكيلي
انهم بيشهوا وبفتحوا النفس كمان
ههههههههههههههههههههه

انتظروا للموضوع بقية
هسه دور المناقيش
تابعوني
الرجاء عدم الرد لحين اكتمال الموضوع

**ام البنات ** · 11-12-2007, 10:16 PM

ما قدرت اصبر و مستنياك تنتهي من الموضوع الجميل ده و بكده حضمن كل الاطباااااق

**ام أيهم** · 11-12-2007, 10:40 PM

جعتواااااااااااااا هههههههههههه
استنوا شوي علي بس اجبلكم المناقيش
هههههههه
بسم الله
هاي خلطة المناقيش اللي هي عبارة عن زيت وزعتر

طبعا نفس طريقة الخبز
لكن وهو العجين من فوق الفرن راح اجهز للمناقيش تابعوني
هوون راح اعمل حفر بالعجين باصابعي زي ما انتي شايفين

وهسه بدي احط الزعتر وافرده على الرغيف كله

وراح ادخل الرغيف حتى يستوي ويتحمر

وهاي لما خلص

وصار دور الجبنة والبيض
انا بستعمل جبنة الفيتا

وبخلط البيض مع الجبنة وشوية فلفل اسود

وبحط الخلطهعلى العجين اللي بكون نشف من تحت وبقدر احمله بدون ما اتغلب وينزل البيض عنه

وبدخله بالفرن

والان بدنا بجهز العرايس
هاي العرايس لازم نحتاج الها لحمه مفرومه نص كيلو
وبندورة مفرومه ناعمة وبصل وتومة وبهارات مشكله
وبخلطها بالمكسرمع بعض وبملحها
وهاي شكلها

بنجيب خبز وبنقسمه نصفين
وبحشي الخبز باللحمه

وبعدين يا خواتي بدهن الخبز من الجهتين بشوية زيت مخلوط مع ماء
وهون سر الصنعه عشان يضل الخبز طري ومو يابس
وبالذات العرايس هيك بنشتريها من المطاعم طرية موووو؟؟؟

واخيرا بحطها بالشوايه
زي ما انتوا شايفين

انتطروني
الرجاء عدم الرد

**ام أيهم** · 11-12-2007, 10:57 PM

يا ميت هلا فيكي ام البنات شرفتيني
والله وهاي البقية كلها على حسابك حبيبتي
تفضلي

هاي العرايس بالشواية تتحمر

حكيت خليني اتسلى بشغله ههههههههههههههههههه

شوفو صبايا بسم الله ما شاء الله

وتفضلوا على المقسوم

طبعا ام البنات حجزت حصتها اول وحده
والباقي بتقسموه عليكم صبايا بالتساوي
هههههههههههه
واذا بدكم بسويلكم كمان ههههههههههه
ولا يهمكم يا الغاليات
هاي انا من كتر الاكل ههههههههههه

يا رب يعجبكم
ولا تنسوني من الردود ولا بعدين
اكيد ما بترضوها
هههههههههههههههه

**lone~ly** · 11-12-2007, 10:58 PM

بسم الله ما شاء الله

الله عليك ام ايهم تحفه ما شاء الله

كتير حلوين ريته صحه وهنا

مو عارفه شو بدى قول

كله أحلى من بعض ما شاء الله

**lone~ly** · 11-12-2007, 11:01 PM

انا ام ايهم ما تنسينى

انا قاعده بستنى وانت بتقولى ما تردوا

وريقى شط من الحلاوه

وهى أحلى شاى بالنعناع لعيونك

**ام أيهم** · 11-12-2007, 11:11 PM

يسلموا يا ام البنات شوووووووووووووووووووووووو اول شعار الي ؟؟؟؟؟؟؟؟؟؟؟؟
ياااااي شو انا مبسوطه مش مصدقه ومو عارفه شو احكيلك ؟؟؟؟؟؟؟؟؟
الله يجزيكي الخير ..والله فرحتيني
وان شاء الله اكون عند حسن ضنكم......

ويا ميت هلا فيكي يا اخت لونلي
واكيد الك نصيبك ولو يا مراحب فيكي يا عسل

**علا النجار** · 11-12-2007, 11:33 PM

يسلمووووووووووووووو ويعطيك الف عافية

**أم جمال 2007** · 12-12-2007, 12:08 AM

ماشاء الله تسلم اديكي شي بشهي
تسلم اديكي ومنظر المناقيش بجنن وكهم طبعا

**أم جمال 2007** · 12-12-2007, 12:11 AM

بس اختي سؤال
يعني اديش بتحطي ملح تقريبا ؟

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ملف مميز* جيبوا شاي والحقوني بسرعة خبز بالفزحه وسمسم مناقيش زعتر وجبنة وبيض وكمان عرا

أدوات الموضوع

العرض