... بسم الله الرحمن الرحيم ...
امبارح عملت حلى لذيذ وشهي انا سميته حلى البسكو كيك ...... قلت لازم اشاركم فيه ما بتهونوا علي
بس لا تكترو مسموح بقطعة
واحدة بس بعد الغذا..... اكتر من هيك ممنوع !!! علشان صحتكم اتفقنا
حاقدم لكم الطريقة والمقادير معا للسهولة وهو طبقات
الطبقة الاولي
كيك شوكلاتة جاهز متل العائلة او كيك شوكلاتة محضر في البيت او بيتي كروكر متل ما بتحبي
يقطع و يرص في بايركس متل الصورة
ثم نحضر 3/4 كاس من الحليب الفاتر ونرش القليل منه فوق الكيك لترطيبه
الطبقة الثانية
نحضر باكيت بسكوت شاي اي نوع متوفر لديك نبلله بالحليب ثم نرصه فوق الكيك
واذا تبقى حليب نرشه فوق البسكوت بخفة حتى نحس ان البسكوت ترطب جيدا
للطبقة الثالثة
نضع في الخلاط
6 حبات جبن كيري
علبة قشطة التاج انا بحب استخدمها وحجمها مناسب 170 جم
2 باكيت دريم ويب
م ك سكر
و1/3 علبة القشطة ماء حتى يمتزجوا معا حيدا ويكون متجانس وكريمي
ثم يصب فوق البسكوت
ممكن تاخذي من الخليط ملعقتين وتضيفي لهم شوكلاتة وتزيني الوجه او تزينيه بمبشور الجلاكسي او
الفليك او الهيرشي السائلة او حسب ما بتحبي وهذا يرجع لذوقك
انا بصراحة اجى عبالي أغير فعملته بالشكل هذا والحمدلله يعني كان شكله حلو نوعا ما مش متل مابدي بس ماشي حاله ههههههههه شوفوا الصورة
يوضع في التلاجة حتى يبرد جيدا
انا دائما كل انواع الحلى باعملها بالليل وباقدمها تاني يوم حتى احصل على نتائج طيبة
وهاي شكله بعد التقطيع
وهاي الطبق لاول رد يا ترى من نصيب مين حيكون ؟؟؟؟؟
جربوه يا صبايا كتير لذيذ وكتير مناسب للضيافة وطعم البسكوت مع الكيك كتير رائع
واكيد حيعجبكم ..... ولاتنسوني من دعواتكم الحلوة
الروابط المفضلة